Mana Nyooth 1:7 - Wëël Jwøk

⁷ Neennu! Eni öö ki yïth pøøl, ni ö nyeŋŋi bëët ni neenge eni, ki jiy bëët moa mooc dëëre ki ŋwiili. Ni ö jø pinynyi bëët ni kïmge ki gïre. Ni beeye kare, na enønø.

Mana Nyooth 1:7 Iomraidhean Croise

Jööp 33:26

Ni läme jï Jwøk, ni ö Jwøki ni jïëc mare, ni neen täärnyïm Jwøk ni put kwöŋŋö ki met ec, kiper mana dwøgi ya Jwøki kare ri bëëtö mare mana tiir dïkwøŋ.

Aydheea 19:1

'Ba luumma nyooth Wuuö Jwøki kiper jø Ijep beeye en: Ka adïëri møn, Wuuö Jwøk öö ni ena bäät pöölö mo rïïŋö døc, ni ööa Ijep. Ni ö kït gïï wø lam mo jø Ijep ni put dëëtge tïmö ni kwanynyi nyïme, ni ö cwïny jø Ijepi ni bwøkge ki gø.

Daniel 7:13

«Kanya bëëda ki wäär naa poot raŋŋa gïïa nyooth jïra ki yi wïïa, aana nëënnö ki ŋat mo caala Wär Dhaanhø mo öö ki yïth pøøl mo maal, ni ö baŋe, Eni Na Nut Yïth Nïr Acääŋŋe, ni wëëgi ciin nyïme.

Neeyam 1:3

Wuuö Jwøk ba laar wëër, ni eni teek mare dwøŋ; 'ba Wuuö Jwøk jø raay ba wiie ni ba jääle. Kany wø cäädhe, piny puta jïtö ka apwøyaweerø ka atuunna, ni tïm pøølli na tør mar tiete.

Dhekaraya 12:10

«Dïcäŋöca, aani, jwïëc met ec ki jwïëc lam kønynya bäät dhi øt Deebit ki bäät jø wø bëëdö Jerucalem. Kanyøgønø geno tïmö ni ge neeta ŋata cwøpge ki tøŋ, ni kïmge kiper gø kaawat man wø kïm dhaanhe bäät nyaare aciel keere mo othøw, ni jwöŋge kiper gø ni yïthge ege keeyø døc kaawat man wø jwöŋ dhaanhe bäät wääde ma kanynye mo othøw.

Dhekaraya 12:11

Dïcäŋöca oduuru mano en Jerucalem otïmö ni dwøŋ døc ni caala oduuc jø Adat-Rimmön mana jwøkge pwöl paana cwøl ni Megidø.

Kwään Jiy 24:17

«Ŋato ööi anø jooda, 'ba öönynye patha ennø; ni eni nëënö jïra, 'ba kare ba cään. Nyeya othïïŋ ri jø Icriel, ni caala cëërö mo pøn ri jic Jeekap; ni ö eni ni gøøc jø Möap ki kare bäre, ni dïïr wïthge, ge na näk jø okiera.

Mathiew 16:27

Kiper Wär Dhaanhø öö ki nyïïatwiet maal moe ka ajiem wänni. Kanyøgønø, jiy bëët ocunne ki køør gïïa tïïcge.

Mathiew 16:28

Adïëri møn, acaana gø jïïu, ni da jø møøk mo cuŋŋö kany en, mo thøø ba jootge, ni Wär Dhaanhø poot kärge neenø ni öö ki bura mare.»

Mathiew 24:30

Kanyøgønø, ŋïï mar Wär Dhaanhø onëëni maalø, ni ö jø pinynyi bëët ni kïmge, ni ö geni ni neenge Wär Dhaanhø ni öö ki bäät pøøl mo maal ni jïre da teek ka ajiem mo dwøŋ.

Mathiew 25:31

«'Ba kanyo ö Wär Dhaanhø ka ajiem mare ki nyïïatwiet maal bëët na aciel, kanyøca eno pï piny ni ena nyeya bäät wäl ajiem mare.

Mathiew 26:64

Ni dwøgi ya Jecu jïre, na «Acaanï na kare. 'Ba a cäänna uuni, ni køør man en, Wär Dhaanhø oneennu no opï bäät cer cwïï Jwøk na en teeki jïre, ni ööi ka bäät pøøl mo maal.»

Maak 13:26

'Ba kanyøgø nø, Wär Dhaanhø ojoot jiyi ni öö ki yïth pøøl ki teek mo dwøŋ ka ajiem.

Maak 14:62

Ni kö Jecu, ni «Beeye aani. 'Ba Wär Dhaanhø oneennu no opï bäät cer cwïï Jwøk na en teeki jïre, ni eni öö ki yïth pøøt maal.»

Luk 21:27

'Ba kanyøgønø, Wär Dhaanhø ojootge ni öö ki yi pöölö, ki teek ka ajiem mo dwøŋ.

Jøøn 19:34

'Ba dhaanhø aciel dëët jø tøŋ tier-buut Jecu acwøbe ki tøŋ, ni put remø ki pïï ö wøk.

Jøøn 19:37

'Ba ocäŋ caannø yi wëëlö maya, ni «Dëër ŋata cwøpge, oneenge.»

1 Thecalönika 1:10

nou koora duun Wääde ma Jecu ki maal, ŋata tïŋ maal ki yi thøø, ni beeye ŋato piem øøni ki wëër mano ööi.

1 Thecalönika 4:17

Køøre, ø noo dööŋ ni ø poot kwøw, øøno tïŋ maal ki geni na aciel yïth pøøl, nee ø røømmø ki Kwäärö yi jamø. Kanyøgø nø, øøno en buut Kwäärö cooth.

Ibaru 10:29

?'Ba a teeŋ rääc ajäla mo nyïëdi nø, na caarru noo rømi ki ŋat mo O Jwøk ee raanynyø, ni käre rem luumma tuut wøørø, mana tïïc eni ni ena kur keere, ni jøøŋ Jwïëc Jwøk ni wø cïp met ec?

1 Jøøn 3:2

Omëëya, øøna nyïï Jwøk ennø. 'Ba kïdö mano bëëdø ki gø poot ba nëëni. 'Ba ŋääø ni kanyo ööe ø tïmö kaamare. Kiper eno neenø keda man wø bëëde.

Juut 1:14

Ni poot na jøøgø thuwø na gïïge køp Inøki, ŋata en ri bïriet beenhnhe moa nywøl køør Adam, na kööe, ni «Neennu, Kwäärö aöö ki nyïïatwiet maal moe na en kur keerge na näk kume mo thööth døc,

Mana Nyooth 22:20

'Ba ŋata køp gïï aköö, na «A laara öö møn.» Enøgønø. Wui Kwäärö Jecu, wärï ööï.

Mana Nyooth 22:4

Geni täärnyïme oneenge, ni ö nyeŋŋe ni en täärnyïmge.

Pïëmme 5:31

«Wui Wuuö Jwøk, beerra man ö nyïïmännï ni thøwge bëët kaawat mana thøw Cicara ki jø leny moe; 'ba jøøa mëër ki ïïni, beerra man tïmge ni caala cäŋ kany wø tuule ki teek mare.» Køøre piny aput nikwöc ni bäŋ lenye ki cwiiri ma pïëraŋween.