Mana Nyooth 12:2 - Wëël Jwøk

² Eni yie da dhaanhø ni kwöŋŋe ki mäc lwaar na en dëëre, ni baŋŋi døc ni manynya lwaar.

Mana Nyooth 12:2 Iomraidhean Croise

Aydheea 26:17

Bëëtö marwa nyïmï atïmö kaamar dhaagø mo ogøøc mäc lwaarri, mo jwöŋö ni ree døøye døøyø ki rääm kanyo tïm kar lwaarri ni cään.

Aydheea 53:11

Wuuö Jwøk aköö, ni «Køør gïïa jwøre ki cwïnye, yie omïnni kanyo joot gïno beer. Eni na dhaanhnha na mare beer, ki køør leec wïc mare, jiy mo thööth ojïëe ni marge beer ki køør mana käär raay moge.

Aydheea 54:1

Wuuö Jwøk aköö, «Wui, ï na Jerucalem ni caal dhaagø ma bwøc mo kär nyöötö ko obwöre, kwöŋŋï ki met ec! Kwöŋŋï døc niï wär ki met ec ni dwørï iï tïŋ maal, ï na näk mäc lwaar kuyï; kiper ïïni, këël na bëëdï ni ïïno dööŋ keerï, ïïno jïti ko obwöre mo thööth, niï kaala dhaagø mo bëëdö ka cwøre.

Aydheea 66:6

Wïnynyu dwøl man ni märi yi pääny en, cegu ïthu ki dwøl man ni wïnyi ki yi Øt Jwøk en! Manøgø beeye dwøra, a na Wuuö Jwøk; mara cool kwör dëët nyïïmän 'moa.

Mikiya 4:9

«?'Ba ennø, aperŋø ni gööï ko oduuru ni dwørï ena maal, ni baŋŋï kaamar dhaagø mo ogøøc mäc lwaarri en? ?Aŋø, beeye kiper mana bäŋe nyeya jïrï? ?A ŋat wø cïpi ki pwöc jïrï athøw?

Mikiya 5:3

'Ba kiper manøgønø, Wuuö Jwøk jiye cïbe ceŋ nyïïmän, këël kanyo ö nyakøøe noo jït dëëre ki mäc noo lwaare ki nyilaal. Køøre thäk jø poge moa mak ki tøŋ na dööŋ oduui, ni dwätge ki jø poge ma jø Icriel.

Mathiew 24:8

'Ba gïïögø bëët beege nyäät gïï mo leth moo tägi.

Jøøn 16:21

Dhaagø kany wø täk mäc lwaarri dëëre, cwïnye wø pädhö, kiper na ö kare. 'Ba kany wø ö nyilaalli wøk, eni wïïe ba caare ki rääm këët, kiper na tïm yie ni met ki nyilaal mana nywøle.

Galeecia 4:19

U na nyïïa, cwïnya ajïtö ki gïn mo caala mäc lwaar kiperu, këël mano tïm Krictø ni ena cwïnynyu.

Galeecia 4:27

Kiper ogöörö: ni «Yiï mïnne, ï na bwøc ni ba nywøl en. Tïŋ dwørï maal ni kwöŋŋï ki met ec, ï na dëërï bäŋ mäc. Kiper nyaana bëëdö keere, ajïtö ki nyïëdi, ni kaala cer nyaana näk jïre da dïcwøø.»

Mana Nyooth 12:4

Ni gøøc dää thäk ceec maal ki jïbe ni lëëŋ ge piny. Ni ö thwörögø ni cuŋŋe nyïm dhaaŋŋa kare cään ki lwaar, nee nyi gø løønye kanyo lwaare ki gø.