Mana Nyooth 13:15 - Wëël Jwøk

¹⁵ Ni eno wëëk man mooc kït Läänögø na näk ocwääö ki jwïëy, kiper nee kït Läänögø tïme ni cäänö, nee jø wø ba wøør kït Läänögø 'näk.

Mana Nyooth 13:15 Iomraidhean Croise

Wïlöölö 2:7

Ni ö Wuuö Jwøki ni cwääc dhaanhø ri ŋøøp piny, ni kooth jam kwøw um dhaanhø, ni tïm dhaanhe ni ree da jwïëy mo kwøw.

Jeremaya 10:14

'Ba jiy bëët bëëdö ni wïthge bäŋ acaara, ni bäŋ gïn ŋäcge. Rëëm warkie, wïthge olää juuwi moa thiiwge, kiper juu moa thiiwge beege jap cwøk jaak, ni rege bäŋ jwïëy.

Jeremaya 10:5

Juu moge beege jenni mo otieŋø ni goori, ni ge ba løny ki luubö. Ge di käärö, kiper ge ba løny ki wääth. Käru lwäyö ki geni, kiper ba løny jïge ki man tïïcge gïn mo raac dëëtu, ni ba løny jïge ki man tïïcge gïn mo beer.»

Jeremaya 51:17

'Ba jiy bëët bëëdö ni wïthge bäŋ acaare, ni bäŋ gïn ŋäcge. Rëëm warkie, wïthge olää juuwi moa thiiwge, kiper juu moa thiiwge beege jap cwøk jaak, ni rege bäŋ jwïëy.

Daniel 7:20

Ni tïma thuwø ni cwïnya manynya man ŋääa gïr tuŋi moa näk apaar na en wïïe, ki gïr tuuŋ mana cäŋ tuyö, na päth tuŋi moa na adäk nyïme, na näk jïre da nyeŋ ki dhøk mo cäänö ki luup dhwöle ki gïï mo døøŋŋø, ni nëëni kere dwøŋŋa eni dï tuŋi møga.

Daniel 7:25

Ni cääne ki luup dëër Jwøa Dwøŋ ni en Maal, ni dïïm jiy moe, Eni na dwøŋ ni en maal, ni cäde ki man wiil kwöra wäŋŋi ki ciik, ni ö jic Jwøk ni cïbi cere ki cwiiri adäk ki thääŋö.

Abakuk 2:19

Otïmö ni raac jï ŋat wø köö jï jaath, ni ‹Päyï,› ni kööe jï kïdi ni wø bäŋ jwïëy dëëre, ni ‹Ö maal.› ?Aŋø, teeŋ gïnögø, løny jïre ki man cïpe ki pwöc? Neenï, eni dëëre olëënynyö ki warkey ki gwel-bïrö, 'ba eni bäŋ jwïëy dëëre.

Jeemeth 2:26

Kiper manøgønø, ŋäädhe ni näk bäŋ tïïe ree, caala gïn mo othøw, kaawat man bëët dëëlli en, ni näk mo jwïëy tøør ree, othøw.

Mana Nyooth 13:1

Ni neena Lääy mør mo ööa maal ki dï naama dwøŋ, mo wïthe abïriiø, ni wïthe da tuŋi apaar, ni wïth tuge da adude apaar, ni nyeŋ mo raac døc mo janynya Jwøk ogöör wïthe.

Mana Nyooth 13:12

Eni tïïö ki køør cuum mar Lääna dïkwøŋ, ni eni wø cäänö buut gø, ni tïïc piny ki jøøa bëëdö yie ni wøøra Lääna dïkwøŋ, Lääna ŋwelle caŋŋø, na doo cööp ri thøø.

Mana Nyooth 13:14

Ni eni wø cøøga jø wø bëëdö bäät piny ki køør ŋïïce na näk owëëk eni nee tïïe buut Läänögø. Ni kööm geni ni cwääge ki kït Lääna näk dëëre da ŋwel opëëllö, na kwøw.

Mana Nyooth 14:11

Ni ö jïc maac mano caar geni ki gø ni duuŋe këël na bäre bäre. Ni bäŋ jwömö jïge ki wärre ki cääŋŋe, ni beege jø wø wøør Läänögø ki gïna näk ocwääö na kïte, ki jø wø dëëtge jïti ki ŋïï mar nyeŋŋe.»

Mana Nyooth 14:9

Ni ö dää nyïïatwiet maalli mør ni läw cäännö ki dwøl mo päl, ni «Ni näk da ŋat mo wøøra Läänögø ki gïna näk ocwääö na kïte, ni jït täärnyïme ki ŋïï, wala cere,

Mana Nyooth 16:2

Kanyøgø nyïïatwiel maal mana dïkwøŋ acøø ni køny kuura mare bäät piny, ni ö atwøti mo odheeth mo ŋwääö ni reyø ni öge bäät jøøa näk dëëtge da ŋïï mar Lääy, na wøør gïna näk ocwääö na caal kïte.

Mana Nyooth 16:5

Ni wïnynya dwør nyïïatwiel maal mana en pïïyi cere, ni köö, ni «Marï beer ki yïth gïïögø na ŋølï enø, ïïni ni nut en, ni nudï cøøn, ï na en kur keerï.

Mana Nyooth 17:14

'Ba geno määnynyi baŋ Nyidiel, ni ö geni ni bööti ya Nyidielli, kiper ena Kwääy kwääri, ni ena Nyeny nyeye, ni jøøo en buute, gena jøøa cwøl, na jier, na jiy mo oŋäädhö.»

Mana Nyooth 17:17

Kiper gïnögø okïth Jwøki cwïnyge, nee mana manynye tïïcge ki køør mana näk cwïnyge aciel, ki mana wëëkge teek nyec marge Läänögø, këël mano ö luup Jwøki noo thurge karge.

Mana Nyooth 17:6

Ni jooda dhaaŋŋøgø no omeer ki rem jø Jwøk ki rem lïŋŋe mo Jecu. 'Ba na neena gø, yia athäŋŋö døc.

Mana Nyooth 18:20

'Ba ï na maal, yiï mïnne nø ki gïre, ki u na jø Jwøk, ki nyïïatwieli, ki nyïïkuk Jwøk, kiper kwöri mou acool Jwøki dëër paanøgø.

Mana Nyooth 18:24

Ni beeye eni na joot rem nyïïkuk Jwøk ki mo jø Jwøk yie, ki mo jøøa 'näk bëët bäät piny.»

Mana Nyooth 19:20

Ni ö Lääyi ni maai, ge ki nyikuŋ jwøk mana näk patha adïëri, ŋata tïïö nyïme ki ŋïïce moa cøøk jøøa dëëtge jïtö ki ŋïï mar Läänögø, ki jøøa wøør gïna näk ocwääö na caal kïte. Gïïögø karge riet gena leeŋ yi naama liel ki maac mo jïye keec ni lïëth døc ni ge poot kwøw.

Mana Nyooth 20:4

Kanyøgø wäle møøk ajooda, ni jøøa näk owëëk ŋøl luup opï bäätge. Ni jooda jwïëc jøøa wïthge ŋul wøk thuwø kiper gïr Jecu na køpge, ki gïr luum Jwøk, jøøa näk Lääy manøgø kärge wøørø, wala gïna näk ocwääö na caal kïte, na näk kär jïtö ki ŋïï täärnyïmge wala ceŋge. Geni, gena cäŋ kwøwø, ni bëën geni ki Krictø na aciel ki cwiiri ma kuma.