Mana Nyooth 11:8 - Wëël Jwøk

⁸ ni ö rïŋ dëëtge ni bëëtge no opäänhnhö waŋjöör paana dwøŋ, na näk nyeŋŋe obaaŋ ri Cødam ki Ijep, kanya 'näk Kwääcge yie bäät jaadha no odëëdö.

Mana Nyooth 11:8 Iomraidhean Croise

Wïlöölö 13:13

'Ba jø Cødam bëëdö na jø raay mo tïïö ki gïï mo reyø døc nyïm Wuuö Jwøk.

Wïlöölö 19:24

Køøre Wuuö Jwøk maac ki tør mo liel døc ajääŋŋe bäät Cødam ki Gømöra ni pänhnhi ki maal baŋ Wuuö Jwøk kaamar køth,

Bwøth Wøk 20:2

ni «Beeye a na Wuuö Jwøk na näk Jwøu, na käl uuni wøk ki yi ŋööm Ijep, paana näk po laŋ.

Bwøth Wøk 3:7

Køøre Wuuö Jwøk aköö, ni «Ka adïëri møn, can mar jiya na en Ijep ajooda, ni wïnynya jwøk marge mana jwöŋge ki gø kiper gïïa leth na tïïc jø wø käär tïïe moge dëëtge. Aani gïïa jwørge bëët ŋääa.

Aydheea 3:9

Gïïa reyø na tïïcge nëënö täärnyïmge, ni ge bëëdö ni ge nyøtha raay moge kaamar Cødam, ni raay moge ba maarge kan. Wui, otïmö ni leth jïge, kiper gïïa reyø na kälge bäätge!

Jeremaya 23:14

'Ba aani, gïn mo raac døc mo ec thäŋŋö ki gø ajooda baŋ nyïïkuk Jwøk mo Jerucalem; ni ge tïïya tïï luui, ni ge bëëdö ni ge caatha køør luup tööt; ge bëëdö ni ge wëëga bäät jø wø tïïc gïï mo reyø tëënnö, nee bäŋe ŋat mo wec tïïe moe na reyø. Ni put jø Jerucalemmi bëët tïmö kaamar jø Cødam ki jïra, ni tïmge thuwø kaamar jø Gømöra.

Jeremaya 26:23

Ni øømge Uria Ijep, ni kälge eni baŋ nyeya ma Jeyöakëm, ni ö Jeyöakëmmi ni 'näk gø ko opëëllö, ni leeŋ dëër gø kany wø koony jiy møga jaak yie.

Edhikiel 16:46

Coku mana dwøŋ na näk dhaagø beeye Cameria, ni beeye ni wø bëëdö ki nyïïe jï løø wï-piny ki ïïni; ni coku mana thiinh beeye Cødam, ni beeye ni wø bëëdö ki nyïïe jï løø tier-piny ki ïïni.

Edhikiel 16:49

« ‹'Ba raay mo coku ma Cødam bee en: Eni ki nyïïe ge töödö kiper jïge da cam mo päl ni ge ena yi bëët jwöm; 'ba jiy moa can na näk bäŋ gïrpiny ceŋge ba kønyge.

Edhikiel 23:19

'Ba ena cäŋ bëëtö ni käp mare poot kaadhe kaadhø jaak, ni paaya wïïe ki nïr thïnhö moe kanya bëëde ni käbö Ijep.

Edhikiel 23:27

Kanyøgønø käp mana wara gathï dëërï ki gø na tägi yi ŋööm Ijep ŋøla ŋølø. Waŋï paanya paanyø bäät japøgø ni ba parï wïïï këët ki Ijep.›

Edhikiel 23:3

mo geno tïmö ni gena kääpe Ijep, ni ge bëëdö ni ge gatha dëëtge ki käp ki mana täge ni ge therø. Gena bëëdö ni thurge di maaŋŋø ni ge di gämmö ki mëër yi ŋöömmögø.

Edhikiel 23:8

'Ba eni, bëët käp mare mana tääe kanya bëëde Ijep käre wiiø; ki mana käl thïnhö cwøw bëëdö ni buut ki gø. Ni thure na näk poot cuŋŋö maaŋ cwøwi maaŋŋø, ni cwïny cwøw puta pääŋö ki met ec ki eni.

Edhikiel 37:11

Køøre Wuuö Jwøk acäŋ köö jïra, «Wär dhaanhø, cuu moøgø a päära ge ki jø dhi øt Icriel bëët. Raŋï, gena köö, ni ‹Wa caala cuu mo otal, ni ŋäädhe marwa oränynyö, ni dïïr wïthwa bëët.›

Amøc 4:11

«Jiy møøk araanynya rou, kaawat mana raanynya mïëya näk Cødam ki Gømöra, ni ö uuni na bøth ni tïmu nou caala jaath mo liel mo okäl wøk yi maac; 'ba këël na tïïa gïïögø bëët, u kär duu baŋa.» Beeye Wuuö Jwøk ni cäänö enø.

Mathiew 10:15

Adïëri møn, a cäänna uuni, noo tïmö ni theemma ajäl Cødam ki Gømöra ka ajäl paanøca dïcäŋo ŋøl luup yie.

Moa Tïïc Nyïïatwieli 9:4

Ni put pädhö ni wïny dwøl ni cäänö ki eni, ni köö, ni «?Cøøl, Cøøl, aŋø ni gëëmï ki aani en?»

Ibaru 13:12

Kaawat manøgø thuwø, Jecu gïï mo leth ajwøre wøk ŋää kiir, kiper nee jiy tïïe ni ena kur keerge na mo Jwøk ki køør remme kiree.

2 Piter 2:6

Ni døøc pääny Cødam ki pääny Gømöra bur, ni dïïr wïthge bëët, ni tïïya ge na nyuudhi jï jø raay.

Juut 1:7

Kaawat manøgø thuwø, Cødam ki Gømöra ki mïëri moa en deŋge, jøøa cïp dëëtge køør käp ni ge kapa dëëtge na enønø thuwø, atïmö na nyuudhi ki køør mana jääl geni ki maaa näk bäŋ cuŋŋe.

Mana Nyooth 11:13

Kanyøgø piny atïmö ni jäŋŋi døc yi caannøca. Ni ö paac thääŋ päänynyi ni pädhe. Ni ö jiyi ma kume abïriiø ni nääi ki dïjäŋ piny, ni ö moa dööŋŋi ni lwäcge døc, ni jiemge Jwø maalø.

Mana Nyooth 11:9

'Ba jiy oööi ki røk tuŋi, ki wïth juurre, ki dhøgi, ki yïth mïëri, ni neetge dëët jøøgø na näk othøw ki nïne adäk ki thääŋö, ni kwierge geni ki man kïth geni yi kää.

Mana Nyooth 14:20

Ni ö buur wø biic nyïïomøki yie ni nyøri ki tiel ŋää paac wøk. Ni ö remø ni kwön wøk ki yi buur wø biic nyïïomøki yie, ni päŋ mare ena dho okweeny ni møle ni cööp kany mo jïtö ki kiïlömethërri ma dïpe adäk.

Mana Nyooth 14:8

Ni ö riet nyïïatwiet maalli mør ni läw cäännö, ni «Babiløn na dwøŋ apädhö ki pädhö mo ba thiinh, nyaana wëëk mïëri bëët mäthö ki køøŋ nyïïomøki mar käp mare.»

Mana Nyooth 16:19

Ni ö paana dwøŋŋi ni kaaŋŋe na thäŋi adäk, ni ö mïëc pinynyi ni päthge, ni ö Jwøki ni par wïïe ki gïr Babiløn na dwøŋ, nee wëëk mäthö ya athöödhi na päŋ ki wëëye na raac døc.

Mana Nyooth 17:1

Kanyøgø nyïïatwiel maal aciel dëët nyïïatwiet maal moa näk abïriiø na käär kuure abïriiø aöö ni kööe jïra, ni «Ööï, nee ajäla mano pïï dëër kääbi mana dwøŋ na näk opï bäät pïï mo thööth nyoodha jïrï,

Mana Nyooth 17:18

'Ba dhaaŋŋøgø na jootï enø beeye paana dwøŋ na näk ocuumö wïth nyec piny.»

Mana Nyooth 17:5

'Ba täärnyïme nyeŋ mo tiere okanø ogöör yie, ni «Babiløn na dwøŋ, na näk mii kääpe ki rääö mar piny.»

Mana Nyooth 18:10

'Ba geno cuŋŋi kany mo bäär ni ge lwäära caannø mare, ni köge, ni «Wui, wui, paana dwøŋ, ïïna ränynyö. Wui, ï na Babiløn na teek, ränynyö marï apïï ki yi caa aciel!»

Mana Nyooth 18:18

ni rëëtge kanya jootge jïye na waaŋe, ni köge, na «?A paana ŋø na caal paanø ni dwøŋ enø?»

Mana Nyooth 18:2

Ni kööe ki dwøl mo päl døc, ni «Babiløn na dwøŋ apädhö ki pädhö mo ba thiinh, ni tïme na kar bëëtö jï anäge, na kar bëët teeŋ juuga reyø bëët, ki teeŋ weny moa reyø bëët na mänö ki geni.

Mana Nyooth 18:21

Kanyøgø nyïïatwiel maal mør mo teek døc, akwänynyö ki kïdi mo caala kïn guur mo dwøŋ døc, ni leeŋ gø yi naama dwøŋ, ni kööe, ni «Paana dwøŋ na näk Babiløn ogøø piny ni raac døc na enønø, ni ba joodi këët.

Mana Nyooth 18:24

Ni beeye eni na joot rem nyïïkuk Jwøk ki mo jø Jwøk yie, ki mo jøøa 'näk bëët bäät piny.»