Mana Nyooth 14:10 - Wëël Jwøk

¹⁰ ŋatøgø thuwø, omäthi ki køøŋ nyïïomøki mar wëëc Jwøk, mo okøny yaa athöönh wëër mare, ni bäŋ gïn mo ojääbö ki gø. 'Ba eno caari ki maac, ki maac mør mo jïye keec ni lïëth døc nyïm nyïïatwiet maal na en kur keerge, ki nyïm Nyidiel.

Mana Nyooth 14:10 Iomraidhean Croise

Wïlöölö 19:24

Køøre Wuuö Jwøk maac ki tør mo liel døc ajääŋŋe bäät Cødam ki Gømöra ni pänhnhi ki maal baŋ Wuuö Jwøk kaamar køth,

Jööp 18:15

Jammi bëët moa en kar bëëtö mare awaaŋ maaci; ni ö gïn mo liel mo caala tør ni keethe kar bëëtö mare.

Jööp 21:20

Beerra man joot ajäla mare ki waŋe kiree; beerra man mäthe ka ajäla mar wëëc Jwøk na en teeki jïre.

Aydheea 29:9

Bëëdu ni uuno bwøk, ni yïthu othäŋŋö, tïmu ni uuna cööye nou ba nëënö, bëëdu ni uuno meer, ni paa ki køøŋø, bëëdu nou bøømmø, 'ba maru patha meerø ki køøŋø.

Aydheea 30:33

Kiper kar maac onø jiiŋŋø ki kany mo bäär; ka adïëri møn, onø jiiŋŋø kiper nyeny Aciria. Ojiiŋŋø na buur mo bäär mo yie dwøŋ, no oämmö ki maac mo wärri mo orubö ki jenni mo thööth. 'Ba jam dhi Wuuö Jwøk beeye na wëëk maac manøgø liel ni wärri.

Aydheea 34:9

Nyeŋ näm mo ŋööm Ëdöm otïmö na maaw mo nwaaŋ, ni tïm ŋøøm moge na teeŋ tør man wø liel; ni paac marge bäre bëëdö na maaw mo liel.

Aydheea 51:17

Wui Jerucalem, päyï! Päyï nø, ni ööï maal, ï na no omäthö ya athöönh wëër cer Wuuö Jwøk. Amaathï møn ni thöörï gø, ni put ïïni wëëk bøømmø.

Jeremaya 25:27

Ni kö Wuuö Jwøki jïra, ni «Caanï jïge, ni ‹Luumma caan Wuuö Jwøki, Jwø Icriel, eni na wïth jammi bëët, beeye en: Mäthu ni meerru, ni ŋwøgu, ni päänhnhu, ni ba duu maal këët, ki køør mäny mano jääŋŋa baŋu.›

Jeremaya 49:12

Kiper man caan Wuuö Jwøki en beeye en: «?Ni näk mo jøøa näk athöönh ajäla ba dege maadhø, maathge maadhø, uuno kääŋu nidïï ni ba maathu? U mäthö, ni ba kääŋu ka ajäla.

Jeremaya 51:57

Nyeya na näk nyeŋŋe beeye Wuuö Jwøk, eni na wïth jammi bëët, aköö, ni «Aani, jøøa kwörge døøŋŋø moe ki jøøa nyeŋge reegø moe omaadha ki køøŋø ni meerge, ni bee geni ki kwääri ki jø kööre ki jø leny moa teek, ni butge ki niine mo bäŋ cuŋŋe, ni geni ba päy këët.»

Wëël Kïmmö 4:21

Wui, jø Ëdöm, yïthu mïnge ni kanynyu nø, u ni wø bëëdö yi ŋööm Uc; 'ba uuni athöönh ajäla di jääŋŋö baŋu thuwø, ni mäthu ni meerru ni dööŋŋu ki dëëtu.

Edhikiel 20:48

Kanyøgønø ojoot jiyi bëët ni bee aani na Wuuö Jwøk na tïïc maac manøgø; 'ba maaøgø oput bëëtö ni ba løny ki bïp.› »

Edhikiel 38:22

Ni jääla geni ki täw mo leth ki køny remø piny. Aani køth mo dwøŋ mo ree da pey mo caala kïte, ki tør mo liel, ojääŋŋa bääte, ni pänh bääte ki jø leny moe ki bäät wïth juurre moa thööth mo wø cäädhi ki eni.

Abakuk 2:16

Ïïno bëëdö no otaaø na kar mana di ïïni jiemø. Ennø, ï ki dëërï, ï luunynya mäthö niï dööŋï ki dëërï. Wuuö Jwøk athöönh køøŋ ajäla mar cer cwïïe ï maadhe maadhø ki gø, ni ö ajiemmi marï ni wiil ree ki lään wïc.

Mathiew 20:22

'Ba adwøk Jecu jïge, no «U pëënynya gïn mo kuyu. ?Maara lønyø jïïu ki man mäthu ka athöönhnho mätha ki gø?» Ni köge jïgø, ni «Løny jïwa.»

Mathiew 25:41

«Kanyøgønø, eno köö jï jøw oen bäät caame, ni ‹Aayu buuta, u na näk ocienø; cou yi maaa näk bäŋ cuŋŋe kar ajäla, na näk ojiiŋŋø kiper anägö ki nyïïatwiete.

Mathiew 26:39

Køøre ena ci nyïm mëëth ni leeŋ ree piny ni läme ni kööe, na «Awuuö, ni näk mo løny, wëëk maath athöödhi man pöödhö bääta. 'Ba paa ki køør mana manynya, 'ba beeye ki køør mana manynyï.»

Maak 8:38

'Ba ŋato wäro wïïe laay ki nyeŋŋa, ki luupa, dï beenhnhø man ni wø kwier luum Jwøk, na jø raay en, Wär Dhaanhø wïïe olaay ki gø thuwø, kanyo ööe ki nyïïatwiet maal moa en kur keerge ka ajiem wänni.»

Moa Tïïc Nyïïatwieli 10:22

Ni köge, ni «Waani, wa jääŋŋa Körnilia ma wïth lwaa dïkuye ma dïpa, mo ena dhaanhø mo beer ni lwäär ki Jwøk, ni eni wø pwøc jø Juuthi pwøø bëët. Eni, ena nyuunh nyïïatwiel maalli mør na en kur keere na mar Jwøk kiper nee jääk baŋï niï ööï paare, kiper nee luupo caanï wïnynye.»

Tiet Ciik 29:23

ni ‹Ŋöömö bäre awaaŋ ni ränynye, ni tïme na bur ni caala acäbö, ni bäŋ gïn mo pïïth yie, ni bäŋ gïn mo ciek yie, ni bäŋe luum mo tuy yie, kaawat gïna tägö dëët päänye moa cwøl ni Cødam ki Gømöra ka Adama ki Dheböym, na raany Wuuö Jwøki ki køør wëër mare.›

2 Thecalönika 1:7

ni cïp jwömö jïïu ki waani bëët, u ni en yïth gïï mo leth enø, kanyo nyooth Kwäärö ma Jecu ki maal, ki nyïïatwiet maal moe na teek, ki yi maac mo liel,

Juut 1:7

Kaawat manøgø thuwø, Cødam ki Gømöra ki mïëri moa en deŋge, jøøa cïp dëëtge køør käp ni ge kapa dëëtge na enønø thuwø, atïmö na nyuudhi ki køør mana jääl geni ki maaa näk bäŋ cuŋŋe.

Mana Nyooth 15:7

Ni ö acielli dëët gïïa näk aŋween na kwøw ni mooc nyïïatwiet maal moøgø na abïriiø yøø ki kuure abïriiø ma warkey mo päŋ ki wëëc Jwøk, eni ni wø bëëdö ni kwøw këël na bäre bäre.

Mana Nyooth 16:19

Ni ö paana dwøŋŋi ni kaaŋŋe na thäŋi adäk, ni ö mïëc pinynyi ni päthge, ni ö Jwøki ni par wïïe ki gïr Babiløn na dwøŋ, nee wëëk mäthö ya athöödhi na päŋ ki wëëye na raac døc.

Mana Nyooth 18:3

Kiper mïëri bëët amädhö ki køøŋø mar käp mare, ni ö nyec pinynyi ni käpge ki gø, ni ö jø wø dääbö ki japge piny ni kwärge ki køør käp mare na raac døc.»

Mana Nyooth 18:6

Cool kwör dëëre, keda mana kwøŋ tïïc ki dëëre. Ni coolï kwör dëëre kwöre ariiø na kar moa tïïe. Ni jääpï athöönhnha näk ee jääbö jïre ki kwöre ariiø.

Mana Nyooth 19:15

Ni ö opëëllö mo beth ni bëëde ni ööa wøk ki dhee, mano gøøc mïëri ki gø, ni dïïm geni ka athøny nywïënyö. 'Ba eni buur wø biic nyïïomøki mar wëëc Jwøk na en teeki jïre, wëëya dwøŋ døc, onyøøne.

Mana Nyooth 19:20

Ni ö Lääyi ni maai, ge ki nyikuŋ jwøk mana näk patha adïëri, ŋata tïïö nyïme ki ŋïïce moa cøøk jøøa dëëtge jïtö ki ŋïï mar Läänögø, ki jøøa wøør gïna näk ocwääö na caal kïte. Gïïögø karge riet gena leeŋ yi naama liel ki maac mo jïye keec ni lïëth døc ni ge poot kwøw.

Mana Nyooth 20:10

Ni ö anägö na cøøk geni ni leeŋi yi naama liel ki maac mo jïye keec ni lïëth døc, kanya en Lääyi yie ki nyikuŋ jwøk mana näk patha adïëri. 'Ba ge di caarø ki cääŋŋe ki wärre këël na bäre bäre.

Mana Nyooth 20:14

Kanyøgø thøø ki kar bëët jwïëc jøøa näk othøw aleeŋ yi naama liel ki maac. Manøgø beeye thøø mano en cään, mar naamo liel ki maac.

Mana Nyooth 21:8

'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»