Mana Nyooth 10:4 - Wëël Jwøk

⁴ 'Ba määc køth moø na abïriiø yøø na määrge, ni marge cäänö, aana tïmö naa manynya göör. 'Ba dwøl mør awïnynya mo ööi ki maal ni kööe, ni «Mwön gïïa køp määc køthi karge bïriet, ni ba göörï ge.»

Mana Nyooth 10:4 Iomraidhean Croise

Aydheea 29:11

Ni tïm luupi bëët mo wø nyooth ki yi wïc ni caala luup mo ena yi wëëlö mo dhee omwönö; këël wëëllögø doo wëëga ŋat mo ŋäc kwäänö ni købi jïre, ni «Kwaan gïn,» eno köö, ni «Ba løny kwaan jïra, kiper omwönö.»

Aydheea 8:1

Køøre Wuuö Jwøk aköö jïra, ni «Lwötï ko opäm mo dwøŋ ni göörï luummi yie ni nyeŋge døøŋŋø, ni ‹Kar mak jiy ki tøŋ acäännö; kar twëër jammi arwänhnhö.›

Aydheea 8:16

'Ba ïïni, wëëk luup 'moa kan cwïny bääga, ni dëëdï ge cwïnyge nee gwøkge.»

Daniel 12:4

'Ba ï na Daniel en, cïëk luup moa en yi wëëlö ni mwönï gø, këël kanyo tïme na aŋuun nïne. Jiy mo thööth oreŋ kun ki kun ni ge meeta kwänynyö.»

Daniel 12:9

Ni løk gø, ni «Daniel, aayï ki jöörï. Kiper luup moøgø ocïëgö no omwönö këël kanyo tïme na aŋuun nïne.

Daniel 8:26

«Gïna nyooth manøgø na cäänö kiper olämme mo wø cïp ka abøøye ka amöölle na tiere nyooth jïrï beeye adïëri. 'Ba gïna nyooth manøgø wär kan cwïnyï, kiper cäänö kaper nïne mo poot ena yi nyïm kuya.»

Tiet Ciik 29:29

«Da luup mo tietge okanø mo ŋäya Wuuö Jwøki keere, 'ba luup bëët mo ciik moi na näk tietge ee nyuth øøni ko obwöre 'moø beege 'moø na bäre bäre, kiper nøø bëëdö ni ø gwøga ge.

Mana Nyooth 1:11

ni cäänö, ni «Göör gïn ni neetï en yi wëëlö, ni jääŋŋï gø baŋ acook Jwøk karge bïriedi, ni beeye yi Epeca, ki Camerna, ki Pergamum, ki Thayatira, ki Carda, ki Piladelpia, ki Leeyödicia.»

Mana Nyooth 1:19

'Ba kawaane gïïa neenï, ki gïï ni nut ii, këël moo tägi cään, göör piny.

Mana Nyooth 10:8

Kanyøgø dwøl mana kwøŋa wïnynyö na öö ki maal acäŋ cäännö ki aani ni kööe, ni «Ciï ni lwørï wëëlö mana no ojabø enøce cer nyïïatwiel maal manø ni tiere aciel en yi naam enø, ni tiere maya ena wøk dï piny.»

Mana Nyooth 22:10

Ni kööe jïra, ni «Kär niï mwöna luupögø ni en yi wëëlli en ni køp gïï mo poot ena nyïm. Kiper kanya wäŋŋi kare acäännö.