Mana Nyooth 12:9 - Wëël Jwøk

⁹ Ni ö thwöra dwøŋ ni lëëŋi piny. Ni beeye thwöra cääŋŋe cøøn, na cwøl na anägö ni näk Ceethan, na näk dïcuuy mar piny bäre. Ena lëëŋ piny, ni ö nyïïatwiet maalli moe ni lëëŋi piny ki eni na aciel.

Mana Nyooth 12:9 Iomraidhean Croise

Wïlöölö 3:1

'Ba ki dëët lääy bëët moa cwääc Wuuö Jwøki bäät piny, thwöl atïmö ni rieka waŋe. Køøre dhaagø apëënynye ni kööe, «?Aŋø, ka adïëri møn, Jwøk aköö ki uuni ni käru cämö ri nyïïjenni moa en ya ajïniina bëët?»

Wïlöölö 3:13

Kanyøgø Wuuö Jwøk aköö jï dhaagø, na «?Agïnaŋø ni iï tïïö en?» Ni kö dhaage, ni «Aana cøøk thwölli ni cäma.»

1 Luup Nyeye 21:1

'Ba Ceethan aö maal bäät jø Icriel ki man raany geni, ni tïïc Deebit nee jø Icriel kwaane.

2 Luup Nyeye 18:21

Ni kööe, ni ‹Aani, a cøø ni tïma ni aana dïcuuy ki dhøk nyïïkuk Jwøk moe bëët.› Køøre Wuuö Jwøk aköö, ni ‹Ba dhäthi jïrï ki man maaŋŋï wïïe. Ciï ni tïïyï gø.›

Aydheea 14:12

«Wui, ï na cëëc øw, ni wø nëëni ki bäc øw, kee ïïna nø pänhnhö ki maal! Ï na tïïc wïth juurre ni jägö, kee ïïna nø leeŋ piny!

Aydheea 27:1

'Ba dïcäŋeca Wuuö Jwøk thwöl man wø rïïŋi døc ni wø cwøl ni Lëëwatan, ni beeye thwör wø bëëdö ni dëëre di meennø, di jäälö ko opëëllö mare na beth na dwøŋ na teek. Eni thwörögø na dwøŋ enø ni wø bëëdö yi naama dwøŋ di nääö.

Aydheea 65:25

Orudö ki nyi røømmø geno cämö na aciel, ni ö ŋuuwi ni cäme ki luum kaamar dhieŋ, ni tïm tørri na cam mar thwöl. Ni put tïmö ni bäŋ gïn mo raac wala mo räänyö bäät kïnna na en kur keere.» Luummögø caana Wuuö Jwøki.

Edhikiel 28:16

Ki køør mana tïm jap gath moï ni thööth, cwïnyï atïmö ni päŋ ka ageem, ni tïmï niï bääö. Kiper manøgønø, ïïna wëëga päät, ni käla ïïni wøk ki bäät Kïn Jwøk. Wui, ï na nyïïatwiel ma kirubël ni wø kurö, ïïna wëëga ränynyö yïthakic kïte moa näk caala maac.

Mathiew 13:39

Ni nyimän mana jør köödhi beeye anägö. Ni kar kac beeye aŋuun piny, ni jø kac beege nyïïatwiet maal.

Mathiew 24:24

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce mo døøŋŋø ki gïï mo rëëma ec, nee wïth jiy maaŋge; këël wïth jøøa näk ojierø maaŋge maaŋŋø thuwø ni näk mo løny jïge.

Mathiew 25:41

«Kanyøgønø, eno köö jï jøw oen bäät caame, ni ‹Aayu buuta, u na näk ocienø; cou yi maaa näk bäŋ cuŋŋe kar ajäla, na näk ojiiŋŋø kiper anägö ki nyïïatwiete.

Mathiew 4:1

Kanyøgø Jecu abwøth Jwïëc Jwøki paap kuna päänynyi ya anägö.

Mathiew 4:10

'Ba Jecu aköö jïre, ni «Daak riï, Ceethan, kiper ogöörö, «ni ‹Ï doo wøøra Wuuö Jwøk na näk Jwøï, ni beeye eni keere na diï tïnynyö.› »

Mathiew 4:5

Kanyøgø ena kïth anägö päänya en kur keere na näk mar Jwøk, ni beeye Jerucalem, ni cïp gø wï ocul Øt Jwøk Mana Dwøŋ,

Mathiew 4:8

'Ba kanyøgø, ena cäŋ anägö kïth bäät kïdi mo bäär døc ni nyuth gø buc piny bëët ki beenyge.

Luk 10:18

'Ba Jecu aköö jïge, ni «Ceethan ajooda ni pänhnhö ki maal kaamar agaackøth.

Luk 13:16

?A nyijøøi en na nyikwaar Eeberam no otwöy Ceethanni ki cwiiri apaar ka abära bëët yøø, a ba dii pädö nidïï ki cäŋ jwömö?»

Luk 22:3

Kanyøgønø, Ceethan aci cwïny Juudac na cwøl ni Ickarïët, ni beeye dhaanhø aciel ki røk bääge na näk apaar kurriiø.

Luk 22:31

Ni kööe, ni «Cayman, Cayman, neenï, Ceethan uuna manynye, nee u jeee kaamar beel.

Luk 8:12

'Ba moa päth thääŋ jöö caala jiy mo wø wïny luum Jwøk; 'ba anägö öö, ni käl luubö wøk cwïnyge, kiper nee ge ba jïëcge ni ŋääthge, nee ge piem.

Jøøn 12:31

'Ba beeye kar ŋøl luum piny en nø. Ni kawaane beeye kanyo riem kwääy pinyi wøk yie.

Jøøn 14:30

'Ba a ba cäänö ki luup mo thööth ki uuni këët, kiper kwäärö mar piny man en öö. 'Ba eni jïre bäŋ teek bääta.

Jøøn 16:11

Ni ŋøl luup onyuth geni, kiper kwääy pinyi oŋøl wøk.

Jøøn 8:44

U käla ri wääu na näk anägö, nou manynya man tïïyu man wø many wääu. Eni, ena dïnääy këël ki kanya täge yie, ni bäŋ gïn manynye ra adïëri, kiper na bäŋe adïëri cwïnye. 'Ba kany wø caan tööt, eni caana gïr bëëtö mare, kiper na näk ena dïtwöt, ni beeye wää tööti.

Moa Tïïc Nyïïatwieli 26:18

kiper nee nyeŋge japï, nee muudhö wecge ni løøge rege baŋ tar, ni wecge teek Ceethan ni løøge rege baŋ Jwøk, kiper nee raay moge wec Jwøki, ni jïtge ki karge dï jøøa näk ocïp kur keerge na mo Jwøk, ki køør ŋäädhe man wø ŋääthge aani.›

Moa Tïïc Nyïïatwieli 5:3

'Ba Piter aköö, na «?Ananaya, aŋø ni ö Ceethanni ni pääŋ cwïnyï en, ki man cäänï ki tööt jï Jwïëc Jwøk na en kur keere, ni kanï thäŋ gwet pwödhö en?

Wëëlö Mana Göör Pøølli Baŋ Jø Röm 16:18

Kiper teeŋ jøøgø nø ba tïny Kwääyø ma Krictø, 'ba ge tïnynya yïthge, ni ge maaŋŋa wïth jø wø cwïnyge cwøk ki luup mo ŋweeth.

Wëëlö Mana Göör Pøølli Baŋ Jø Röm 16:20

'Ba Jwøk ni wø cïp bëët-mëër, Ceethan olaar ŋiith tietu. Met ec mar Kwääyø ma Jecu Krictø bëëde bäätu.

2 Körin 11:14

'Ba paa gïn mo ec thäŋŋö ki gø, kiper këëlla Ceethan dëëre wø døøye nyïïatwiel maal mar tar.

2 Körin 11:3

'Ba aana lwäyö ni wïthu di maaŋŋø ni weyu mëër mana näk adïëri ni en cwïnynyu kiper Krictø, kaawat mana tïïc thwölli ki riek waŋe na ööe ni cøøk Iip.

2 Körin 12:7

'Ba kiper naa ba kanynya døc ni kaala kanynyø mana daa kanynyø ki gø kiper gïïa thööth na nyooth jïra, koodhø akïth dëëra na näk nyïïatwiel Ceethan kiper naa ööle, naa ba kanynya døc ni kaala kanynyø mana daa kanynyø ki gø.

2 Körin 2:11

kiper nee ø ba bööt Ceethanni. Kiper atade moe paa gïï mo kuuø.

2 Körin 4:4

'Ba beeye jwø pinyi en na wëëk jøøa kär jïëy cøørø, nee tac luumma nyään na met mar ajiem Krictø nee ba neenge, ŋata kïte caal kït Jwøk.

Epeca 4:14

kiper nee ø ba bëëdø kaamar obwöre këët ni wø wïïri køør pwöc ma teeŋi ki køør reek nyeŋ jiy ni wø maaŋ wïth jiy ki cwøkge.

2 Thecalönika 2:3

Kär dee ŋat maaŋ wïthu ki jöö mør. Kiper cäŋögø ba ööi jaak, ni näk ageem kär kwøŋ tägö, ki ööny ŋata raac noo nyooth ree, ni beeye ŋato raanynyi,

1 Timöthi 2:14

'Ba paa Adam na cøøgi, 'ba beeye dhaagø na cøøgi ni tïme na ŋata dhal luum Jwøk.

2 Timöthi 3:13

'Ba jøøa reyø, ki jø wø cwöö, rääö marge otïmö no okadhø døc, ni gena jø cwøk ni ge cøøga rege.

Ibaru 2:14

Kiper manøgønø, na tïme ni jøøgø beege jic dëël ki remø, eni ki dëëre, ena tïmö na dhaanhø kaamarge, kiper nee ŋata en teek thøø cere na näk anägö, nee raanynye ki køør thøwe,

1 Piter 5:8

Koorru dëëtu, ni bëëdu ni nyeŋŋu you jabø. Kiper nyimän maru na näk anägö wïïrö ni caala ŋuu mo jwöŋö, ni eni caya ŋat mo løønye.

1 Jøøn 5:19

Ŋääø ni øøna mo Jwøk, ni piny bäre ena kur ŋata raac.

Juut 1:9

'Ba këël kwääy nyïïatwiet maal na näk Maykal, kanya pïëmge ka anägö ni ge caana gïr dëër Modhe, eni wïïe käre caarø ki man jääl anägö ki dhøk mo raac, 'ba ena köö, ni «Ïïno jook Wuue.»

Mana Nyooth 12:12

Ï na maal, yiï mïnne nø, ki uuni ni bëëdö yie. 'Ba oraac jï piny ki näm, kiper anägö aö piny baŋu ki wëër mo päl, kiper ŋääe ni kare acäännö.»

Mana Nyooth 12:3

Kanyøgø ŋïï mør acäŋ nëënne maal, na thwöl mo dwøŋ døc mo kwaar ni keda nyaaŋ, ni wïthe abïriiø ki tuŋi apaar, ni wïthe da adude abïriiø.

Mana Nyooth 12:7

Kanyøgø leny atägö maal. Maykal ki nyïïatwiet maal moe akëëdö ki thwöl, ni ö thwörögø ki nyïïatwiete ni këëtge ki ge.

Mana Nyooth 12:8

'Ba gena bööti, ni tïme ni bäŋ kany bëëtge yie maal këët.

Mana Nyooth 13:14

Ni eni wø cøøga jø wø bëëdö bäät piny ki køør ŋïïce na näk owëëk eni nee tïïe buut Läänögø. Ni kööm geni ni cwääge ki kït Lääna näk dëëre da ŋwel opëëllö, na kwøw.

Mana Nyooth 16:14

Kiper gena jwïëy anäge mo tïïö ki ŋïïce mo wø ci wøk baŋ nyec piny bäre, kuna cooŋge geni kanya ciel kiper leny mar cäŋo dwøŋ mar Jwøk na en teeki jïre.

Mana Nyooth 18:2

Ni kööe ki dwøl mo päl døc, ni «Babiløn na dwøŋ apädhö ki pädhö mo ba thiinh, ni tïme na kar bëëtö jï anäge, na kar bëët teeŋ juuga reyø bëët, ki teeŋ weny moa reyø bëët na mänö ki geni.

Mana Nyooth 18:23

Ni bäŋe däär lamba mo liel yiï këët. Ni bäŋe dwør cø nyakøø ki dhaagø thiinh mo wïnynyi yiï këët. Kiper jø gath moï beege na kwörge døøŋŋø piny na wara bëëde, ni ö mïëri bëët ni cøøgi ki køør thïëth marï.

Mana Nyooth 19:20

Ni ö Lääyi ni maai, ge ki nyikuŋ jwøk mana näk patha adïëri, ŋata tïïö nyïme ki ŋïïce moa cøøk jøøa dëëtge jïtö ki ŋïï mar Läänögø, ki jøøa wøør gïna näk ocwääö na caal kïte. Gïïögø karge riet gena leeŋ yi naama liel ki maac mo jïye keec ni lïëth døc ni ge poot kwøw.

Mana Nyooth 2:13

«Aani, kany bëëdï yie enø ŋääa, ni beeye kany wø bëët wäl Ceethanni yie. 'Ba nyeŋŋa iï jïëö møn, ni ŋäädhe marï mana ŋääthï aani ki gø kärï mooŋø, këël yïth nïr lïŋi mara ma Antipa ŋata näk yaa ŋäädhö, na 'näk dïïu, kanyø ni bëët Ceethanni yie enø.

Mana Nyooth 2:24

'Ba maru, u na jø møga ni en yi Thayatira, u na näk kär jïëy ki pwöc moøgø, na kär kwany gïï wø cwøl jø møøki ni jap Ceethan moa teek, a køpa gø jïïu, ni bäŋ gïn mør mo u ööla öölö ki gø.

Mana Nyooth 2:9

«Aani, gïïö ni leth ni jwørï yøø ŋääa, ki cannï, 'ba ïïno kwär. Ni ŋääa gïïö ni reyø ni wø cari dëërï, ni beege jø wø köö ni gena jø Juuth, ni ge path. 'Ba gena øt acooŋa mar Ceethan.

Mana Nyooth 20:10

Ni ö anägö na cøøk geni ni leeŋi yi naama liel ki maac mo jïye keec ni lïëth døc, kanya en Lääyi yie ki nyikuŋ jwøk mana näk patha adïëri. 'Ba ge di caarø ki cääŋŋe ki wärre këël na bäre bäre.

Mana Nyooth 20:8

ni ö wøk kuna cøøk mïëri ni en wïth tuk piny karge ŋweeni, ni beeye Gøg ki Magøg. Ni eni cøøga geni nee ge cooŋe kiper leny. 'Ba kwäänge caala akwöny deŋ naama dwøŋ.

Mana Nyooth 3:9

'Ba jøø na jø øt acooŋ Ceethan yøø, ni beege jø wø köö ki tööt ni gena jø Juuth, ni ge path, geno tïïa nee öge ni këëlge cøŋge piny nyïmï, nee ŋäcge naa mëër ki ïïni.

Mana Nyooth 9:1

Ni ö bïï nyïïatwiet maalli ni kooth tuuŋ mare, ni jooda cëërö mør mo opänh piny ki maal. Ni muktää mar buura näk bäye bäŋ cuŋŋe omëëk eni.

Mana Nyooth 9:20

'Ba jøøa dööŋ, na näk kär thøw ki jap räny piny moøgø, cwïnyge kärge løø ki man wecge wøør gïïa tïïcge ki ceŋge, ni ba wecge wøør anäge, ki gïï wø lam mo warkey, ki gwet-bïrö, ki jwëëlli, ki kïdi, ki jaath, gïï wø bäŋ gïn mo maarge raŋ, ni ge ba wïnyö, ni ge ba cäädhi.