Mana Nyooth 13:14 - Wëël Jwøk

¹⁴ Ni eni wø cøøga jø wø bëëdö bäät piny ki køør ŋïïce na näk owëëk eni nee tïïe buut Läänögø. Ni kööm geni ni cwääge ki kït Lääna näk dëëre da ŋwel opëëllö, na kwøw.

Mana Nyooth 13:14 Iomraidhean Croise

2 Nyeye 20:7

Køøre Aydheea aköö, ni «Lwötu ki nyïï olämmi mo omiiø na dhøk, ni twöu gø bäät boor, nee dëëre jöönne.»

2 Nyeye 22:20

'Ba kiper manøgønø, ï thøw ni läpï køør kwäyu ni paac poot beer, ni koony ïïni yi bwörö marï. Japa reyø bëët moo käla bäät paani ba jootï ki waŋï.› » Køøre, jøøa jääŋŋi gena døøk ni caange luubö manøgø jï nyeya.

2 Luup Nyeye 18:21

Ni kööe, ni ‹Aani, a cøø ni tïma ni aana dïcuuy ki dhøk nyïïkuk Jwøk moe bëët.› Køøre Wuuö Jwøk aköö, ni ‹Ba dhäthi jïrï ki man maaŋŋï wïïe. Ciï ni tïïyï gø.›

Jööp 12:16

Eni, teek ki leec wïc beege moe, ni ö ŋat wø cøøgi, ki ŋat wø cwöö, ni näkge moe bëët.

Bwøth Wøk 7:11

Ni ö Peerø ni cwøl jøøa nyeŋge reegø ka ajuuk bëët, ni ö geni thuwø ni tïïcge jap ajuuk ni ŋwaalge ŋïï manøgø.

Aydheea 44:20

Teeŋ ŋatøgø tïmö ni cama bur, ni bee cwïny man wø cøøk dhaanhø na tïïc eni nee gaa wøk. Ni ba løny jïre ki man piem dëëre, ni dëëre ba pëënynye, na «?Aŋø, man paa tööt ni cer cwïïa en?»

Edhikiel 14:9

« ‹'Ba ni näk mo nyikuŋ Jwøk ocøøgø ni tïme ni cara luup tööt, bee a na Wuuö Jwøk na wëëk gø cøøgø. Aani cera tïŋa maal bääte ni jääla gø ni raanynya gø yïthakic jiya ma jø Icriel.

Edhikiel 16:17

Ïïni thuwø, jap mïërö moa beyø na cïba jïrï, na näk tïïc ka warkey mara ki gwel-bïrö mara, akälï ni tïïyï ge na kït gïï wø lam ma cwøw, ni tïïyï ge na cwøwï mo buudï ki geni.

Edhikiel 8:10

Kanyøgø aana dønyø ni puta dëër øtø manø bäre joot no ogöörö ki kït gïï wø muuli ki piny, ki kït lääy mo reyø, ki kït gïï mo määnö, ki kït gïï wø lam bëët mo jø dhi øt Icriel.

Daniel 11:36

«'Ba nyeya tïmö ni tïïya gïno met yie ki gø jaak, ni tïŋ dëëre maal ni dwøŋŋa eni bäät juu bëët, ni cääne ki luup mo thäŋa ec dëër Jwø wïth juu. Eni bëëdö ni bëëtö mare othur kare, këël kanyo ö kar wëër mar Jwøk noo pääŋe, kiper gïna no onøŋøl, tägö møn.

2 Thecalönika 2:4

noo cuum ree, ni män ki gïï wø cøøri bëët ni juu, wala gïï wø wøør, këël mano ööe no opï bäät køøme yi Øt Jwøk Mana Dwøŋ, ni kööe, ni eni ki dëëre beeye na Jwøk.

Mana Nyooth 12:9

Ni ö thwöra dwøŋ ni lëëŋi piny. Ni beeye thwöra cääŋŋe cøøn, na cwøl na anägö ni näk Ceethan, na näk dïcuuy mar piny bäre. Ena lëëŋ piny, ni ö nyïïatwiet maalli moe ni lëëŋi piny ki eni na aciel.

Mana Nyooth 13:1

Ni neena Lääy mør mo ööa maal ki dï naama dwøŋ, mo wïthe abïriiø, ni wïthe da tuŋi apaar, ni wïth tuge da adude apaar, ni nyeŋ mo raac døc mo janynya Jwøk ogöör wïthe.

Mana Nyooth 13:15

Ni eno wëëk man mooc kït Läänögø na näk ocwääö ki jwïëy, kiper nee kït Läänögø tïme ni cäänö, nee jø wø ba wøør kït Läänögø 'näk.

Mana Nyooth 13:8

'Ba eno wøør jø wø bëëdö bäät piny, ni beege jiy bëët moa näk nyeŋge kär göör yi wëël kwøw mar Nyidiel na bëëdö no onää ki kanya poot pinynyi ni kär caa.

Mana Nyooth 14:11

Ni ö jïc maac mano caar geni ki gø ni duuŋe këël na bäre bäre. Ni bäŋ jwömö jïge ki wärre ki cääŋŋe, ni beege jø wø wøør Läänögø ki gïna näk ocwääö na kïte, ki jø wø dëëtge jïti ki ŋïï mar nyeŋŋe.»

Mana Nyooth 14:9

Ni ö dää nyïïatwiet maalli mør ni läw cäännö ki dwøl mo päl, ni «Ni näk da ŋat mo wøøra Läänögø ki gïna näk ocwääö na kïte, ni jït täärnyïme ki ŋïï, wala cere,

Mana Nyooth 15:2

Ni neena gïn mør mo nëëni keda naam mo dwøŋ mar wïlli mo orwöbö ki maac. 'Ba jøøa näk Lääy ege böötö, ki gïna näk ocwääö na caal kïte, ki kwäänö mar nyeŋŋe, ge cuŋŋa bäät naamøgø na mar wïlli enø, ni ceŋge da thøme moa wëëk Jwøki geni.

Mana Nyooth 16:13

Ni neena juu adäk mo reyø døc mo ge caala ogwäle, ni ge ööa wøk ki dhi thwöra caal nyaaŋ ki dhi Lääy, ki dhi nyikuŋ jwøk mana näk patha adïëri.

Mana Nyooth 16:2

Kanyøgø nyïïatwiel maal mana dïkwøŋ acøø ni køny kuura mare bäät piny, ni ö atwøti mo odheeth mo ŋwääö ni reyø ni öge bäät jøøa näk dëëtge da ŋïï mar Lääy, na wøør gïna näk ocwääö na caal kïte.

Mana Nyooth 18:23

Ni bäŋe däär lamba mo liel yiï këët. Ni bäŋe dwør cø nyakøø ki dhaagø thiinh mo wïnynyi yiï këët. Kiper jø gath moï beege na kwörge døøŋŋø piny na wara bëëde, ni ö mïëri bëët ni cøøgi ki køør thïëth marï.

Mana Nyooth 19:20

Ni ö Lääyi ni maai, ge ki nyikuŋ jwøk mana näk patha adïëri, ŋata tïïö nyïme ki ŋïïce moa cøøk jøøa dëëtge jïtö ki ŋïï mar Läänögø, ki jøøa wøør gïna näk ocwääö na caal kïte. Gïïögø karge riet gena leeŋ yi naama liel ki maac mo jïye keec ni lïëth døc ni ge poot kwøw.

Mana Nyooth 2:10

Kär niï lwäyö ki gïn ni kare cään en noo jwørï. Kiper jø møøk røk jiy moï, oleeŋ anägö øt twöc kany mo cään en, niï päänynyi. 'Ba nïne apaar obeetï niï jwøra gïï mo leth. 'Ba wärï bëëdï ni cwïnyï iï maa këël doo cööpa ri thøø, køøre ïïno mooa ka adun kwøw.

Mana Nyooth 20:10

Ni ö anägö na cøøk geni ni leeŋi yi naama liel ki maac mo jïye keec ni lïëth døc, kanya en Lääyi yie ki nyikuŋ jwøk mana näk patha adïëri. 'Ba ge di caarø ki cääŋŋe ki wärre këël na bäre bäre.

Mana Nyooth 3:10

'Ba kiper mana gwøgï luumma na bëëdï ni cwïnyï iï maa, ïïno gwøa kanyo ö gïïa lethi no öge bäät piny bäre kuna päänyge jøøi ni bëëdö bäät piny en.