Mana Nyooth 13:2 - Wëël Jwøk

² 'Ba Läänögø na jooda enø caala kwac, ni ö tiete ni caal tiet cwieny mør mo dwøŋ mo lweete beth døc, ni ö dhee ni caal dhi ŋuu. 'Ba thwöl teek mare ki wälu mare ee wëëk Läänögø, ki cuum mo dwøŋ døc.

Mana Nyooth 13:2 Iomraidhean Croise

2 Nyeye 2:24

'Ba kanya ö Ilaaca na lwïthe ŋääe na joot obwöyögø, eni obwöyögø aciene ki nyeŋ Wuuö Jwøk. Køøre, teeŋ cwëënyi møøk ma mädhi ma ariiø gena put ö wøk ki yi lul ni baaŋge jiy ma pïëraŋween kurriiø røkge.

Pwöc Leec Wïc 17:12

Beerra eni ki man røømmø ki maath kwac mo nyïïe okälö, ni kaala man røømmø ki ŋat mo wïïe känni mo tïïya tïï bøøl.

Pwöc Leec Wïc 28:15

Ŋat mo raac mo bëëdö na kwäärö bäät jøøa can caala ŋuu man wø ŋäri, ni caal odïëk mo owär.

Aydheea 5:29

Ni ge löörö kaamar ŋuu ma maath, ni löörö marge thuwø caala dööt cïgïïc ŋuuwe, kany wø ŋärge bäät caammi moge ni ge jwaa ge wøk, ni bäŋ ŋat käl gø wøk ceŋge.

Jeremaya 13:23

?Aŋø, løny jï dhaanhø mo cøl ki man wiil kït dëëre? ?A løny jï kwac ki man wiil kït moe? Ni näk moøgø løny, løny jïïu thuwø ki man tïïyu gïn mo beer, u na no oŋïyö ki tïïc gïï mo reyø.

Jeremaya 5:6

Kiper manøgønø, geno näk ŋuuwi mo ööi ki yi lul, ni ö orudö mo ööi ki dï paap ni cam geni. Kwac obëëdö ni kurö dhøk kiiri mo päänye moge, ni ŋato ö wøk jaak pute ka jeeyø na thäŋi; kiper raay moge atïmö ni thööth, ni gïïa gaage wøk ki ge thööth døc.

Odheea 11:10

'Ba uuno cäädhi køøra, a na Wuuö Jwøk, ni mära kaamar ŋuu. 'Ba kanyo mära, jiya oput öö ni dëëtge kwanynyi ki kur pänh-cäŋ.

Amøc 3:12

Ni kö Wuuö Jwøki na ennø, ni «Ka teeŋ mano ö dïkwääyi ö käl tiel ariiø ki thääŋ ïth diel wøk ki dhi ŋuu, jø Icriel mo wø bëëdö Cameria oränynyi na enø nø thuwø, jøøa wara bëëdö ni dëëtge ege nyaaŋ piny bäät pëëmme mo opeedhø ka abïïe mo mïërö.»

Amøc 5:19

Otïmö keda dhaanhø mo ŋwieya ŋuu, ni røømme ki cwieny; køøre noo døny yi øde ni këël cere ri øtø, eni put thwölli ka cam.

Abakuk 1:8

Okwëënyi moge rïïŋö døc ni kaala kwäänynye, ni ge kämö ni kaala orude mo wø lwääge ki wïthïënhö. Jø leny moge ge rïïŋö døc ki bäät okwëënyi, ni ge rïŋŋi ki kany mo bäär, ni ge määnni kaamar odhuuth mo päära bäät gïrpiny.

2 Timöthi 4:17

'Ba Wuuö acuŋŋö buuta, ni wëëk a tëënnö ki man køba luum Jwøk ki kare bäre, kiper nee wïny juurre bëët. 'Ba aana piem ni bødha dhi ŋuu.

1 Piter 5:8

Koorru dëëtu, ni bëëdu ni nyeŋŋu you jabø. Kiper nyimän maru na näk anägö wïïrö ni caala ŋuu mo jwöŋö, ni eni caya ŋat mo løønye.

Mana Nyooth 12:13

'Ba na jooti ya thwölli ni eno lëëŋ piny, køør dhaaŋŋa lwaar ki nyilaal ma dïcwøø aŋwiee.

Mana Nyooth 12:15

Ni ö thwölli ni ŋöö pïï wøk ki dhee mo keda naam køør dhaaŋŋøgø, kiper nee dhaaŋŋøgø käl jwïïe.

Mana Nyooth 12:9

Ni ö thwöra dwøŋ ni lëëŋi piny. Ni beeye thwöra cääŋŋe cøøn, na cwøl na anägö ni näk Ceethan, na näk dïcuuy mar piny bäre. Ena lëëŋ piny, ni ö nyïïatwiet maalli moe ni lëëŋi piny ki eni na aciel.

Mana Nyooth 13:12

Eni tïïö ki køør cuum mar Lääna dïkwøŋ, ni eni wø cäänö buut gø, ni tïïc piny ki jøøa bëëdö yie ni wøøra Lääna dïkwøŋ, Lääna ŋwelle caŋŋø, na doo cööp ri thøø.

Mana Nyooth 13:4

Ni ö jiyi ni wøørge thwöl, kiper mana wëëk cuum mare Läänögø. Ni wøørge Läänögø, ni köge, na «?Aŋa ni caal Lääni? ?Na aŋa ni maar lønyø jïre ki man këëde ki gø?»

Mana Nyooth 16:10

Ni ö bïï nyïïatwiet maalli ni køny kuura mare bäät wäl Lääy. Ni tïm buye na muudhö. Ni ö jiyi ni kaacge lakge kiper dëëtge na baŋŋi.

Mana Nyooth 17:12

'Ba tuŋi karge paari moa jootï, beege nyeye apaar mo poot kär røønyø, 'ba ge di cuumö na nyeye ki yi caa aciel, ge ki Läänögø na aciel.

Mana Nyooth 19:20

Ni ö Lääyi ni maai, ge ki nyikuŋ jwøk mana näk patha adïëri, ŋata tïïö nyïme ki ŋïïce moa cøøk jøøa dëëtge jïtö ki ŋïï mar Läänögø, ki jøøa wøør gïna näk ocwääö na caal kïte. Gïïögø karge riet gena leeŋ yi naama liel ki maac mo jïye keec ni lïëth døc ni ge poot kwøw.

Mana Nyooth 2:13

«Aani, kany bëëdï yie enø ŋääa, ni beeye kany wø bëët wäl Ceethanni yie. 'Ba nyeŋŋa iï jïëö møn, ni ŋäädhe marï mana ŋääthï aani ki gø kärï mooŋø, këël yïth nïr lïŋi mara ma Antipa ŋata näk yaa ŋäädhö, na 'näk dïïu, kanyø ni bëët Ceethanni yie enø.

Mana Nyooth 20:2

Ni mak thwörögø, thwöra nut ya acääŋŋe cøøn na näk anägö, ni näk Ceethan, ni twöc gø ki cwiiri ma kuma aciel,