Mana Nyooth 1:9 - Wëël Jwøk

⁹ Aana cöögu ma Jøøn na dwätö ki uuni ki nyeŋ Jecu ki ri jwør gïï mo leth, ki ri bura, ki ri mak cwïny ni teek. Aani, aana kïth ya acuulla cwøl ni Patma kiper mana køba luum Jwøk ki gïr luum adïëri mana caan Jecu.

Mana Nyooth 1:9 Iomraidhean Croise

Mathiew 20:23

'Ba Jecu aköö jïge, na «Athöönhnha omaathu møn. 'Ba pïïn bäät cwïïa wala bäät caama, cïpe ba en jïra, 'ba cïpe ena jï Wära, ni cïbe jï jøøa jiiŋ gø kiperge.»

Maak 10:39

Ni köge jïgø, ni «Løny jïwa.» 'Ba Jecu aköö jïge, na «Athöönhnho maadha, omaathu møn, ni lwøk dëël mano lwøk aani ki gø, uuno lwøk ki gø.

Jøøn 16:33

Man en a caana jïïu, nee bëët-mëër nee jootu baŋa. Uuni, gïï mo leth ojwørru yi pinyi en. 'Ba magu cwïnynyu, kiper piny yaa nø böötö.»

Moa Tïïc Nyïïatwieli 1:15

'Ba yïth nïrögø Piter ree athïïŋe dï nyïïmëëe moa näk bääk Jecu. 'Ba acooŋa bäre jïtö ki kar jiy ma dïpa aciel ki pïërariiø. Ni kö Piterri jïge,

Moa Tïïc Nyïïatwieli 14:22

ni ge cøømma cwïny bääŋi, ni köömge geni døøc ki man putge bëëtö ri ŋäädhe. Ni ge cara gø, ni «Ki yïth gïï mo leth mo thööth moo jwørø beeye noo dønynyø buc Jwøk.»

Wëëlö Mana Göör Pøølli Baŋ Jø Röm 8:17

'Ba ni näk øøna nyïïe nø, øøna lwiidhi, na lwiidhi mo Jwøk, ni øøna lwiidhi ki Krictø na aciel, ni näk mo ø jwøra gïï mo leth ki eni na aciel, kiper nøø jiem ki eni na aciel thuwø.

Wëëlö Mana Göör Pøølli Baŋ Jø Röm 8:25

'Ba ni näk mo ø ŋäätha gïn mo kärø neenø, ø koora gø ni cwïnynyø yøø cïp piny.

2 Körin 1:7

'Ba ŋäädhe marwa kiperu kär dak. Kiper ŋäcwa ni keda man bëëdu en nou nywaaga gïï wø leth ni wø jwørwa, cwïnynyu ocøm thuwø ki teeŋ cøm cwïny marwa.

Pilipay 1:7

Wøp jïra ki mana caara gïnögø kiperu bëët. Kiper gïru ena cwïnya u bëët, kaawat mana dwätu ki aani ri met yi Jwøk, këël ki yi twöc mara, ki piem luumma nyään na met nee cuŋŋe ni teek.

Pilipay 4:14

'Ba uuna tïïö ki gïn mo beer jïra, na kønynyu aani ki gïna leth na pïï dëëra.

2 Thecalönika 3:5

'Ba Wuuö cwïnynyu oløø baŋ mëër mar Jwøk, ni bëëdu nou teek kaamar Krictø.

2 Timöthi 1:8

'Ba kär wïïï lääö nø, ki man nyoothï riï kiper Kwääyø, wala kipera, a na tööny eni. 'Ba lwør kurï ri gïïö ni leth yøø, kiper luumma nyään na met, ki køør teek man wø cïp Jwøki jïrï,

Ibaru 10:36

Kiper manynya man magu cwïnynyu, nee mana many Jwøki tïïyu ni ci buuki jïïu.

1 Piter 5:1

Kiper manøgønø, a köömma jaak acooŋ Jwøk ni en dïïu, ni näga jaa thuwø, na ŋata neen gïïa leth na jwør Krictø, naa nywaaga ajiem mano nyooth.

Mana Nyooth 1:1

Wëëlö man caana luup gïna nyooth Jecu Krictø, na wëëk Jwøki eni, nee gïïo laar tägö nee nyoodhe jï laage. Ni nyoodhe ka dhi nyïïatwiel maal mare na jääŋŋe baŋ laŋŋe ma Jøøn,

Mana Nyooth 1:2

ŋata køp gïr luum Jwøk ki gïr luum adïëri mana caan Jecu Krictø, këël gïr gïïa neene bëët.

Mana Nyooth 1:4

Aana Jøøn ni määth acook Jwøk karge bïriedi, ni en yi Eecia. Met ec bëëde bäätu ki bëët-mëër man wø ööi ki baŋ ŋat nut en, na nut cøøn, ni beeye noo ööi, ki baŋ jwïëy karge bïriedi ni wø en nyïm wälle,

Mana Nyooth 1:6

ni tïïc øøni ni øøna jø bura, na dïlämme jï Jwøe na näk Wänni. Enøgønø.

Mana Nyooth 11:7

'Ba noo nø thöörge gïrge na køpge, Lään wø ö wøk ki yi buura näk bäye bäŋ cuŋŋe, okëëdi ki geni ni bööt geni, ni 'näk geni,

Mana Nyooth 12:11

'Ba ena böötge ki køør rem Nyidiel ki luum Jwøk na køpge, ni per jwïëcge ba leth jïge, këël doo cööpa ri thøø.

Mana Nyooth 12:17

Kanyøgø thwörögø awëër ki dhaagø, ni ci kuna këëde ki nyïïkwaac dhaaŋŋøgø møga, jø wø gwøk gïïa cem Jwøki, ni wø køp gïr Jecu.

Mana Nyooth 13:10

Ni näk da ŋat mo dëëre da weny peec ri leny, eni put ka peec. 'Ba ni näk da ŋat mo dëëre da weny thøw opëëllö, eni di nääö ko opëëllö. Man nø, manynya jïëny gïï mo leth ki ŋäädhe mar jø Jwøk.

Mana Nyooth 14:12

Manøgø nø, manynya jïëny gïï mo leth mar jø Jwøk, jø wø gwøk gïïa cem Jwøki, ni ŋäädhe marge na en ri Jecu ege maa ni teek.

Mana Nyooth 19:10

Kanyøgøøni aana päth tiete nee wøøra. 'Ba ena köö jïra, ni «Gïnögø kär tïïyï, kiper aana laŋŋø ki ïïni na aciel ki nyïïmeru, ni beege jø wø en gïr Jecu cwïnyge. Wøør Jwøk.» Kiper gïr Jecu wø køp beeye luup wø køp nyïïkuk Jwøki thuwø.

Mana Nyooth 20:4

Kanyøgø wäle møøk ajooda, ni jøøa näk owëëk ŋøl luup opï bäätge. Ni jooda jwïëc jøøa wïthge ŋul wøk thuwø kiper gïr Jecu na køpge, ki gïr luum Jwøk, jøøa näk Lääy manøgø kärge wøørø, wala gïna näk ocwääö na caal kïte, na näk kär jïtö ki ŋïï täärnyïmge wala ceŋge. Geni, gena cäŋ kwøwø, ni bëën geni ki Krictø na aciel ki cwiiri ma kuma.

Mana Nyooth 3:10

'Ba kiper mana gwøgï luumma na bëëdï ni cwïnyï iï maa, ïïno gwøa kanyo ö gïïa lethi no öge bäät piny bäre kuna päänyge jøøi ni bëëdö bäät piny en.

Mana Nyooth 6:9

'Ba na ö Nyidiel na jap bïï möönne, jwïëc jøøa 'näk kiper luum Jwøk ki luum Jecu na køpge, ajooda tier gïn wø cïp olämme bääte.

Mana Nyooth 7:14

Ni dwøga gø jïre, ni «Ŋäyï, kwäärö.» Ni duu gø jïra, ni «Jøøgø beege jøøa ö wøk ki yi gïna leth døc na wäŋŋi. Abïïkge apenyge ni tïïcge ge ni tar ki rem Nyidiel.