Mana Nyooth 13:10 - Wëël Jwøk

¹⁰ Ni näk da ŋat mo dëëre da weny peec ri leny, eni put ka peec. 'Ba ni näk da ŋat mo dëëre da weny thøw opëëllö, eni di nääö ko opëëllö. Man nø, manynya jïëny gïï mo leth ki ŋäädhe mar jø Jwøk.

Mana Nyooth 13:10 Iomraidhean Croise

Aydheea 14:2

Kanyøgø nø wïth juurre öö ni jiethge jø Icriel, ni kïthge geni yi ŋöömö marge, ni ö jø Icrielli ni tïïcge wïth juurre moøgø na moge yi ŋööm Wuuö Jwøk; ni ö cwøwi ki mään mo jøøgø ni bëëtge ni gena jø tïïc jïge. Jø Icriel, jiy moa mak geni ki tøŋ makge maaø ki tøŋ, ni tïmge na kwääri bäät jøøa dïïm geni.

Aydheea 26:21

Kiper ka adïëri møn, Wuuö Jwøk öö ki maal kar bëëtö mare, ni ö piny kuna jääl jiy moa en bäät piny kiper raay moa tïïcge. Ni ö rem jiy moa no okøny piny no okanø ni nëëne, ni ba løny këët ki man ö ŋøømmi ni kan jiy moa no onääö.

Aydheea 33:1

Wui, otïmö ni leth jïrï, ï ni wø räänyö, ni bäŋ ŋat mo raany ïïni. Wui, otïmö ni leth jïrï, ï ni wø tïïc gïï mo reyø ki piny, ni bäŋ gïn mo raac mo otïïö dëërï. 'Ba kanyo weyï räänyö, ï put ka raanynyø, ni kanyo weyï gïï mo reyø mo wø tïïyï ki piny, gïï mo reyø put ka tïïc dëërï thuwø.

Jeremaya 15:2

'Ba kanyo pëënyge ïïni, ni ‹?Wa ciwa kaa ŋø?› wär caanï jïge ni mana ŋøl Wuuö Jwøki beeye en, ena köö, «ni ‹Jøøa näk marge thøø, othøw; ni jøøa näk marge ŋaal, oŋaal; ni jøøa näk marge käc, onäk käci; ni jøøa näk marge mäk ki tøŋ, omak ki tøŋ.›

Jeremaya 43:11

Eni öö ni tuk Ijep, ni ö jøøa näk marge thøø ni thøwge, ni ö jøøa näk marge mäk ki tøŋ ni mak geni ki tøŋ, ni ö jøøa näk marge 'näk ni 'näk geni ko opëëllö.

Wëël Kïmmö 3:26

Beeye gïn mo beer jï dhaanhø ki man koor pïëm mar Wuuö Jwøk man piem jiy ki gø, ni cwïnye ee cïp piny.

Abakuk 2:3

Kiper gïno nyooth poot koora kanya wäŋŋi kipere. 'Ba eni laara cwöp øde ni ba kääŋi. Këël doo nëënö no oruu, koor eni, kiper ka adïëri møn, eni öö, ni eni ba ruu.

Mathiew 26:52

'Ba Jecu aköö jïre, ni «Dwøk opëëllö marï kare. Kiper jiy bëët mo wø kwaany opëëllö, onäk ko opëëllö.

Mathiew 7:2

Kiper ŋøl mano ŋøllu, beeye noo ŋøl u wøk ki gø. Ni rumi man wø cïpu, beeye rumi mano duu baŋu.

Luk 21:19

'Ba jwïëyu ojootu ki køør jïëny gïï mo leth moo jwørru.

Köløcia 1:11

nou tëënnu døc ki køør teek mare na bäŋ teeŋe, nee cwïnynyu magu, ni cwïnynyu you cïp piny ki met ec,

Ibaru 6:12

nee dëëtu ba tïmge ni peek. 'Ba, nou tïmu nou ŋwaala mar jø wø ci gïïa buuk jïge ki køør ŋäädhe mare ki bäŋ jøømø.

Mana Nyooth 1:9

Aana cöögu ma Jøøn na dwätö ki uuni ki nyeŋ Jecu ki ri jwør gïï mo leth, ki ri bura, ki ri mak cwïny ni teek. Aani, aana kïth ya acuulla cwøl ni Patma kiper mana køba luum Jwøk ki gïr luum adïëri mana caan Jecu.

Mana Nyooth 11:18

'Ba mïëri abëëdö ni wëëyö. 'Ba wëëyï apïï, ki kanya di luum jøøa näk othøw ŋølø, ki kanyo ŋat laagï yie ma nyïïkuk Jwøk ki jø Jwøk, ki jø wø lwäär ki nyeŋŋï, moa døøŋŋø ki moa therø, ni beeye kanyo raany jøøa raany piny.»

Mana Nyooth 14:12

Manøgø nø, manynya jïëny gïï mo leth mar jø Jwøk, jø wø gwøk gïïa cem Jwøki, ni ŋäädhe marge na en ri Jecu ege maa ni teek.

Mana Nyooth 16:6

Kiper jiy rem jø Jwøk ki mo nyïïkuk Jwøk akønyge piny, ni läwï ge wëëk remø nee maathge. Ni beeye mana røm rege.»

Mana Nyooth 17:11

'Ba gïr Läänögø na nut dïkwøŋ cøøn, ni tøør ennø, beeye bäcge, 'ba poot ena røk jøøa näk abïriiø. Ni eni cøøa kar ränynyö.

Mana Nyooth 17:8

Läänögø na jootï enø, nut dïkwøŋ cøøn, ni tøør ennø, ni eni ööa wøk ki yi buura näk bäye bäŋ cuŋŋe ni cøøa kar ränynyö. 'Ba jø wø bëëdö bäät piny na näk nyeŋge kär göörö yi wëël kwøw ki kanya täk pinynyi, yïthge othäŋŋi noo neenge Läänögø, kiper na nude dïkwøŋ cøøn, ni tøør ennø, 'ba eni poot öö.

Mana Nyooth 2:19

«Aani, tïïc marï ŋääa, ki mëëyï, ki ŋäädhe marï, ki tïny jø møøk, ki mak cwïny marï. Ni ŋääa ni tïïe moï moa en cään thöötha geni ki moa dïkwøŋ.

Mana Nyooth 2:2

«Aani, tïïe moï ŋääa, ki öölö marï, ni cwïnyï iï maa, niï ba maar jïëy ki jø raay. 'Ba jøøa døøc dëëtge nyïïatwieli ni ge patha nyïïatwieli, gena päänynyï, ni jootï geni ni marge tööt.

Mana Nyooth 3:10

'Ba kiper mana gwøgï luumma na bëëdï ni cwïnyï iï maa, ïïno gwøa kanyo ö gïïa lethi no öge bäät piny bäre kuna päänyge jøøi ni bëëdö bäät piny en.

Mana Nyooth 3:3

Caar wïïï nø, ki gïna wëëk ïïni na wïnynyï. Gwøgï, ni løgï cwïnyï. 'Ba ni näk ï ba päy, a öö kaawat man wø ö kuuwi, ni kuyï caanno ööa baŋï yie.