Mana Nyooth 12:11 - Wëël Jwøk

¹¹ 'Ba ena böötge ki køør rem Nyidiel ki luum Jwøk na køpge, ni per jwïëcge ba leth jïge, këël doo cööpa ri thøø.

Mana Nyooth 12:11 Iomraidhean Croise

Luk 14:26

ni «Ni näk da ŋat mo ööa baŋa ni ba män ki wänni, ki menni, ki cïïe, ki nyïïe, ki nyïïmenni, këël jwïëye kiree, ŋatøgø ba maar tïmö na bääŋa.

Jøøn 16:33

Man en a caana jïïu, nee bëët-mëër nee jootu baŋa. Uuni, gïï mo leth ojwørru yi pinyi en. 'Ba magu cwïnynyu, kiper piny yaa nø böötö.»

Moa Tïïc Nyïïatwieli 20:24

'Ba jwïëya patha yaa caarø ni gïn mo pere leth jïra, mo daa gwøø. 'Ba mana manynya keere beeye ki man thööra tïïc mara, ki tïïc mana wëëk Kwäärö ma Jecu aani ki man køba gïr luumma nyään na met mar met yi Jwøk.

Moa Tïïc Nyïïatwieli 21:13

'Ba Pøøl ajutö, ni kööe, na «?Agïnaŋø ni tïïyu enøgø, nou jwöŋö nou thääŋa cwïnya? Kiper yaa nø caar ni paa tööc keere, 'ba këël a doo thøw thuwø yi Jerucalem kiper nyeŋ Kwäärö ma Jecu, yia doo met.»

Wëëlö Mana Göör Pøølli Baŋ Jø Röm 16:20

'Ba Jwøk ni wø cïp bëët-mëër, Ceethan olaar ŋiith tietu. Met ec mar Kwääyø ma Jecu Krictø bëëde bäätu.

1 Körin 15:57

'Ba pwøc en jï Jwøk, ŋat wø wëëk ø teek dïïm ki køør Kwääyø ma Jecu Krictø.

1 Jøøn 4:4

U ni therø, uuna mo Jwøk, ni jwïëyögø you nø böötø. Kiper ŋat en cwïnynyu en dwøŋŋa eni ki ŋati ni en piny en.

1 Jøøn 5:5

?Aŋa ni wø bööt piny? Beeye ŋat wø jïëy ni Jecu beeye O Jwøk.

Mana Nyooth 1:2

ŋata køp gïr luum Jwøk ki gïr luum adïëri mana caan Jecu Krictø, këël gïr gïïa neene bëët.

Mana Nyooth 1:9

Aana cöögu ma Jøøn na dwätö ki uuni ki nyeŋ Jecu ki ri jwør gïï mo leth, ki ri bura, ki ri mak cwïny ni teek. Aani, aana kïth ya acuulla cwøl ni Patma kiper mana køba luum Jwøk ki gïr luum adïëri mana caan Jecu.

Mana Nyooth 11:7

'Ba noo nø thöörge gïrge na køpge, Lään wø ö wøk ki yi buura näk bäye bäŋ cuŋŋe, okëëdi ki geni ni bööt geni, ni 'näk geni,

Mana Nyooth 12:17

Kanyøgø thwörögø awëër ki dhaagø, ni ci kuna këëde ki nyïïkwaac dhaaŋŋøgø møga, jø wø gwøk gïïa cem Jwøki, ni wø køp gïr Jecu.

Mana Nyooth 19:10

Kanyøgøøni aana päth tiete nee wøøra. 'Ba ena köö jïra, ni «Gïnögø kär tïïyï, kiper aana laŋŋø ki ïïni na aciel ki nyïïmeru, ni beege jø wø en gïr Jecu cwïnyge. Wøør Jwøk.» Kiper gïr Jecu wø køp beeye luup wø køp nyïïkuk Jwøki thuwø.

Mana Nyooth 2:13

«Aani, kany bëëdï yie enø ŋääa, ni beeye kany wø bëët wäl Ceethanni yie. 'Ba nyeŋŋa iï jïëö møn, ni ŋäädhe marï mana ŋääthï aani ki gø kärï mooŋø, këël yïth nïr lïŋi mara ma Antipa ŋata näk yaa ŋäädhö, na 'näk dïïu, kanyø ni bëët Ceethanni yie enø.

Mana Nyooth 2:17

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam meena mana näk okanø, ni mooa gø ki kïdi mo tar, mo nyeŋ mo nyään ogöör bääte mo bäŋ ŋat mo ŋäc gø, 'ba beeye ŋato cï jïre keere noo ŋäc gø.»

Mana Nyooth 2:26

«'Ba ŋato böödö, ni gwøk tïïe 'moa këël cuŋŋe, omooa ki teek bäät mïëc piny,

Mana Nyooth 2:7

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam jaath kwøw, ni en yi pwötha beer mar Jwøk.»

Mana Nyooth 20:4

Kanyøgø wäle møøk ajooda, ni jøøa näk owëëk ŋøl luup opï bäätge. Ni jooda jwïëc jøøa wïthge ŋul wøk thuwø kiper gïr Jecu na køpge, ki gïr luum Jwøk, jøøa näk Lääy manøgø kärge wøørø, wala gïna näk ocwääö na caal kïte, na näk kär jïtö ki ŋïï täärnyïmge wala ceŋge. Geni, gena cäŋ kwøwø, ni bëën geni ki Krictø na aciel ki cwiiri ma kuma.

Mana Nyooth 3:12

'Ba ŋato böödö, eno tïïa na werø yi Øt Jwøk Mana Dwøŋ mar Jwøa. Ni ba ö wøk yi gø bäre bäre. 'Ba nyeŋ Jwøa ogööra dëëre, ki nyeŋ pääny Jwøa, ni beeye Jerucalem mana nyään noo ööi ki maal ki baŋ Jwøa, ni gööra nyeŋŋa mo nyään dëëre.

Mana Nyooth 3:21

«'Ba ŋato böödö, owëëga pïïn piny bäät wälla, keda mara na bööda, ni pïïa kanya ciel ki Wära bäät wälle.

Mana Nyooth 3:5

'Ba ŋato böödö, dëëre orunynyi ka abïïe mo tar na enøgønø, ni nyeŋŋe ba käla wøk yi wëël kwøw. 'Ba gïr nyeŋŋe køba købø nyïm Wära ki nyïm nyïïatwiet maal moe.

Mana Nyooth 6:9

'Ba na ö Nyidiel na jap bïï möönne, jwïëc jøøa 'näk kiper luum Jwøk ki luum Jecu na køpge, ajooda tier gïn wø cïp olämme bääte.