Mana Nyooth 11:2 - Wëël Jwøk

² 'Ba kär niï røma yi kal mar Øt Jwøk Mana Dwøŋ. Wec kanyøce nee dööŋ wøk. Kiper owëëk juurre. 'Ba geni paana en kur keere na näk mar Jwøk oraanyge ki dwäde ma pïëraŋween kurriiø.

Mana Nyooth 11:2 Iomraidhean Croise

Dut Pwøc 79:1

Aydheea 48:2

Uuni, dëëtu wø cwøllu cwølø na jø päänya en kur keere, ni göögu raa, a na Jwø Icriel, na näk nyeŋŋe bee Wuuö Jwøk, eni na wïth jammi bëët.

Aydheea 5:5

'Ba ennø, gïno tïïa kiper pwöth jer omøki mara caana caanø jïïu: jenni moa näk yaa piidhø na ciel deŋŋe käla wøk, ni wëëga gø raanynyø, ni ö cielli mana no otïïö ki kïte ni nyaa gø piny ni dööŋe na kar adhwøla.

Aydheea 52:1

Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Wëël Kïmmö 1:10

Nyimän cere akïth baŋ jammi mo Jerucalem moa perge leth. Eni na Jerucalem wïth juurre ajoode ni dønynya kuna tukge øt lam mare na en kur keere, jøøa kööm Wuuö Jwøki ni kärge døny ya acooŋ jiye.

Edhikiel 4:6

«'Ba noo thöörï nïne moøgø, wärï cäŋ butö niï buta bäät cwïïï, ni kïthï raay mo jø dhi øt Juuda bäätï. 'Ba aani, bäätï kwäänna kwäännö ki nïne ma pïëraŋween, ni dïcäŋ aciel man nø beeye kar cwiir aciel mo raay moge.

Edhikiel 42:20

Kanyøgønø, ŋää kal arøme ki løøk moe moa na aŋween bëët, ni beeye kanya näk deŋŋe ocielø ki kal. 'Ba bär mare atïmö na gööye ma dïpe abïïc, ni tïm dööŋ yie na gööye ma dïpe abïïc. 'Ba kal manøgø pääŋŋa kanya näk ena kur keere na mar Jwøk ki kanya näk ba en kur keere.

Daniel 12:7

Køøre ŋata näk oruyö ka abïï ma lïïna na en bäät pïï yi naam, ceŋŋe karge riet athaaŋ maal. Ni wïnynya dwøre ni kööŋŋa ri Jwøa kwøw ni wø bëëdö na bäre bäre, ni kööe, ni «Beeye cwiiri adäk ki thääŋö. 'Ba kanyo ö bäät jic Jwøk no nigelway, beeye kanyo ö gïïögø noo ŋuutge.»

Daniel 7:19

«Køøre aana tïmö ni cwïnya manynya gø døc ki man ŋääa adïëri kiper ŋweer cwieny mana näk ba caal cwëënyi møga bëët, na näk di lwäärö døc, na näk lage beeye nywïëny, ni kwök lweete beeye jwïël, ni kany wø cäme, cam pete petø ni thenh thenh ni løøny geni, ni nyør moa dööŋ ki tiete.

Daniel 7:25

Ni cääne ki luup dëër Jwøa Dwøŋ ni en Maal, ni dïïm jiy moe, Eni na dwøŋ ni en maal, ni cäde ki man wiil kwöra wäŋŋi ki ciik, ni ö jic Jwøk ni cïbi cere ki cwiiri adäk ki thääŋö.

Daniel 8:10

Ena døøŋŋø këël mana put këët ri lwaa gïïa en maal, ni ö lwaa gïïa en maalli møøk ki ceer møøk ni leeŋ ge piny ni nyør ge.

Daniel 8:13

Køøre aani dwør ŋat mo ena kur keere awïnynya ni cäänö, ni ö ŋat mør mo ena kur keere ni kööe jï mana cäänö, na «?A këël yi wäne no ö gïna nyooth noo thur kare, gïna cäänö kiper olämme mo wø cïp cooth, ki bääyö man wø käl ränynyö, ki cïp kar lam na en kur keere, ki lwaa gïïa en maal ki man nyøri ki tiel?»

Daniel 8:14

Ni kööe jïra, ni «Thöödhö ki nïne ma kuma aciel ki dïpa ki pïërabïïc, no olämme mo wø cïp ka abøøya ka amöölla ba cïp yïthge. Køøre kar lam na en kur keere cäŋ ka dwøk kare ni beer.»

Kwään Jiy 14:34

Ki køør kwään nïne moa liewu ŋøøm ki geni, nïra näk pïëraŋween, ajäl gïïa bayu jwørru jwørø ki cwiiri ma pïëraŋween, ni tïm cwiirri man nø na kar dïcäŋ aciel, ni jootu gootø mara.

Mathiew 27:53

Ni öge wøk ki yïth bwör køør duun Jecu wøk ki yi thøø, ni cige paana en kur keere na näk mar Jwøk, ni beeye Jerucalem, ni neeni ya jiyi mo thööth.

Mathiew 4:5

Kanyøgø ena kïth anägö päänya en kur keere na näk mar Jwøk, ni beeye Jerucalem, ni cïp gø wï ocul Øt Jwøk Mana Dwøŋ,

Mathiew 5:13

«Uuna acäbö mar piny. ?'Ba ni näk ma acäbö lawe obänhnhö, lawe ocäŋ døø kare nidïï? Bäŋ gïn mo røme ki gø këët, 'ba tiirra man weti ni nyøri ya jiyi ki tietge.

Luk 21:24

ni 'näk geni ko opëëlle, ni peec geni dï mïëri bëët. 'Ba Jerucalem onyak juurre ni macge gø, këël mano ö kwör juurre moa wäŋŋi noo thurge karge.

Ibaru 10:29

?'Ba a teeŋ rääc ajäla mo nyïëdi nø, na caarru noo rømi ki ŋat mo O Jwøk ee raanynyø, ni käre rem luumma tuut wøørø, mana tïïc eni ni ena kur keere, ni jøøŋ Jwïëc Jwøk ni wø cïp met ec?

Mana Nyooth 11:11

'Ba køør nïrögø na adäk ki thääŋö yøø, jwïëc kwøw aöö ki baŋ Jwøk ni ci dëëtge, ni öge maal ni cuŋge ki tietge. Ni jït cwïny jøøa neen geni ki lwär mo päl.

Mana Nyooth 11:3

'Ba aani lïŋŋe 'moa moa na ariiø owëëga teek man køpge dwør Jwøk ki yïth nïne ma kuma aciel ki dïpe ariiø ki pïërabïciel, ni ge käära keece na abïïe.»

Mana Nyooth 12:6

Ni ö dhaage ni reŋ paap, yi kanya näk ojiiŋ Jwøki kipere, kanya dii caamø yie ki nïne ma kuma aciel ki dïpe ariiø ki pïërabïciel.

Mana Nyooth 21:10

Ni kïth aani bäät kïdi mo bäär mo dwøŋ døc, ni Jwïëc Jwøk ena bääta, ni nyuth aani paana en kur keere na näk Jerucalem, ni ööa piny ki maal ki baŋ Jwøk,

Mana Nyooth 21:2

Ni jooda paana en kur keere na näk Jerucalem mana nyään, ni öö ki maal baŋ Jwøk, no ojiiŋŋø keda dhaagø thiinh mo dëëre orunynyö ki coole kiper cwøre.

Mana Nyooth 22:19

'Ba ni näk da ŋat mo känna wøk ri luupögø ni en yi wëëlli en ni køp gïï mo poot ena nyïm, kure ni en ri jaadha näk jaath kwøw ki mana en yi paana en kur keere no ogöörö yi wëëlli en, okäl Jwøki wøk.