Mana Nyooth 11:4 - Wëël Jwøk

⁴ Lïŋŋe moøgø na ariiø yøø beege jer wø cwøl ni ølip karge riet ki tëëde mo lambae karge riet ni wø cuŋŋi nyïm Kwäärö mar piny.

Mana Nyooth 11:4 Iomraidhean Croise

1 Nyeye 17:1

'Ba nyikuŋ Jwøk ma Ilaaja nyï Ticbi na en yïth ŋøøp Gelät, aköö jï Akap, ni «Ŋëët Wuuö Jwøk, Jwø Icriel na kwøw, ni wø tïnynya en, ka adïëri møn, ki yïth cwiiri moi ii, tïmö ni bäŋ thööy ki køth, ni näk mo ba caana aani ni køth pädhö.»

Bwøth Wøk 8:22

« ‹'Ba dïcäŋeca ŋööm Göcën na bëët jiya yie owiia kur keere ni bäŋ lwaa lwaŋŋø mo ena yie, kiper nee ŋäyï ni beeye aani na Wuuö Jwøk ni bëëdö dï paani en;

Aydheea 54:5

Kiper aani ni wø bëëdö kaamar cwørï bee aani na cwääc ïïni, ni nyeŋŋa beeye Wuuö Jwøk, a na wïth jammi bëët. A na Jwø Icriel na en kur keere, bee aani na wïïl ïïni wøk, ni bee a ni wø cwøl ni Jwø Bäät Piny Bäre.

Jeremaya 11:16

'Ba Wuuö Jwøk uuna cwøle na jaath mo oløth mo mïërö mo nyïïe beyø; 'ba uuno ränynyi kaamar jaadhøgø noo waaŋe ki maac mo teek mo lwör kaamar atuunna, ni waaŋ bäädi moe ni thumge.

Mikiya 4:13

Wui jø Dhayan, ööu maal ni nyøru geni kaawat man wø ö dhäki wø dïnge beel; kiper u mooa mooø ki teek mo caala teek nywïënyö, ni tïïa tietu ni teek kaamar nywïënyö ma jwïël, ni nyathu wïth juurre na thäŋi.» 'Ba uuni, gïïa jootge bëët ki jöö mo patha kare, ni beege jap kwärö moge, ocïpu jï Wuuö Jwøk, eni na Kwäärö mar bäät piny bäre.

Luk 11:33

«Bäŋ ŋat mo nyep lamba ni cäŋ gø kïth yi buur wala tier dak, 'ba wø cïbe bäät tharabëëta, kiper nee jø wø duny øtø nee tar jootge.

Luk 21:36

'Ba kuru cooth, nou lämö nee lønye jïïu ki man bøthu ri gïïo tägi bëët, nou cuŋŋu nyïm Wär Dhaanhø.»

Wëëlö Mana Göör Pøølli Baŋ Jø Röm 11:17

'Ba ni näk bäädi møøk otuur wøk, ni ö ïïni na näk jaath paap ni rap ïïni karge niï nywaagï beeny jaath paac,

Tiet Ciik 10:8

'Ba kanya poode ni ge ena lak Kïn Körëp, kar kaaca Wuuö Jwøk jø tuuŋ Libay acïp kur keerge, kiper na acanduk man wø nyooth luumma tuut Wuuö Jwøki ki jiy nee bielge, nee cuŋge nyïm Wuuö Jwøk nee eni tïnyge, nee ge gwëëthge ki nyeŋŋe; ni putge bëëtö ni ge tïïya tïïögø këël dïcäŋi en.

Mana Nyooth 1:20

'Ba luum ceer moa na abïriiø na jootï cer cwïïa, ki lambae moa näk abïriiø na näk warkey, ni beege japa näk tietge okwøŋ kan, tiere beeye en. Ceer moøgø karge bïriet gena nyïïatwiet acook Jwøk karge bïriedi. 'Ba lambae karge bïriet beege acook Jwøk karge bïriedi.»