Mana Nyooth 13:13 - Wëël Jwøk

¹³ Ni eni wø tïïö ki ŋïïce mo døøŋŋø døc, mo këëlla maac wëëge ööny piny ki maal ni nëënö jï jiy.

Mana Nyooth 13:13 Iomraidhean Croise

1 Nyeye 18:38

Køøre Wuuö Jwøk maac aput jääŋŋö, ni put olämi, ki jen, ki kïte, ki ŋøøm waaŋ, ni put pïï moa en yi øøl taal.

Bwøth Wøk 7:22

'Ba ajuuk mo jø Ijep gena tïïö ki jap ajuuk ni ŋwaalge ŋïï manøgø; ni ö Peerø ni bëëde ni cwïnye poot teek ni käre luumge wïnynyö, kaawat mana kwøŋi ya Wuuö Jwøki caan jï Modhe.

Bwøth Wøk 8:7

'Ba ajuuk atïïö ki jap ajuuk ni ŋwaalge teeŋ gïnögø, ni putge ogwäle wëëk ööny bäät ŋøøp Ijep.

Bwøth Wøk 9:11

'Ba kär løny jï ajuuk ki man cuŋge nyïm Modhe kiper børi moa no opäny wøk dëëtge, kiper børi moa no opäny wøk dëët jø Ijep bëët dagø dëët ajuuk thuwø.

Kwään Jiy 16:35

Ni put maaci öö ki baŋ Wuuö Jwøk thuwø, ni thöör jøøa näk dïpe ariiø ki pïërabïïc moa cïpö ki gïna näk jïye ŋwääi ni met.

Mathiew 16:1

'Ba jø Paricith ki jø Cajucith gena öö ni ge päänynya Jecu. Ni pëënyge gøøni, kiper nee ge nyuunhnhe ki ŋïï mo käla maal.

Mathiew 24:24

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce mo døøŋŋø ki gïï mo rëëma ec, nee wïth jiy maaŋge; këël wïth jøøa näk ojierø maaŋge maaŋŋø thuwø ni näk mo løny jïge.

Maak 13:22

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce ki gïï mo rëëma ec ni maaŋge wïth jøøa näk ojierø ni näk mo løny jïge.

2 Timöthi 3:8

'Ba jøøgø ge wø kweer ka adïëri thuwø, kaamar Jeene ki Jambare na kwier luum Modhe, ni beeye jiy mo wïthge reyø, ni geno kweer ki jöör ŋäädhe.

Mana Nyooth 11:5

'Ba kany wø näk da ŋat mo manynya man raany geni, maac wø ööa wøk ki dhøkge ni dïïr wïth jø wø män ki geni. Kiper manøgø nø, ŋat wø many man raany geni, cuŋ mare beeye thøø.

Mana Nyooth 16:14

Kiper gena jwïëy anäge mo tïïö ki ŋïïce mo wø ci wøk baŋ nyec piny bäre, kuna cooŋge geni kanya ciel kiper leny mar cäŋo dwøŋ mar Jwøk na en teeki jïre.

Mana Nyooth 19:20

Ni ö Lääyi ni maai, ge ki nyikuŋ jwøk mana näk patha adïëri, ŋata tïïö nyïme ki ŋïïce moa cøøk jøøa dëëtge jïtö ki ŋïï mar Läänögø, ki jøøa wøør gïna näk ocwääö na caal kïte. Gïïögø karge riet gena leeŋ yi naama liel ki maac mo jïye keec ni lïëth døc ni ge poot kwøw.

Mana Nyooth 20:9

Ni öge ki yi piny bäre ni rumge twïër jø Jwøk dïër, ki paana mëërö ki gø. 'Ba maac aöö ki maal, ni dïïr wïthge.