Mana Nyooth 11:17 - Wëël Jwøk

¹⁷ Ni köge, ni «Wui Kwäärö Wuuö Jwøk na en teeki jïre, wa dwøga met ec jïrï, ï ni nut en, ni nudï cøøn, kiper na lwørï teegï na dwøŋ, ni tägï ki man bëën ïïni.

Mana Nyooth 11:17 Iomraidhean Croise

Wïlöölö 17:1

'Ba kanya tïm Abrammi ni cwiiye pïërabïŋween ka abïŋween, Wuuö Jwøk ree anyoodhe jï Abram, ni kööe jïgø, ni «Aana Jwøa en teeki jïre; beerra man cäädhï nyïma, ni bëëdï ni bäŋ gïn mo jøøŋŋi ri bëëtö marï.

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Daniel 2:23

Wui, ï na Jwø kwäya, a duua met ec jïrï ki pwøc, kiper aana mooyï ki leec wïc ki teek, ni ennø, aana tïïyï ki man ŋääa tier gïna pëënywa ïïni ki gø, kiper waana tïïyï ki man ŋäcwa tier lääk mar nyeya.»

Daniel 6:10

'Ba kanya ö Danielli na nø ŋäc gø ni wëël ciik ŋïï onø kïth bääte, ena put bëëtö ni dønynya yi øde mana en maal mana näk dhøk awëërnyeŋŋi moe ojabø jï løøa dïët ki Jerucalem, ni ki dïcäŋ aciel eni lämö ki kwöre adäk ni cøŋŋe ee këël piny, ni eni dwøga met ec jï Jwøk mare, kaawat man wø tïïe dïkwøŋ.

Mathiew 11:25

Kanyøgø Jecu aköö, ni «Ïïna pwøa, Awuuö, ï na Kwääc maal ki piny, kiper mana mänï gïï ki jøøa wïthge leer na ŋäc jammi, ni nyoothï geni jï obwöre moa mar.

Luk 10:21

'Ba yi caannøca, Jecu yie amïnnö ki ri Jwïëc Jwøk na en kur keere, ni kööe, ni «Ïïna pwøa, Awuuö, ï na Kwääc maal ki piny, kiper mana mänï gïï ki jøøa wïthge leer na ŋäc jammi, ni nyoothï geni jï obwöre moa mar. Kiper beeye mana manynyï ki met yiï, Awuuö.

Jøøn 11:41

Kanyøgø kïdi adaakge. Ni ö Jecu ni lwïthe maal ni kööe, «Awuuö, a duua met ec jïrï kiper na wïnynyï mara.

2 Körin 2:14

'Ba pwøc en jï Jwøk, ni wø bwøth waani cooth ni dïïmwa jammi bëët ki nyeŋ Krictø, ni tïïc nyeŋ gø ni ŋäc yi piny bäre ki køørwa, ni caala gïn mo ŋwäänynye met.

2 Körin 9:15

Pwøc en jï Jwøk kiper muuy mare na bäŋ gïn pääri ki gø.

1 Timöthi 1:12

'Ba a wø dwøga met yia baŋ Krictø Jecu na näk Kwääyø, ŋata wëëk aani tëënnö, kiper mana caar aani, ni aano rømø ki man ŋäädhi, kanya jier aani ni kïth a yi tïïc mare,

Mana Nyooth 1:4

Aana Jøøn ni määth acook Jwøk karge bïriedi, ni en yi Eecia. Met ec bëëde bäätu ki bëët-mëër man wø ööi ki baŋ ŋat nut en, na nut cøøn, ni beeye noo ööi, ki baŋ jwïëy karge bïriedi ni wø en nyïm wälle,

Mana Nyooth 1:8

Kwäärö Jwøk aköö, ni «Aana Alpa ni näga Omëëga, ŋat nut en, na nut cøøn, ni beeye eni no ööi, ŋata en teeki jïre.»

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

Mana Nyooth 15:3

Ni ge wära duut Modhe, na näk laŋ Jwøk, ki duut Nyidiel, ni ge köö, ni «Ï na Kwäärö Wuuö Jwøk na en teeki jïrï, Nyeny piny bäre, tïïe moï døøŋŋø, ni beege gïï mo rëëma ec. Ni luup moï beyø ni näkge adïëri.

Mana Nyooth 16:14

Kiper gena jwïëy anäge mo tïïö ki ŋïïce mo wø ci wøk baŋ nyec piny bäre, kuna cooŋge geni kanya ciel kiper leny mar cäŋo dwøŋ mar Jwøk na en teeki jïre.

Mana Nyooth 16:5

Ni wïnynya dwør nyïïatwiel maal mana en pïïyi cere, ni köö, ni «Marï beer ki yïth gïïögø na ŋølï enø, ïïni ni nut en, ni nudï cøøn, ï na en kur keerï.

Mana Nyooth 16:7

Ni wïnynya dwøl ki yi gïn wø waŋ gïï wø jïcge ŋwääi ni met bääte, ni köök, ni «Wui, Kwäärö Wuuö Jwøk na en teeki jïre, ka adïëri møn, ŋøl marï beeye adïëri ni beer.»

Mana Nyooth 18:8

Kiper manøgø nø, jap räny piny moo ö bääte, oööi ki yi cäŋ aciel, teeŋ ka thøø, ki kïmmö, ki meel. Ni ö eni ni waaŋi ki maac. Kiper Kwäärö Wuuö Jwøk na jääl gø dwøŋŋa eni.»

Mana Nyooth 19:11

Kanyøgø maal aneena ni ŋaam, ni neena okweeny mo tar. 'Ba ŋata en bääte cwøl ni Ŋat mo oŋäädhö ni näk Adïëri. Ni näk mare ŋøl luubö wala tïïya leny, moe beege adïëri.

Mana Nyooth 19:6

Kanyøgø dwøl mør awïnynya mo keda dwør lwaak mo päl, ni caala lwöc pïï mo thööth, ni caala dwør køth mo märö døc, ni köö, ni «Alëluya! Kiper Kwäärö Wuuö Jwøk, eni na Jwøk marø na en teeki jïre, beeye Nyeya man wø bëënni.