Mana Nyooth 12:3 - Wëël Jwøk

³ Kanyøgø ŋïï mør acäŋ nëënne maal, na thwöl mo dwøŋ døc mo kwaar ni keda nyaaŋ, ni wïthe abïriiø ki tuŋi apaar, ni wïthe da adude abïriiø.

Mana Nyooth 12:3 Iomraidhean Croise

Aydheea 27:1

'Ba dïcäŋeca Wuuö Jwøk thwöl man wø rïïŋi døc ni wø cwøl ni Lëëwatan, ni beeye thwör wø bëëdö ni dëëre di meennø, di jäälö ko opëëllö mare na beth na dwøŋ na teek. Eni thwörögø na dwøŋ enø ni wø bëëdö yi naama dwøŋ di nääö.

Aydheea 51:9

Wui, Wuuö Jwøk, ö maal ni nyoothï teek mar badï! Ö maal kaawat mana kwøŋï tïïc yïth beenhnhe moa no opöödhö ya acääŋŋe! ?Aŋø, paa ïïni na këël Reeyap ki tøŋ, ni bee Ijep, na caal thwöra dwøŋ, ni ŋørï gø na thäŋi?

Aydheea 9:15

'Ba wïc beege jø døøŋŋø ki jøøa no owøørø, ni jïp beege nyïïkuk Jwøk mo wø cäänö ki luup tööt.

Daniel 2:41

Kaawat mana raŋï gïnögø ni cääthe moe ki lweete løøk mør otïïö ko odhöönh mo obulö ni løøk mør otïïö ki nywïënyö, manøgø tïmö na akwöm nyec mo dëëre di pääŋŋö; 'ba poot da kur teek mo caala nywïënyö yie, kaawat mana jootï gø ni nywïënyö okuurö ko odhöönh.

Daniel 2:42

Kaawat mana bëëde ni lweet cääthe mo gïnögø løøk mør beeye nywïënyö ni løøk mør beeye odhöönh, akwöm nyec manøgø løøk mør tïmö ni teek, ni løøk mør jääk.

Daniel 7:20

Ni tïma thuwø ni cwïnya manynya man ŋääa gïr tuŋi moa näk apaar na en wïïe, ki gïr tuuŋ mana cäŋ tuyö, na päth tuŋi moa na adäk nyïme, na näk jïre da nyeŋ ki dhøk mo cäänö ki luup dhwöle ki gïï mo døøŋŋø, ni nëëni kere dwøŋŋa eni dï tuŋi møga.

Daniel 7:24

'Ba mar tuŋi moa näk apaar, nyeye apaar rege othïïŋge ya akwöm nyec manøgø, ni ö nyeya mør ni thïïŋ ree køørge, ni eni ba caal nyeye moa dïkwøŋ, ni ö eni ni bööt nyeye adäk.

Mana Nyooth 12:1

Ni ö ŋïïyi mo dwøŋ ni nëëne maal, na dhaagø mo cäŋ ee røø dëëre, ni dwääy ena tiete, ni wïïe da adun ceer apaar kurriiø.

Mana Nyooth 12:13

'Ba na jooti ya thwölli ni eno lëëŋ piny, køør dhaaŋŋa lwaar ki nyilaal ma dïcwøø aŋwiee.

Mana Nyooth 12:17

Kanyøgø thwörögø awëër ki dhaagø, ni ci kuna këëde ki nyïïkwaac dhaaŋŋøgø møga, jø wø gwøk gïïa cem Jwøki, ni wø køp gïr Jecu.

Mana Nyooth 12:4

Ni gøøc dää thäk ceec maal ki jïbe ni lëëŋ ge piny. Ni ö thwörögø ni cuŋŋe nyïm dhaaŋŋa kare cään ki lwaar, nee nyi gø løønye kanyo lwaare ki gø.

Mana Nyooth 12:7

Kanyøgø leny atägö maal. Maykal ki nyïïatwiet maal moe akëëdö ki thwöl, ni ö thwörögø ki nyïïatwiete ni këëtge ki ge.

Mana Nyooth 12:9

Ni ö thwöra dwøŋ ni lëëŋi piny. Ni beeye thwöra cääŋŋe cøøn, na cwøl na anägö ni näk Ceethan, na näk dïcuuy mar piny bäre. Ena lëëŋ piny, ni ö nyïïatwiet maalli moe ni lëëŋi piny ki eni na aciel.

Mana Nyooth 13:1

Ni neena Lääy mør mo ööa maal ki dï naama dwøŋ, mo wïthe abïriiø, ni wïthe da tuŋi apaar, ni wïth tuge da adude apaar, ni nyeŋ mo raac døc mo janynya Jwøk ogöör wïthe.

Mana Nyooth 13:2

'Ba Läänögø na jooda enø caala kwac, ni ö tiete ni caal tiet cwieny mør mo dwøŋ mo lweete beth døc, ni ö dhee ni caal dhi ŋuu. 'Ba thwöl teek mare ki wälu mare ee wëëk Läänögø, ki cuum mo dwøŋ døc.

Mana Nyooth 13:4

Ni ö jiyi ni wøørge thwöl, kiper mana wëëk cuum mare Läänögø. Ni wøørge Läänögø, ni köge, na «?Aŋa ni caal Lääni? ?Na aŋa ni maar lønyø jïre ki man këëde ki gø?»

Mana Nyooth 15:1

Kanyøgø ŋïï mør mo dwøŋ døc na gïn mo rëëma ec aneena maal, ni beege nyïïatwiet maal abïriiø mo käära teeŋ jap räny piny abïriiø moo näk aŋuudi. Kiper gïïögø beeye geni noo ŋuut wëëc Jwøki ki ge.

Mana Nyooth 16:13

Ni neena juu adäk mo reyø døc mo ge caala ogwäle, ni ge ööa wøk ki dhi thwöra caal nyaaŋ ki dhi Lääy, ki dhi nyikuŋ jwøk mana näk patha adïëri.

Mana Nyooth 17:12

'Ba tuŋi karge paari moa jootï, beege nyeye apaar mo poot kär røønyø, 'ba ge di cuumö na nyeye ki yi caa aciel, ge ki Läänögø na aciel.

Mana Nyooth 17:16

'Ba tuŋi moa jootï karge paari ki Lääy, geno männi ki kääbi manøgø, ni tïïcge gø no oränynyö ni cäädhe ki dëëre, ni camge rïŋŋe, ni waaŋge gø ki maac.

Mana Nyooth 17:7

'Ba nyïïatwiel maal manøgø aköö jïra, na «?Aŋø ni thäŋ yiï en? Gïr nyaanøgø na näk tiere okanø ocaana jïrï, ki gïr Läänögø ni wïthe abïriiø enø ki tuŋi apaar na näk nyaanøgø opï bääte.

Mana Nyooth 19:12

Ni nyeŋŋe caala maac mo liel, ni wïïe da adude mo thööth. Ni nyeŋŋe na näk ogöörö, bäŋ ŋat mo ŋäc gø, 'ba beeye eni keere.

Mana Nyooth 20:2

Ni mak thwörögø, thwöra nut ya acääŋŋe cøøn na näk anägö, ni näk Ceethan, ni twöc gø ki cwiiri ma kuma aciel,