Mana Nyooth 1:4 - Wëël Jwøk

⁴ Aana Jøøn ni määth acook Jwøk karge bïriedi, ni en yi Eecia. Met ec bëëde bäätu ki bëët-mëër man wø ööi ki baŋ ŋat nut en, na nut cøøn, ni beeye noo ööi, ki baŋ jwïëy karge bïriedi ni wø en nyïm wälle,

Mana Nyooth 1:4 Iomraidhean Croise

Bwøth Wøk 3:14

Ni kö Jwøki jï Modhe, ni «Beeye aani ni nut en.» Ni cäŋ köö, ni «Wär caanï jï jø Icriel, ni ‹Jwøa cwøl ni «Aani ni nut en» bee eni na jääŋ aani baŋu.› »

Aydheea 11:2

Ni ö Jwïëc Wuuö Jwøki ni ö bääte, ni bee jwïëyo cïp leec wïc ki ŋäc tiet luup, jwïëyo bwøth dhaanhø ka acaara mo beer ni wø cïpi ki teek, jwïëyo cïp kwänynyö ki lwär ki Wuuö Jwøk.

Aydheea 41:4

?Aŋa na tïïc gïnögø na wëëk gø thur kare, na cwøl beenhnhe ki mana täge dïkwøŋ? Bee aani na Wuuö Jwøk na nut wïlöölö noo nut ya aŋuudi, ni bee aani na eni.

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Mikiya 5:2

'Ba Wuuö Jwøk aköö, ni «Ï na Bethelem na en Eeparata, këël na bëëdï ni thiinhnha ïïni dï mïëc tuuŋ Juuda, ŋato käär jø Icriel othïïŋa kiper tïïc mara, ni eni ööi ki riï; ni öö mare käla ya acääŋŋe cøøn yïth nïra dïkwøŋ.»

Dhekaraya 3:9

Raŋŋu kïdi mø mana näk yaa cïp nyïm Jøcua! Da nyeŋ abïriiø mo raŋ mo ena dëër kïdi manøgø na aciel enø. 'Ba aani, jammi møøk ogööra bääte; ni ööa ni paanya raay bäät jiy moi ni en yi ŋöömö man en ki dïcäŋ aciel.› Manøgø beeye luumma caan Wuuö Jwøki, eni na wïth jammi bëët.»

Dhekaraya 4:10

«?Aŋø, aŋa ni wø taak cäŋ man wø täk tïïc ni thiinh yie? 'Ba jiy yïthge omïnni kanyo jootge gïr røm man wø nyooth tiir mar øtø ni ena cer Dherubabel. «'Ba gïïa na abïriiø beege nyeŋ mo Wuuö Jwøk mo wø bëëdö ni wïdö ni raŋŋa bäät piny bäre.»

Dhekaraya 6:5

'Ba aløk nyïïatwiel maalli jïra, ni «Moøgø beege jwïëy aŋween mo wø en maal, ni ge ö wøk ka kany wø cuŋge yie nyïm Wuuö Jwøk, eni na kwääc bäät piny bäre.

Jøøn 1:1

Wïlöölö Dwøl nutö, ni Dwørøgøøni ena kanya ciel ki Jwøk, ni Dwørøgøøni beeye Jwøk.

Moa Tïïc Nyïïatwieli 19:10

Ni put gïnögø tïïc ki cwiiri ariiø. Kiper manøgønø, luum Wuuö awïnyö jï jø Juuth ki jø Gïrïïk bëët moa en Eecia.

Moa Tïïc Nyïïatwieli 2:9

Jø Parthia, ki jø Miith, ki jø Ilam, ki jø wø bëëdö yi Mecöpatemia, ki Judia, ki Kapadöcia ki Pønta ki Eecia,

Wëëlö Mana Göör Pøølli Baŋ Jø Röm 1:7

Uuni bëët na mëër Jwøki ki u yi Röm, a göönna baŋu, u na no ocwølø nou tïmu na jø Jwøk. Met ec bëëde bäätu ki bëët-mëër man wø ööi ki baŋ Jwøk na näk Wääø, ki Kwäärö ma Jecu Krictø.

1 Körin 1:3

Met ec bëëde bäätu, ki bëët-mëër man wø ööi ki baŋ Jwøk na näk Wääø, ki Kwääyø ma Jecu Krictø.

2 Körin 1:2

Met ec bëëde bäätu, ki bëët-mëër man wø ööi ki baŋ Jwøk na näk Wääø, ki Kwäärö ma Jecu Krictø.

Ibaru 13:8

'Ba Jecu Krictø poot na kare, ya awääre ki dïcäŋi, këël na bäre bäre.

Jeemeth 1:17

'Ba muuce bëët moa näk othur karge wø ööi ki maal ni öge piny ki baŋ Wuuö na näk wää tarri ni wø ba dak, ni ba caal tïpö ni wø dääŋi.

Mana Nyooth 1:1

Wëëlö man caana luup gïna nyooth Jecu Krictø, na wëëk Jwøki eni, nee gïïo laar tägö nee nyoodhe jï laage. Ni nyoodhe ka dhi nyïïatwiel maal mare na jääŋŋe baŋ laŋŋe ma Jøøn,

Mana Nyooth 1:11

ni cäänö, ni «Göör gïn ni neetï en yi wëëlö, ni jääŋŋï gø baŋ acook Jwøk karge bïriedi, ni beeye yi Epeca, ki Camerna, ki Pergamum, ki Thayatira, ki Carda, ki Piladelpia, ki Leeyödicia.»

Mana Nyooth 1:17

'Ba na jooda gøøni, aana päth tiete kede aano thøw. 'Ba cer cwïïe acïp bääta, ni kööe, ni «Kärï lwäyö. Beeye aani na dïkwøŋ, ni näga aŋuudi.

Mana Nyooth 1:20

'Ba luum ceer moa na abïriiø na jootï cer cwïïa, ki lambae moa näk abïriiø na näk warkey, ni beege japa näk tietge okwøŋ kan, tiere beeye en. Ceer moøgø karge bïriet gena nyïïatwiet acook Jwøk karge bïriedi. 'Ba lambae karge bïriet beege acook Jwøk karge bïriedi.»

Mana Nyooth 1:8

Kwäärö Jwøk aköö, ni «Aana Alpa ni näga Omëëga, ŋat nut en, na nut cøøn, ni beeye eni no ööi, ŋata en teeki jïre.»

Mana Nyooth 1:9

Aana cöögu ma Jøøn na dwätö ki uuni ki nyeŋ Jecu ki ri jwør gïï mo leth, ki ri bura, ki ri mak cwïny ni teek. Aani, aana kïth ya acuulla cwøl ni Patma kiper mana køba luum Jwøk ki gïr luum adïëri mana caan Jecu.

Mana Nyooth 16:5

Ni wïnynya dwør nyïïatwiel maal mana en pïïyi cere, ni köö, ni «Marï beer ki yïth gïïögø na ŋølï enø, ïïni ni nut en, ni nudï cøøn, ï na en kur keerï.

Mana Nyooth 2:12

«Ni göötï baŋ nyïïatwiel maal mar acooŋ Jwøk mana en Pergamum, ni kööï, ni «Moi beege luup ŋata näk jïre da opëëllö mo beth mo lage ariiø.

Mana Nyooth 2:18

«Ni göötï baŋ nyïïatwiel maal mar acooŋ Jwøk mana en Thayatira, ni kööï, ni «Moi beege luup O Jwøk, ŋata nyeŋŋe caal maac mo liel, ni tiete caala jwëëlli mo othoodhø.

Mana Nyooth 2:8

«Ni göötï baŋ nyïïatwiel maal mar acooŋ Jwøk mana en Camerna, ni kööï, ni «Moi beege luup ŋata dïkwøŋ ni näk aŋuudi, na thøw ni cäŋ kwøwø.

Mana Nyooth 22:16

«Aana Jecu na jääŋ nyïïatwiel maal mara baŋu ki gïïögø nee køp jï acook Jwøk. Aana lweet Deebit ni näga kunhnhe, na cëëc øw na tar.»

Mana Nyooth 22:8

Aana Jøøn, ŋata wïny gïïögø ni neen geni. 'Ba na wïnynya ge ni neena geni, aana päth tiet nyïïatwiel maal manøgø, ŋata nyooth ge jïra, nee wøøra.

Mana Nyooth 3:1

«Ni göötï baŋ nyïïatwiel maal mar acooŋ Jwøk mana en Carda, ni kööï, ni «Moi beege luup ŋat en Jwïëc Jwøki karge bïriet jïre, ki ceer karge bïriedi: «Aani, tïïe moï ŋääa. Ni nyeŋŋï wïnyö niï kwøw, 'ba ïïno thøw.

Mana Nyooth 3:14

«Ni göötï baŋ nyïïatwiel maal mar acooŋ Jwøk mana en Leeyödicia, ni kööï, ni «Moi beege luup ŋat wø cwøl ni Enøgønø, na näk lïŋi mana näk adïëri ni wø cäänö ka adïëri, ni beeye na ö Jwøki na cwääc jammi ki ree:

Mana Nyooth 3:7

«Ni göötï baŋ nyïïatwiel maal mar acooŋ Jwøk mana en yi Piladelpia, ni kööï, ni «Moi beege luup ŋata en kur keere, na näk adïëri, ni en muktään Deebit cere, ŋat wø jäbö, ni bäŋ ŋat mo dëët gø, ni wø cïëö ni bäŋ ŋat mo jap gø:

Mana Nyooth 4:5

'Ba dëër wällögøøni da agaackøth mo mal, ki dööti, ki køth mo märö. Ni nyïm wällögø da ameethi abïriiø mo liel, na näk beege Jwïëc Jwøk karge bïriedi.

Mana Nyooth 4:8

'Ba gïïo na aŋween ni kwøw yøø ni dëëtge ogääbö ki nyeŋ ki wøk ki yïthge, man nø dëëre da bwöm abïciel. Ni wärre ki cääŋŋe duut ba cöök dhøkge, ni duut man wø wärge beeye en: «Kwäärö Jwøk na en teeki jïre, ena kur keere, ena kur keere, ena kur keere, ŋata nut cøøn, ni nut en, ni beeye eni no ööi.»

Mana Nyooth 5:6

'Ba yïthakic wälu ki gïïa kwøw karge ŋweeni ki dï jaae aana nëënnö ki Nyidiel mo cuŋŋö, mo kede onää, dëëre ki tuŋi abïriiø ki nyeŋ abïriiø na näk Jwïëc Jwøk karge bïriedi mo ojääŋŋö dï piny bäre.

Mana Nyooth 8:2

Køøre nyïïatwiet maal abïriiø mo wø cuŋŋi nyïm Jwøk ajooda. Ni ö tuŋi abïriiø ni mëëgi geni.