Mana Nyooth 11:3 - Wëël Jwøk

³ 'Ba aani lïŋŋe 'moa moa na ariiø owëëga teek man køpge dwør Jwøk ki yïth nïne ma kuma aciel ki dïpe ariiø ki pïërabïciel, ni ge käära keece na abïïe.»

Mana Nyooth 11:3 Iomraidhean Croise

Wïlöölö 37:34

Køøre Jeekap abïïge ajeeye, ni kïth dëëre ki keeca, ni kïmme kiper wääde ki nïne mo thööth.

2 Camiel 3:31

Køøre Deebit aköö jï Jöap ki jiy bëët moa nut buutge kaagø, ni «Jwøgu Abinër, ni jeeyu abïïe mou ni røøu keece dëëtu na abïïe ni nyoothu pänh cwïny maru.» Kanyøgønø, nyeya ma Deebit aput wääth køør pëëm mana käär dëër dhaanhø ki gø.

1 Nyeye 21:27

'Ba kanya ö Akapi na wïny luupögø, abïï mare aput jeec ki pänh cwïny, ni røø keeca dëëre na abïï, ni bëëde ni eni wödö ni ba cämö, ni eni buuta yi keeca, ni put bëëtö ni cwïnye opädhö.

2 Nyeye 19:1

'Ba kanya ö Edhekaya na wïny gïnögø, eni abïïe moe aput jeeyø ki pänh cwïny, ni dwøl keeca dëëre, ni døny yi Øt Wuuö Jwøk.

1 Luup Nyeye 21:16

'Ba kanya ö Deebiti na tïŋ wïïe maal ni räŋŋe, nyïïatwiel maal mar Wuuö Jwøk aput joot ni cuŋŋö yïthakic maal ki piny, no opëëllö ee maa ni ee löö bäät Jerucalem. Kanyøgø, Deebit ki jø døøk Icriel, cøŋge aputge këël piny ni kuulge wïthge piny yïth ŋøøm, ni dëëtge ege runynyö ka abïïk keece ni ge nyootha pänh cwïny marge.

Neemiya 9:1

'Ba kanya tïm nïr dwää abïriiø ni pïërariiø ka aŋween, jø Icriel dëëtge acooŋge kanya ciel, ni bëëtge ni ge ba cämö, ni keece ege røø dëëtge na abïïe, ni bäätge ege kunynyö ki tør ni ge jwönna dëëtge.

Jööp 16:15

«Kiper manøgønø, dëëra akwönynya ka abïïn keeca ni uuma dëëra ki gø, ni buta piny yi bur ni aano ränynyö.

Aydheea 22:12

Kiper manøgønø, dïcäŋeca, Kwäärö Wuuö Jwøk, eni na wïth jammi bëët, uuna cwøle nou jwöŋu nou gööu ko oduuru, nee wïthu gwääru wøk, ni dwølu keece dëëtu kiper pänh cwïny maru.

Jeremaya 1:10

Ni dïcäŋi, ïïna mooa ki teek ki man køpï luumma dëët akwöm mo wïth juurre, ki dëët akwöm mo nyeye, man näk mo geni cööda wøk, ni keeth geni, ni raany geni, ni nyak geni; ni cäŋ ge tïïyö ni teek, ni këël tietge piny.»

Wëël Kïmmö 2:10

Jäle mo Dhayan gena pï piny yïth ŋøøm jaak ni geno nikïïl. Geni bur ajørge wïthge, ni røøge keece dëëtge na abïïe. Nyïïakuue mo Jerucalem ge bëëdö ni cøŋge ege këël piny ni wïthge ege këël yïth ŋøøm.

Edhikiel 4:6

«'Ba noo thöörï nïne moøgø, wärï cäŋ butö niï buta bäät cwïïï, ni kïthï raay mo jø dhi øt Juuda bäätï. 'Ba aani, bäätï kwäänna kwäännö ki nïne ma pïëraŋween, ni dïcäŋ aciel man nø beeye kar cwiir aciel mo raay moge.

Daniel 12:7

Køøre ŋata näk oruyö ka abïï ma lïïna na en bäät pïï yi naam, ceŋŋe karge riet athaaŋ maal. Ni wïnynya dwøre ni kööŋŋa ri Jwøa kwøw ni wø bëëdö na bäre bäre, ni kööe, ni «Beeye cwiiri adäk ki thääŋö. 'Ba kanyo ö bäät jic Jwøk no nigelway, beeye kanyo ö gïïögø noo ŋuutge.»

Daniel 7:25

Ni cääne ki luup dëër Jwøa Dwøŋ ni en Maal, ni dïïm jiy moe, Eni na dwøŋ ni en maal, ni cäde ki man wiil kwöra wäŋŋi ki ciik, ni ö jic Jwøk ni cïbi cere ki cwiiri adäk ki thääŋö.

Daniel 8:14

Ni kööe jïra, ni «Thöödhö ki nïne ma kuma aciel ki dïpa ki pïërabïïc, no olämme mo wø cïp ka abøøya ka amöölla ba cïp yïthge. Køøre kar lam na en kur keere cäŋ ka dwøk kare ni beer.»

Jool 1:13

Wui, u na dïlämme, røøu keece dëëtu na abïïe, ni kïmmu; wui, u ni tïïc maru beeye cïp olämme bäät gïn wø cïp olämme bääte, gööu ko oduuru; wui, u ni wø tïny Jwøk mara, ööu ni thöörru wäär bäre ni keece ena dëëtu; kiper muuce mo beel, ki muuce mo kwøŋ bäŋgø mo kïtha yi Øt Jwøk maru këët.

Joona 3:5

'Ba jø Nineba dwør Jwøk aŋääthge, ni gööcge piny ka awaaci mar wödö, nee ba cämge, ni røøge keece dëëtge na abïïe, ni tägi ka jøøa kwörge døøŋŋø këël jøøa näk kwörge bäŋgø.

Joona 3:8

'Ba jiy ki lääy keece wär bëëtge ni ena dëëtge, ni ö jiyi ni jwöŋge døc dëër Jwøk, ni ö ŋati man nø ni løk ree ni wec jöör raay moe ki gïïa reyø ni wø tïïe ki ceŋŋe.

Kwään Jiy 11:26

'Ba kar kaace, da jiy ariiø mo odööŋ twïër; na aciel nyeŋŋe Eldat, ni maya nyeŋŋe Mödat. 'Ba ge ena dëët jøøa näk nyeŋge ogöörö, ni ge kär ci buut oduŋkaara. Ni ö Jwïëc Jwøki ni pïïe bäätge, ni putge dwør Jwøk køp dï twïër.

Mathiew 11:21

Ni kööe, no «Otïmö ni raac jïrï, ï na Köradhin. Noo tïmö ni raac jïrï, ï na Betheeda. Kiper doo naa tïïe moa døøŋŋø na tïïc dïïu, tïïca yi Tayar ki Caydan, cwïnyge doo na ege nø løk cøøn, ni ge käära keece na abïïe ni ge bëëdö yi bur.

Mathiew 18:16

'Ba ni näk marï ba wïnynye, lwötï ki dhaanhø aciel wala jiy ariiø, kiper nee ‹luubö tïme na kare ki køør gïna caan jiyi ariiø wala adäk moa tïïc gïnögø buutge.›

Luk 10:13

«Otïmö ni raac jïrï, ï na Köradhin. Noo tïmö ni raac jïrï, ï na Betheeda. Kiper doo naa tïïe moa døøŋŋø na tïïc dïïu, tïïca yi Tayar ki Caydan, dëëtge doo na ege nø løk cøøn, ni ge käära keece na abïïe ni geno pï piny yi bur.

Luk 24:48

Ni bee uuni na neen gïïögø.

Jøøn 15:27

'Ba uuni thuwø, gïra okøpu, kiper uuna bëëdö ki aani ki kanya täga.

Jøøn 3:27

'Ba aløk Jøønni, ni «Bäŋ dhaanhø mo doo jïtö ki gïrpiny, ni näk ba mëëk eni ka maal.

Moa Tïïc Nyïïatwieli 1:8

'Ba uuno jïti ki teek kanyo ö Jwïëc Jwøki na en kur keere bäätu, ni tïmu ni uuna lïŋŋe 'moa yi Jerucalem, ki yi Judia bäre, ki Cameria, këël yi piny bäre.»

Moa Tïïc Nyïïatwieli 13:31

ni nyøth dëëre ki nïne mo thööth jï jøøa öö ki eni ki yi Galili na ö Jerucalem. Ni bee geni na lïŋŋe moe jï jiy.

Moa Tïïc Nyïïatwieli 2:32

'Ba beeye Jecu manøgø na tïŋ Jwøki maal, ni gïnögø aneenwa bëët.

Moa Tïïc Nyïïatwieli 3:15

ni 'nägu ŋat wø cïp kwøw; 'ba ena tïŋ Jwøki maal ki yi thøø. Ni waani, waana lïŋŋe kiper gïnögø.

1 Körin 12:28

'Ba Jwøk aröönyö ki jiy ya acooŋ Jwøk. Dïkwøŋ beege nyïïatwieli, rietge beege nyïïkuk Jwøk, dääge beege dïpööye, køøre beege jø wø tïïc gïï mo rëëma ec, køøre ki muuy mar riem täwe, ki dïkunynye, ki dïnyuuthe, ki jøøa wëëk teek ki man cäänge ki teeŋ dhøgi møøk.

2 Körin 13:1

Man beeye dää wäädhi jïra ki man ööa baŋu. 'Ba nee da luubö mo di caanø, wär caan ni da jiy ariiø wala adäk mo ŋäc gø.

Epeca 4:11

'Ba muuce moe moa cïbe beeye ki man tïm jø møøki na nyïïatwieli, ni tïm jø møøki na nyïïkuk Jwøk, ni tïm jø møøki na jø wø køp luum Jwøk, ni tïm jø møøki na dïkwääc jiy ki dïpööye,

Tiet Ciik 17:6

Teeŋ ŋatøgø wär näk ki køør gïno caan jøøa tïïc gïnögø buutge, ni beege jiy ariiø wala jiy adäk. 'Ba kär dee dhaanhø mo 'näk ki køør gïn mo caana dhaanhe acielli.

Tiet Ciik 19:15

«U ba doo jïëy ki luum dhaanhø aciel keere mo köö kar løøk, ni ‹Gïnögø na tïïyi ya ŋatøgø, a nutö.› 'Ba luubö doo tïmö na kare ki køør gïna caan jiyi ariiø wala adäk moa tïïc gïnögø buutge.

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 11:2

'Ba kär niï røma yi kal mar Øt Jwøk Mana Dwøŋ. Wec kanyøce nee dööŋ wøk. Kiper owëëk juurre. 'Ba geni paana en kur keere na näk mar Jwøk oraanyge ki dwäde ma pïëraŋween kurriiø.

Mana Nyooth 11:6

Ni jïge da teek ki man mänge pöölö nee køth ba pädhe yïth nïro køpge dwør Jwøk. Ni jïge da teek bäät pïï ki man døøcge geni remø, ki teek man raanyge piny ki teeŋ jap räny piny bëët, kany wø manyge gø.

Mana Nyooth 12:6

Ni ö dhaage ni reŋ paap, yi kanya näk ojiiŋ Jwøki kipere, kanya dii caamø yie ki nïne ma kuma aciel ki dïpe ariiø ki pïërabïciel.

Mana Nyooth 13:5

'Ba Läänögø omooø ki dhøk mo cara luup atöör ki luup mo reyø døc mo janynya Jwøk. Ni eno wëëk man cääne ki cuum mare ki dwäde ma pïëraŋween kurriiø.

Mana Nyooth 19:10

Kanyøgøøni aana päth tiete nee wøøra. 'Ba ena köö jïra, ni «Gïnögø kär tïïyï, kiper aana laŋŋø ki ïïni na aciel ki nyïïmeru, ni beege jø wø en gïr Jecu cwïnyge. Wøør Jwøk.» Kiper gïr Jecu wø køp beeye luup wø køp nyïïkuk Jwøki thuwø.

Mana Nyooth 20:4

Kanyøgø wäle møøk ajooda, ni jøøa näk owëëk ŋøl luup opï bäätge. Ni jooda jwïëc jøøa wïthge ŋul wøk thuwø kiper gïr Jecu na køpge, ki gïr luum Jwøk, jøøa näk Lääy manøgø kärge wøørø, wala gïna näk ocwääö na caal kïte, na näk kär jïtö ki ŋïï täärnyïmge wala ceŋge. Geni, gena cäŋ kwøwø, ni bëën geni ki Krictø na aciel ki cwiiri ma kuma.