Mana Nyooth 10:5 - Wëël Jwøk

⁵ Ni ö nyïïatwiel maal na neena ni tiere ee këël yi naama dwøŋ, ni tiere maya ee këël dï piny wøk, ni tïŋ cer cwïïe maal,

Mana Nyooth 10:5 Iomraidhean Croise

Wïlöölö 14:22

'Ba Abram aköö jï nyeny Cødam, ni «Aano nø kööŋ ŋëët Wuuö Jwøk, Jwøa Dwøŋ ni en Maal, Jwøa en maalli cere ki piny,

Neemiya 9:6

Bee ï keerï na Wuuö Jwøk. Ni bee ï na cwääc maal, këël maal kuya, ki gïïa en yie bëët, ni bee ï na cwääc piny ki gïïa en yie bëët, ni bee ï na cwääc näpa døøŋŋø ki gïïa en yïthge bëët, ni bee ï ni wø cïp kwøw jï gïïa kwøw bëët, ni ö gïïa en maalli ni wøørge ïïni.

Bwøth Wøk 20:11

Kiper Wuuö Jwøk maal ki piny ki näm ki gïïa en yïthge bëët acwääe ki nïne abïciel, ni jwöm ree ri bïriet nïne. Kiper manøgønø, Wuuö Jwøk cäŋ jwömö agwïëdhe ni tïïc gø na cäŋ mo ena kur keere.

Bwøth Wøk 6:8

Ni kïtha uuni yi ŋöömma kööŋa kipere nee cïba jï Eeberam ki Aydhak ki Jeekap, ni cïba gø jïïu ni tïme na maru. Beeye aani na Wuuö Jwøk.› »

Edhikiel 20:15

Ni cäŋa kööŋ thuwø dï paap, nee ge ba kïtha yi ŋöömma cïba jïge, ni beeye ŋöömma näk caak ki maar kïc päl yie, na näk beerra eni døc ki ŋøøm møga bëët.

Edhikiel 20:23

'Ba aana cäŋ kööŋ thuwø dï paap ki man keetha geni dï wïth juurre ki yïth mïëri,

Edhikiel 20:28

Kanya kïtha ge yi ŋöömö mana kööŋa kipere ni cïba cïbö jïge, thuuri moa bäyö bëët ki jenni bëët moa no onigïït piny aneenge, ni ö geni ni cïpge ko olämme kaace ge bëët, ni wëëkge aani gootø ko olämme moge. Ni öge thuwø ni wääŋge ki gïï wø jïcge ŋwääi ni met kaace, ni kunyge piny ki kwøŋ na muuce.

Edhikiel 20:42

Køøre nø, ŋäyu ŋääö ni bee aani na Wuuö Jwøk, kanyo duua uuni yi ŋööm Icriel, ni beeye ŋöömma kööŋa kipere ni cïba cïbö jï kwäyu.

Edhikiel 20:5

ni caanï gø jïge ni man beeye luumma caan Kwäärö Wuuö Jwøki, ena köö, ni ‹Dïcäŋa jiera Icriel aana kööŋ jï nyïïkwaac Jeekap ni nyoodha raa jïge Ijep, ni kööa jïge, ni «Aani, aana Wuuö Jwøk, Jwøk maru.»

Edhikiel 36:7

Kiper manøgønø, man beeye luumma caan Kwäärö Wuuö Jwøki, ena köö, ni ‹Aana kööŋ døc ni wïth juurre moø ni en deŋŋu yøø ki dëëtge geno bëëdö ni ge cooyø ka ajaany.

Edhikiel 47:14

'Ba ŋøøm wäru pääŋŋu ni dïët jïge bëët. Kiper aano nø kööŋ ki man cïba ŋöömö manøgø jï kwäyu. Ŋöömö manøgø dööŋ jïïu na maru.

Daniel 12:7

Køøre ŋata näk oruyö ka abïï ma lïïna na en bäät pïï yi naam, ceŋŋe karge riet athaaŋ maal. Ni wïnynya dwøre ni kööŋŋa ri Jwøa kwøw ni wø bëëdö na bäre bäre, ni kööe, ni «Beeye cwiiri adäk ki thääŋö. 'Ba kanyo ö bäät jic Jwøk no nigelway, beeye kanyo ö gïïögø noo ŋuutge.»

Moa Tïïc Nyïïatwieli 14:15

ni «?Jaay, aŋø ni tïïyu gïnögø? Waani, waana jiy thuwø mo caala uuni, ni wa käla luumma nyään na met jïïu, kiper nee gïïö no oballe yøø nee weyu, ni løøu dëëtu baŋ Jwøa kwøw na cwääc maal ki piny, ki näm ki jammi bëët moø ni en yïthge yøø.

Moa Tïïc Nyïïatwieli 17:23

Kiper kanya caadha dïïu ni neena lam maru, kar jëëdhi mør ajooda ki luubö mo ogöörö na ennønø dëëre, ni ‹Jï jwøk mo kuc.› Kiper manøgønø, gïna lammu ni kuyu beeye ni køba jïïu en.

Wëëlö Mana Göör Pøølli Baŋ Jø Röm 1:20

Kiper ki kanya cwääc piny këël kawaane, mo Jwøk na näk ba neen dhaanhe ki waŋe anëënö ni beyø ri gïïa näk ee cwääö, ni beeye teek mare na näk ba cuŋ, ki bëëtö mare ni ena Jwøk. Kiper manøgø nø, røkge ba maarge piem.

Tiet Ciik 32:40

Ka adïëri møn ceŋŋa ŋaaba maal, ni kööŋŋa ŋëëta keera, ni caana mara ni kööa,

Ibaru 6:13

'Ba kanya ö Jwøki na buŋ Eeberam, ena kööŋ ri dëëre keere, kiper mana tïme ni bäŋ ŋat mo dwøŋŋa eni ki eni, mana dee kööŋ ri gø,

Mana Nyooth 1:18

Ni beeye aani ni kwøw. Kiper aana thøw møn, 'ba kawaane aana cäŋ kwøwø, këël na bäre bäre. Ni muktääe mo thøø ki kar bëët jwïëc jøøa näk othøw ena cera.

Mana Nyooth 10:2

Ni cere da wëëlö mo thiinh mo ojabø. Ni ööe ni këël tier cwïïe yi naama dwøŋ, ni këël tier caame dï piny wøk.

Mana Nyooth 14:7

Ni cäänne ki dwøl mo päl, ni «Lwäärru Jwøk ni jiemmu gø, kiper kany ŋøl luup yie apïï. Wøørru eni, eni na cwääc maal ki piny ki näpa døøŋŋø, ki kwöra tuul pïïyi ki yïthge.»

Mana Nyooth 16:17

Ni ö bïriet nyïïatwiet maalli ni køny kuura mare yi jamø jaak, ni ö dwølli mo päl ni wïnye ki bäät wälu ni ööi ka yi Øt Jwøk Mana Dwøŋ, ni kööe, na «Aløny nø.»

Mana Nyooth 4:11

ni «Ïïno rømø ka ajiem, ki wödö, ki teek, ï na Kwääywa ni nägï Jwøk marwa. Kiper beeye ïïni na cwääc jammi bëët, ni beeye ki køør mana manynyï na cwääï geni ni bëëtge ni ge nut ii.»

Mana Nyooth 4:9

'Ba kany wø ö gïïo ni kwøw yøø wø jiemge eni na näk opï bäät wälu, ni wøørge eni ni dwøkge met ec baŋe, eni ni wø bëëdö ni kwøw këël na bäre bäre,