Mana Nyooth 13:6 - Wëël Jwøk

⁶ Ni jap dhee ni car luup mo reyø døc dëër Jwøk, ni jany nyeŋ gø ki kar bëëte, ki mo wø bëëdö maal.

Mana Nyooth 13:6 Iomraidhean Croise

Jööp 3:1

'Ba køør gïnögø, Jööp dhee ajabe ni cien dïcäŋ mana lwaarø yie ki gø.

Daniel 11:36

«'Ba nyeya tïmö ni tïïya gïno met yie ki gø jaak, ni tïŋ dëëre maal ni dwøŋŋa eni bäät juu bëët, ni cääne ki luup mo thäŋa ec dëër Jwø wïth juu. Eni bëëdö ni bëëtö mare othur kare, këël kanyo ö kar wëër mar Jwøk noo pääŋe, kiper gïna no onøŋøl, tägö møn.

Daniel 7:25

Ni cääne ki luup dëër Jwøa Dwøŋ ni en Maal, ni dïïm jiy moe, Eni na dwøŋ ni en maal, ni cäde ki man wiil kwöra wäŋŋi ki ciik, ni ö jic Jwøk ni cïbi cere ki cwiiri adäk ki thääŋö.

Daniel 7:8

«'Ba kanya bëëda naa caara gïr tuŋi moøgø døc, ka adïëri møn, tuuŋ mør mo thiinh acäŋ tuyö yïthakic tuŋi møga, ni ö tuŋi adäk røk tuŋi moa dïkwøŋ ni pudhi wøk ki tietge nyïm manøgø, ni tuuŋ manøgø jïre da nyeŋ mo caala nyeŋ dhaanhø, ni jïre da dhøk mo cäänö ki luup dhwöle mo døøŋŋø.

Mathiew 12:34

?U na nyïï thwöre, luubö ma wøp a dou gø caanø nidïï nou reyø? Kiper gïï wø thööth ni wø en cwïny beege ni wø caan dhøki.

Mathiew 15:19

Kiper acaare moa reyø wø ööi ka yi cwïny, teeŋ ka 'näk, ki luk, ki käp, ki käw, ki caan gïn mo patha adïëri, ki waac nyeŋ.

Jøøn 1:14

Ni ö Dwørøgøøni ni tïme na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.

Wëëlö Mana Göör Pøølli Baŋ Jø Röm 3:13

«Lwör moge atïmö keda bwörö mo ojabø, ni ge cara cwøk ki lëëpge.» «Ni cïmmi mo thwöre ena dhøkge.»

Köløcia 1:19

Ni beeye eni na mïn yi Jwøki ki man bëëde ree ki dëëre bäre.

Köløcia 2:9

Kiper bëët Jwøk bäre bëëdö dëër Krictø.

Ibaru 9:2

Kiper da oduŋkaara mo otïïö, ni thääŋŋe mana en wøk beeye mana wara bëët lamba, ki tharabëëta, ki møga näk nyuudhi yie. Ni kaace cwøl ni kanya en kur keere na mar Jwøk.

Ibaru 9:24

Kiper Krictø kär døny yi kanya en kur keere mana näk tïïc ka ceŋ, man wø nyooth kanya en kur keere mana näk adïëri. 'Ba ena ci maalø kiree, ni eni cuŋŋö nyïm Jwøk ennø kiperø.

Mana Nyooth 11:12

Kanyøgø dwøl mo päl awïnyge ni ööi ki maal, ni kööe jïge, ni «Ööu maal kany.» Ni aage maal ki yi pöölö, ni neet nyïïmänge neetø.

Mana Nyooth 12:12

Ï na maal, yiï mïnne nø, ki uuni ni bëëdö yie. 'Ba oraac jï piny ki näm, kiper anägö aö piny baŋu ki wëër mo päl, kiper ŋääe ni kare acäännö.»

Mana Nyooth 15:5

'Ba køør gïïögø, aana nëënnö, ni jooda kanya en kur keere na pere leth na en yo oduŋkaany wø køp gïr Jwøk no ojabø maalø.

Mana Nyooth 18:20

'Ba ï na maal, yiï mïnne nø ki gïre, ki u na jø Jwøk, ki nyïïatwieli, ki nyïïkuk Jwøk, kiper kwöri mou acool Jwøki dëër paanøgø.

Mana Nyooth 21:3

Ni wïnynya dwøl mør mo päl mo ööi ki bäät wälu, ni kööe, ni «Kar bëët Jwøk atïmö ni bëëdö ka jiy. Eno bëëdö ki geni ni tïmge na jiye. 'Ba Jwøk ki dëëre obëëdö ki geni,

Mana Nyooth 4:1

'Ba køør gïïögø aana nëënnö, ni jooda dhøk mo ŋaam maal. 'Ba dwøl mana kwøŋa wïnynyö na cäänö ki aani ni caala dwør tuuŋ aköö, ni «Ö maal baŋa kany. 'Ba ïïno nyutha gïïo tägi køør moi ii.»

Mana Nyooth 4:4

'Ba deŋ wälu manøgø bäre da wäle ma pïërariiø kurŋween, ni bäät wätöge da jaae ma pïërariiø kurŋween, mo ge käära abïïe mo tar, ni wïthge da adude ma warkey.

Mana Nyooth 5:13

Ni wïnynya dööt gïïa näk ocwääö bëët, moa en maal ki moa en bäät piny, ki moa en tiet ŋøøm, ki moa en yïth näpa døøŋŋø, ki gïïa en yïthge bëët, ni ge köö, ni «Pwøc, ki wödö, ka ajiem, ki teek, en jïre, eni na en bäät wälu ki Nyidiel, këël na bäre bäre.»

Mana Nyooth 7:15

«Ni beeye tiere ni cuŋge nyïm wäl Jwøk en, ni ge tïnynya eni ki cääŋŋe ki wärre yi Øt Lam mare na dwøŋ. 'Ba eni ni en bäät wälu kiper na nude, geno gëëŋe.

Mana Nyooth 7:9

Køør gïïögø aana nëënnö, ni jooda lwaak mo päl døc, mo bäŋ ŋat mo maar lønyø jïre ki man kwaan geni, ni ööi ki yïth mïëri bëët, ki røk tuŋi bëët, ki røk jiy bëët, ki teeŋ dhøgi bëët, ni ge cuŋŋa nyïm wälu ki nyïm Nyidiel, ni geno ruyö ka abïïe mo tar, ni ceŋge da bäät twöe.