Mana Nyooth 1:5 - Wëël Jwøk

⁵ ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 1:5 Iomraidhean Croise

Pwöc Leec Wïc 14:5

Ŋat wø lam luubö na adïëri bäŋ wø cäänö ki tööt, 'ba ŋat wø kat luup wø cara tööt.

Aydheea 55:4

Ka adïëri møn, ŋatøgø atïïa na ŋat ŋäc tiet jammi 'moa, ni wø caan gø jï jiy, ni tïïa eni na bwödhi na ŋat kööm jiy.

Daniel 2:2

Køøre nyeya acïpö ki dwøl na ajuuk, ki jøøa nyeŋge reegø, ki jø wø thöödhö ki war, ka ajuuk mo jø Kaldia cwøl ki man caange tier lääk mar nyeya jïre. 'Ba kanya öge na cuŋge nyïm nyeya,

Daniel 7:14

Ni cïp teek jïre ka ajiem ki nyec kiper nee wïth jiy bëët ki wïth juurre, ki wïth dhøgi bëët tïmge ni tïnynya eni. Teek mare mar käär jiy beeye teek mo bëëdö na bäre bäre, mo bäŋ cuŋŋe, ni buc nyec mare ba ränynyi.

Ciik Kiper Dïlämme 13:58

'Ba abïï dëël wala gïna näk ocwääö, wala gïrpiny jaak mo tïïc ka pïën, ni beeye gïna ö puunnö wøk dëëre kanya penyi, wär cäŋ nwøyø ki peny. Køøre eni dööŋ ni waany.»

Dhekaraya 13:1

Wuuö Jwøk aköö, ni «Noo tïme na dïcäŋöca jøøro ojap jï dhi øt Deebit ki jø wø bëëdö Jerucalem kiper nee raay moge pïny wøk ni tïïc ge ni waany.»

Mathiew 20:28

kaawat man bëët Wär Dhaanhø en ni kär öö nee tïnynyi, 'ba eni ööi kaper nee jø møøk tïnynye, ni cïpa jwïëye na wïïdi kiper jiy mo thööth.»

Mathiew 28:18

Ni ö Jecu baŋge ni kööe jïge, ni «Teek mar maal bäre ki mar piny bäre anø wëëk aani.

Jøøn 13:1

'Ba kanya cään kar ajwöm-cam Cäŋa Pööth Thøøe Yie, aŋäc Jecu ni kanyo aae pinyi en noo ci baŋ Wuuö kare acäännö. Ni eni mëër ki jiye na en piny, ni bëëdö ni mëër ki geni këël aŋuun kwøw mare.

Jøøn 13:34

'Ba a wëëga uuni ciik mo nyään, ni mëërru ki røgu, keda mana mëëra ki uuni, kiper nou tïmu nou mëër ki røgu thuwø.

Jøøn 15:9

Kaawat mana mëër Wuue ki aani, beeye na mëëra ki uuni. Bëëdu ni mëëya ena bäätu.

Jøøn 18:37

Ni kö Paylati jïre, «?Aŋø, ïïna nyeya nø?» Ni løgi ya Jecu jïre, na «Acaanï na kare ni aana nyeya. Ni beeye na nywöl a kipere, ni beeye gïna ööa piny kipere, naa køpa gïr adïëri. 'Ba jiy bëët mo wø en ra adïëri, dwøra wø leŋge leŋø.»

Jøøn 3:11

Adïëri møn a caana gø jïrï, wa caana gïn mo ŋäcwa, ni wa køpa mana neenwa. 'Ba u kär jïëy ki luumwa.

Jøøn 3:16

«Kiper Jwøk mëër ki jø piny døc, ni beeye na cïp Wääde ma aciel, kiper nee ŋato wäro jïëy ki eni ni ŋääth gø nee kwøe ki kwøw mana näk adïëri mo bäŋ cuŋŋe, nee ba ränynye.

Jøøn 3:32

Ni eni wø køpa gïna neene na wïnynye, 'ba bäŋ ŋat mo ojïëy ki gïn wø købe.

Moa Tïïc Nyïïatwieli 20:28

'Ba kawaane gwøgu rou, ni gwøgu pïïth bäre, pïïdha cïp Jwïëc Jwøki na en kur keere ceŋŋu ni uuna dïkuye, na acooŋ Jwøk na joode ki køør remme caammu.

Moa Tïïc Nyïïatwieli 26:23

ni beeye ni Krictø gïï mo leth jwøre jwørø, 'ba kiper mano tïme ni bee eni noo kwøŋ duu wøk ki yi thøø, eni luum tar købe købø jï jø poge ki juurre bëët.»

Wëëlö Mana Göör Pøølli Baŋ Jø Röm 3:25

ŋata kïth Jwøki nyïm no olämi ki køør remme, na doo jïëö ki køør ŋäädhe. Manøgø atïïc kiper nee ŋøl luup mar Jwøk na näk adïëri nyoodhe, kiper na kwøŋ bëëdö ni cwïnye ee cïp piny ni käre raay moa dïkwøŋ kwaan.

Wëëlö Mana Göör Pøølli Baŋ Jø Röm 8:37

Jïre bäär. 'Ba ki yïth gïïögø bëët teeka øøni ki køør ŋata mëër ki øøni, ni bäŋ gïn mo maarge tïïc.

1 Körin 6:11

'Ba teeŋ bëëtö manøgø beeye bëët jø møøk dïïu na poode. 'Ba uuna lwøk, ni cïp uuni kur keeru, ni uuno jïëö ni maru beer ki nyeŋ Kwäärö ma Jecu Krictø, ki ri Jwïëc Jwøø.

Galeecia 2:20

'Ba aana gur bäät jaadha no odëëdö ki Krictø na aciel. Ni patha aani ni kwøw en, 'ba beeye Krictø ni bëëdö ni kwøw dëëra en. Ni bëëtö man bëëda ki gø kawaane ki dëël man en, a bëëdö ka ri ŋäädhe na en ri O Jwøk, ŋata mëër ki aani, ni cïp ree kipera.

Epeca 2:4

'Ba Jwøk ni wø kunyö døc, këël na bëëdø ni øøno thøw ki køør gïïa dhalø, øøna døøc mo kwøw ki Krictø na aciel ki køør mëër mare na päl na mëëre ki øøni. Kiper beeye met yi Jwøk na piem uuni.

Epeca 5:2

Ni caathu jöör mëër, kaamar Krictø na mëër ki øøni ni cïp dëëre kiperø na jëëdhi mo ŋwääö ni met no olämi man wø 'näk jï Jwøk.

Tiet Ciik 18:2

Ni ge ba doo jïtö ki ŋöömö moo dööŋ jïge dï jø poge. 'Ba beeye Wuuö Jwøk noo dööŋ jïge ni caala ŋöömma doo dööŋ na kurge, kaawat mana caan gø jïge.

Tiet Ciik 23:5

'Ba Wuuö Jwøk na näk Jwøu kär jïëy ki man leŋ gïr Beelam. Wuuö Jwøk na näk Jwøu acïëni mana di u cienø ki gø atïïe na gwïëth kiperu, kiper eni mëër ki uuni.

Tiet Ciik 7:8

'Ba uuna jiere kiper mana mëëre ki uuni jaak, ni eni manynya man gwøk gïna kööŋe ki gø jï kwäyu; ni beeye tiere gø na käl uuni wøk ki teek bade, ni pät uuni yi bëët laŋ, ni käl uuni wøk cer Peerø nyeny Ijep.

Köløcia 1:18

Ni beeye eni na Wïc jï dëël na näk acooŋ Jwøk. Ni beeye eni na nut wïlöölö, ni beeye eni na kwøŋ duu wøk ki yi thøø. Kiper manøgø nø, nee nyeŋŋe tïme ni lïëŋŋa eni dï jammi bëët.

1 Timöthi 6:13

A köömma ïïni nyïm Jwøk, eni ni wø cïp kwøw jï jammi bëët, ki nyïm Krictø Jecu, ŋata käl luubö mare wøk ni beer kanya køp mare nyïm Pøntia Paylat,

1 Timöthi 6:15

'Ba noo tïm kar gïnögø na kare, manøgøøni onyooth Ŋata dwøŋŋa eni keere, na näk ogwïëdhö, eni na näk Nyeny nyeye, ni näk Kwääny kwääri,

Ibaru 10:29

?'Ba a teeŋ rääc ajäla mo nyïëdi nø, na caarru noo rømi ki ŋat mo O Jwøk ee raanynyø, ni käre rem luumma tuut wøørø, mana tïïc eni ni ena kur keere, ni jøøŋ Jwïëc Jwøk ni wø cïp met ec?

Ibaru 9:14

a teeŋ lwøk mo nyïëdi nø noo lwøk øøni ki rem Krictø, ŋata cïp dëëre jï Jwøk ni bäŋ gïn mo jøøŋŋi ree, ni cïbe ka ri Jwïëc Jwøk ni wø bëëdö na bäre bäre, noo døøc cwïnynyø mo waany ni wiiø tïïe mo thøø ni tïnynyø Jwøa kwøw.

1 Piter 1:19

'Ba u wiil ka rem Krictø na näk pere leth, na caal rem nyidiel mo bäŋ kany mo jøøŋŋi dëëre, wala kïdö mo raac.

1 Jøøn 1:7

'Ba ni näk mo ø cäädha yi tar, kaawat mare ni en yi tar, øøno dwätö karøbëët, ni rem Jecu na näk Wääde penya øøni yïth raay bëët.

1 Jøøn 4:10

'Ba mëër beeye en, ni patha øøni na mëër ki Jwøk, 'ba beeye eni na mëër ki øøni ni jääŋ Wääde nee tïme no olämi kiper raay moø.

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

Mana Nyooth 11:3

'Ba aani lïŋŋe 'moa moa na ariiø owëëga teek man køpge dwør Jwøk ki yïth nïne ma kuma aciel ki dïpe ariiø ki pïërabïciel, ni ge käära keece na abïïe.»

Mana Nyooth 17:14

'Ba geno määnynyi baŋ Nyidiel, ni ö geni ni bööti ya Nyidielli, kiper ena Kwääy kwääri, ni ena Nyeny nyeye, ni jøøo en buute, gena jøøa cwøl, na jier, na jiy mo oŋäädhö.»

Mana Nyooth 19:11

Kanyøgø maal aneena ni ŋaam, ni neena okweeny mo tar. 'Ba ŋata en bääte cwøl ni Ŋat mo oŋäädhö ni näk Adïëri. Ni näk mare ŋøl luubö wala tïïya leny, moe beege adïëri.

Mana Nyooth 19:16

'Ba ra abïïne ki ya awaye ogöönnö ki nyeŋ, ni köö, ni «Nyeny nyeye ni näk Kwääc kwääri.»

Mana Nyooth 2:13

«Aani, kany bëëdï yie enø ŋääa, ni beeye kany wø bëët wäl Ceethanni yie. 'Ba nyeŋŋa iï jïëö møn, ni ŋäädhe marï mana ŋääthï aani ki gø kärï mooŋø, këël yïth nïr lïŋi mara ma Antipa ŋata näk yaa ŋäädhö, na 'näk dïïu, kanyø ni bëët Ceethanni yie enø.

Mana Nyooth 3:14

«Ni göötï baŋ nyïïatwiel maal mar acooŋ Jwøk mana en Leeyödicia, ni kööï, ni «Moi beege luup ŋat wø cwøl ni Enøgønø, na näk lïŋi mana näk adïëri ni wø cäänö ka adïëri, ni beeye na ö Jwøki na cwääc jammi ki ree:

Mana Nyooth 7:14

Ni dwøga gø jïre, ni «Ŋäyï, kwäärö.» Ni duu gø jïra, ni «Jøøgø beege jøøa ö wøk ki yi gïna leth døc na wäŋŋi. Abïïkge apenyge ni tïïcge ge ni tar ki rem Nyidiel.