Mana Nyooth 11:5 - Wëël Jwøk

⁵ 'Ba kany wø näk da ŋat mo manynya man raany geni, maac wø ööa wøk ki dhøkge ni dïïr wïth jø wø män ki geni. Kiper manøgø nø, ŋat wø many man raany geni, cuŋ mare beeye thøø.

Mana Nyooth 11:5 Iomraidhean Croise

Aydheea 11:4

'Ba eni luup jøøa can oŋøle ki køør adïëri; luup jøøa no othiel piny moa en bäät piny oŋøle na kare. Eni piny ojääle ki luup moo ööi ki dhee, ni 'näk jøøa reyø ki jam dhee.

Jeremaya 1:10

Ni dïcäŋi, ïïna mooa ki teek ki man køpï luumma dëët akwöm mo wïth juurre, ki dëët akwöm mo nyeye, man näk mo geni cööda wøk, ni keeth geni, ni raany geni, ni nyak geni; ni cäŋ ge tïïyö ni teek, ni këël tietge piny.»

Jeremaya 5:14

Kiper manøgønø, mana ŋøl Wuuö Jwøki, eni na wïth jammi bëët, beeye en, ena köö, ni «Kiper mana caange luummögø, ennø, ï na Jeremaya en, luupa moo caanï otïïa ni liel kaamar maac dhiï, ni tïïa jøøi ii kaamar jenni, ni ö maaci ni thöör geni.»

Edhikiel 43:3

'Ba gïnögø kanya nyoodhi jïra ki yi wïïa, atïmö ni caala mana nyooth jïra na neena kanya ö eni na Wuuö Jwøk na ö kuna raany pääny Jerucalem, ki mana nyooth jïra thuwø na neena kanya ena bäät Naam Kebar. 'Ba dëëra aputa leeŋ piny ni pädha ki bäp yia.

Odheea 6:5

Kiper manøgønø, uuna nø ŋøra na thäŋi ki køør ajäla mana caana ki dhøk nyïïkuk Jwøk, ni nø nääa uuni ki luubö mana cur dhaa; ni ö ajäla mara ni put nidaaŋ bäätu kaamar agaackøth.

Dhekaraya 1:6

?Aŋø, luup 'moa ki ciik 'moa na köömma geni ki ge ki dhøk jiya ma nyïïkuk Jwøk kärge kwierø ni jïtge ka ajäla? 'Ba køøre raacge akøpge ni köge, ni ‹Wuuö Jwøk, eni na wïth jammi bëët, gïn atïïe dëëtø ki køør uutjïëthe 'moø ki japa reyø na tïïø, ni beeye tiere ni put gø tïïc møn kaawat mana cooŋ gø.› »

Dhekaraya 2:8

Kiper man bee gïna caan Wuuö Jwøki, eni na wïth jammi bëët, «Køør mana nø jiem aani, aana jääŋŋe baŋ wïth juurre moa caar uuni, kiper ena köö, ni ‹Jø wø gut uuni guta guu waŋa.›

Mana Nyooth 13:13

Ni eni wø tïïö ki ŋïïce mo døøŋŋø døc, mo këëlla maac wëëge ööny piny ki maal ni nëënö jï jiy.

Mana Nyooth 9:17

'Ba man en beeye gïna jooda kanya neena okwëënyi ki yi lääk. Ni jøøa en bäätge ge käära kööt käw mo kïtge caala maac mo kwaar, ni caala kït abïcøle ki kïdö ma abäga. 'Ba wïth okwëënyi caala wïth ŋuuwe, ni maac, ki jïrö, ki jïrö mør mo keec ni lïëth døc bëëdö ni ööa wøk ki dhøkge.