Mana Nyooth 14:13 - Wëël Jwøk

¹³ Ni wïnynya dwøl mør mo ööi ki maal, ni kööe, ni «Göör gïn, ‹Køør man ennø gwïëth en jï jø wø thøw ni ge ena ri Wuuö.› » Ni kö Jwïëc Jwøki, ni «Gena gwïëth møn, kiper nee dëëtge jwömge ki öölö marge, kiper tïïe moge cäädhi ka geni na aciel.»

Mana Nyooth 14:13 Iomraidhean Croise

Aydheea 35:10

'Ba jøøa wïïl Wuuö Jwøki wøk, geno duui, ni öge yi Dhayan ni ge wär ki dudi ni yïthge met, ni ö met eci marge ni bëëde na bäre bäre, kaamar aduda mo okïth wïc; ni bëëtge ni ge kanynyø ni yïthge met, ni ö kïmmö ki cooyø ni aae bäätge.

Daniel 12:13

«'Ba ïïni, cäädhï ki jöörï këël aŋuunne. Køøre ï cøøa kar jwöm mar thøø. 'Ba noo tïme na aŋuun piny, ï tïŋa maal ni jootï kurï mano mëëk ïïni.»

Mathiew 3:17

Ni put dwølli öö ki maal ni kööe, ni «Man beeye Wääda na mëëra ki gø, na met yia ki mare.»

Luk 16:25

'Ba Eeberam aköö, ni ‹Wääda, caar wïïï ki kanya bëëdï piny niï kwøw. Ïïno jäŋ ki jammi mo beyø. 'Ba Ladhara bëëdö ka bëët can yïth jammi mo reyø. 'Ba kawaane cwïnye ee cïp piny kany, ni ïïni, ï ena yi rääm.

Luk 16:9

'Ba aani ki dëëra, a cäänna uuni, ni määnynyu dëëtu ki nyïïawäädi ki jap kwärö mo bäät piny, kiper dïcäŋo thum jammi yie, nou jïëc kwör bëëte moa näk bäŋ cuŋge.

Wëëlö Mana Göör Pøølli Baŋ Jø Röm 14:8

Ni näk mo ø kwøw, ø kwøwa jï Wuuö, 'ba ni näk mo ø thøw, ø thøwa jï Wuuö. Kiper manøgønø, ni näk mo ø kwøw wala ø thøw, øøna mo Wuuö.

1 Körin 15:18

Ni ö jøøgø thuwø na thøw ni ena kur Krictø ni ränyge.

1 Körin 15:20

'Ba ka adïëri møn Krictø atïŋ maal ki yi thøø, ni beeye ŋata bwödhö ki duun wøk ki yi thøø dï jøøa näk othøw.

1 Körin 15:58

Kiper manøgønø, nyïïmera ni nägu omëëya, bëëdu karu nou ba dääŋi, nou tïïya tïï Wuuö cooth, ni ŋäyu ni öölö maru kiper Wuuö ba aay jaak.

2 Körin 5:8

Ni cwïnywa ewa maa ni yïthwa met, ni doo beerra eni ki mana dewa tøør ri dëël man, ni enwa buut Wuuö.

Pilipay 2:17

'Ba ni näk aano tïmö kaamar ogweea ni køny aani bäät jëëdhi na näk ŋäädhe maru, yia met, ni yïthø met, karøbëët.

1 Thecalönika 4:14

Kiper mana jïëø ni Jecu athøw ni cäŋi tïŋ maal ki yi thøø, kaawat manøgø thuwø yøø jïëø, ni ki køør Jecu, Jwøk jøøa näk othøw okäle ki eni na aciel.

1 Thecalönika 4:16

Kiper Kwäärö ki dëëre ööa piny ki maal, ki dwøl mo päl, ki dwør kwääy nyïïatwiet maal, ki dwør tuuŋ mar Jwøk. Ni ö jøøa thøw ri Krictø, ni kwøŋge ö maal.

1 Thecalönika 5:10

ŋata thøw kiperø, kiper nøø tïmø ni ø bëëdö ka eni na aciel, nee øøno thøw wala ø kwøw.

1 Timöthi 5:24

Raay mo jø møøk nëënö jaak, ni ŋäc ni ge cøøa kar ajäla, 'ba raay mo jø møga dëëtge onyoothge cään.

1 Timöthi 5:25

Kaawat manøgø thuwø, gïï wø beyø ni wø tïïc dhaanhe wø nëënö jaak. 'Ba këël doo ba nëënö, ba doo puta bëëtö no okanø.

Mana Nyooth 1:11

ni cäänö, ni «Göör gïn ni neetï en yi wëëlö, ni jääŋŋï gø baŋ acook Jwøk karge bïriedi, ni beeye yi Epeca, ki Camerna, ki Pergamum, ki Thayatira, ki Carda, ki Piladelpia, ki Leeyödicia.»

Mana Nyooth 10:4

'Ba määc køth moø na abïriiø yøø na määrge, ni marge cäänö, aana tïmö naa manynya göör. 'Ba dwøl mør awïnynya mo ööi ki maal ni kööe, ni «Mwön gïïa køp määc køthi karge bïriet, ni ba göörï ge.»

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

Mana Nyooth 11:19

Kanyøgø Øt Jwøk Mana Dwøŋ maalø ajap, ni ö acanduki mar luumme na tuude ki jiy ni neeni yi Øt Jwøk Mana Dwøŋ. Ni tïm agaackøthi ni mal, ni piny dïmmi døc, ki køth mo märö, ki dïjäŋ piny, ki piiø mo päl.

Mana Nyooth 16:17

Ni ö bïriet nyïïatwiet maalli ni køny kuura mare yi jamø jaak, ni ö dwølli mo päl ni wïnye ki bäät wälu ni ööi ka yi Øt Jwøk Mana Dwøŋ, ni kööe, na «Aløny nø.»

Mana Nyooth 19:9

Ni ö nyïïatwiel maal manøgø ni kööe jïra, «Göör gïn: Gwïëth en jï jøøa cwøl baŋ cam nywöm mar Nyidiel.» Ni kööe jïra, ni «Moi beege luup Jwøk na näk adïëri.»

Mana Nyooth 2:1

«'Ba gööt baŋ nyïïatwiel maal mar acooŋ Jwøk mana en Epeca ni kööï, ni «Moi beege luup ŋata näk cer cwïïe da ceer abïriiø, ni wø cäädhi ki dï lambae abïriiø ni wø en bäät tëëde ma warkey karge bïriet.

Mana Nyooth 2:7

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam jaath kwøw, ni en yi pwötha beer mar Jwøk.»

Mana Nyooth 20:6

Ŋato en ri duun wøk ki yi thøø mano kwøŋ tägö, gwïëth oen jïre, ni eni ena kur keere na mar Jwøk. Teeŋ jøøgø, thøw oen cään bäŋ teek jïre bäätge, 'ba ge tïmö ni gena dïlämme mo Jwøk ki Krictø. 'Ba geno bëënni ki eni na aciel ki cwiiri ma kuma.

Mana Nyooth 21:5

Ni ö ŋata en bäät wälu ni kööe, ni «Ennø, a tïïya jammi bëët ni nyärö.» Ni cäŋ köö, ni «Göör gïn. Kiper luup moi ii beege luup mo oŋäädhö ni näkge adïëri.»

Mana Nyooth 22:17

'Ba Jwïëc Jwøk ki Dhaagø thiinh ge cäänö, ni «Ööï.» Ni ŋat wø wïny gø wär kööe, ni «Ööï.» Ni ŋato dëëre da riew wär ööe, ni ŋato many man lwöte ri pï kwøw wär lwöte jaak ni bäŋ ŋïëw.

Mana Nyooth 6:11

Kanyøgø ŋati man nø amooc ka abïï mo tar mo røøe, ni köömmi ni cäŋge bëëtö ki kany mo thiinh, këël mano päŋ kwään nyïïmëëkge, jø wø tïny Krictø ki geni na aciel moo 'näk kaamar marge.