Mana Nyooth 11:18 - Wëël Jwøk

¹⁸ 'Ba mïëri abëëdö ni wëëyö. 'Ba wëëyï apïï, ki kanya di luum jøøa näk othøw ŋølø, ki kanyo ŋat laagï yie ma nyïïkuk Jwøk ki jø Jwøk, ki jø wø lwäär ki nyeŋŋï, moa døøŋŋø ki moa therø, ni beeye kanyo raany jøøa raany piny.»

Mana Nyooth 11:18 Iomraidhean Croise

Luup Dïpööy 12:13

'Ba ennø, jammi bëët anø wïnyö, na aŋuun luubö beeye en. Lwäär Jwøk, ni gwøgï ciik moe, kiper manøgø beeye gïna doo tïïc jiyi bëët.

Luup Dïpööy 8:12

'Ba këël ŋat raay doo bëëdö ni tïïö ki gïï mo reyø ki kwöre ma dïpa ni poot bëëdö ni kwøw ki cwiiri mo thööth jaak, aani, ŋääa ni jø wø lwäär Jwøk ki cwïnyge na adïëri poot beerra marge.

Daniel 11:44

'Ba eni cwïnye otïmö ni pärö ki waac moo wïnyi ki jï løø kur tuul-cäŋ, ki jï løø wï-piny, ni cøøe ki wëër mo dwøŋ ki man raany jiy mo thööth ni dïïra wïthge.

Daniel 7:26

« ‹'Ba kwääc løøk kanyo pï piny kiper ŋøl luup, teek mar nyenynyøgø di lwørø ni raanynyi na bäre bäre.

Daniel 8:25

'Ba ki jöör riek waŋe, cwøk otïïe ni thur kare jïre; ni døøc dëëre mo dwøŋ ki yi cwïnye, ni kanyo bëët jiyi ni bëëtö marge wøp jaak, wïth jiy mo thööth raanynye raanynyø, ni thïïŋ ree dëër Kwääc kwääri. 'Ba eni petø ni bäŋ cer dhaanhø ree.

Mathiew 5:12

Yïthu mïnge ni kanynyu, kiper gïno mëëk uuni maal dwøŋ. Kiper nyïïkuk Jwøk moa kwøŋ bëëtö nou poodi, acaan jiyi na enøgønø.

Luk 1:50

Ni ö mëërri mare ni wø ba jøøl ni bëëde bäät jø wø lwäär ki eni, ni ö ki ri beenhnhi nø, ni pööth ri beenhnhø maya.

Ibaru 9:27

keda man bëëde no onyoodhø jï jiy, ni dhaanhø thøw yie aciel, ni køøre beeye ŋøl luup.

Mana Nyooth 10:7

'ba gïna näk tiere okwøŋ Jwøki kan doo wëëga thur kare yïth nïro ö bïriet nyïïatwiel maalli noo kooth tuuŋ, keda mana caan gø jï laage ma nyïïkuk Jwøk.»

Mana Nyooth 11:2

'Ba kär niï røma yi kal mar Øt Jwøk Mana Dwøŋ. Wec kanyøce nee dööŋ wøk. Kiper owëëk juurre. 'Ba geni paana en kur keere na näk mar Jwøk oraanyge ki dwäde ma pïëraŋween kurriiø.

Mana Nyooth 13:10

Ni näk da ŋat mo dëëre da weny peec ri leny, eni put ka peec. 'Ba ni näk da ŋat mo dëëre da weny thøw opëëllö, eni di nääö ko opëëllö. Man nø, manynya jïëny gïï mo leth ki ŋäädhe mar jø Jwøk.

Mana Nyooth 13:16

Ni wëëk ceŋ cwïc jiy bëët mooc ki ŋïï wala täärnyïmge, ni beege moa therø ki moa døøŋŋø, ki moa näk okwär ki moa can, ki moa bëëdö ki wïthge ki laaŋe,

Mana Nyooth 14:10

ŋatøgø thuwø, omäthi ki køøŋ nyïïomøki mar wëëc Jwøk, mo okøny yaa athöönh wëër mare, ni bäŋ gïn mo ojääbö ki gø. 'Ba eno caari ki maac, ki maac mør mo jïye keec ni lïëth døc nyïm nyïïatwiet maal na en kur keerge, ki nyïm Nyidiel.

Mana Nyooth 15:1

Kanyøgø ŋïï mør mo dwøŋ døc na gïn mo rëëma ec aneena maal, ni beege nyïïatwiet maal abïriiø mo käära teeŋ jap räny piny abïriiø moo näk aŋuudi. Kiper gïïögø beeye geni noo ŋuut wëëc Jwøki ki ge.

Mana Nyooth 15:7

Ni ö acielli dëët gïïa näk aŋween na kwøw ni mooc nyïïatwiet maal moøgø na abïriiø yøø ki kuure abïriiø ma warkey mo päŋ ki wëëc Jwøk, eni ni wø bëëdö ni kwøw këël na bäre bäre.

Mana Nyooth 18:6

Cool kwör dëëre, keda mana kwøŋ tïïc ki dëëre. Ni coolï kwör dëëre kwöre ariiø na kar moa tïïe. Ni jääpï athöönhnha näk ee jääbö jïre ki kwöre ariiø.

Mana Nyooth 19:15

Ni ö opëëllö mo beth ni bëëde ni ööa wøk ki dhee, mano gøøc mïëri ki gø, ni dïïm geni ka athøny nywïënyö. 'Ba eni buur wø biic nyïïomøki mar wëëc Jwøk na en teeki jïre, wëëya dwøŋ døc, onyøøne.

Mana Nyooth 19:18

kiper nee rïŋ nyeye ki rïŋ kwääri, ki rïŋ jøøa kwörge døøŋŋø, ki rïŋ okwëënyi ki mo jøøa en bäätge, ki rïŋ jiy bëët, jøøa bëëdö ki wïthge ki laaŋe bëët, këël moa therø ki moa døøŋŋø, nee cammu.»

Mana Nyooth 19:5

Ni ö dwølli mør ki bäät wälu mo köö, ni «Pwøyu Jwøk marø, u na laage bëët, u jø wø lwäär gø, ni beege moa therø ki moa døøŋŋø.»

Mana Nyooth 20:12

Ni jooda jøøa näk othøw, moa døøŋŋø ki moa therø, ni ge cuŋŋö nyïm wällögø. Ni ö weeli ni jabi. Ni ö wëële mør thuwø ni jabi, wëëlla näk Wëël Kwøw. Ni ö luup jøøa näk othøw ni ŋøli ki køør gïïa näk ogöörö yïth weeli, ki køør tïïe moge.

Mana Nyooth 20:15

'Ba ni näk da ŋat mo nyeŋŋe kär joodø no ogöör yi Wëël Kwøw, eni wø leeŋa yi naama liel ki maac mo jïye keec ni lïëth døc.

Mana Nyooth 22:12

Ni kö Jecu, «Neenï! Aani, a laara öö, naa käära japo cunna jiy ki ge, ni ŋati man nø cunna ka køør gïna tïïe.