Mana Nyooth 1:18 - Wëël Jwøk

¹⁸ Ni beeye aani ni kwøw. Kiper aana thøw møn, 'ba kawaane aana cäŋ kwøwø, këël na bäre bäre. Ni muktääe mo thøø ki kar bëët jwïëc jøøa näk othøw ena cera.

Mana Nyooth 1:18 Iomraidhean Croise

Jööp 19:25

'Ba aani, ŋääa ni pïëmi mara nut ni kwøw, ni noo tïme na aŋuun nïne, eni öö ni cuŋŋe dï piny.

Jööp 38:17

?Aŋø, dhi kal mar kar bëët jwïëc jøøa no othøw anyooth jïrï? ?Aŋø, dhi kal manøgø ni cøl enø anø jootï?

Aydheea 22:22

Køøre aani, kulpïï mar dhi øt Deebit cïba cere, ni tïm teeki ni ena jïre, ni kany wø jap dhøk uudi, bäŋ ŋat mo cïëga ge, ni kany wø cïëk ge bäŋ ŋat mo japa ge.

Mathiew 11:23

?Aŋø, ï na Kapernaam, iï caarø niï doo røønyø maal? Beeye kar ajäla noo leeŋ ïïni yie. Kiper doo naa tïïe moa døøŋŋø na tïïc jïrï, tïïca Cødam, paanøgø doo poodø ni nut këël dïcäŋi en.

Mathiew 16:19

'Ba kulpïïe mo buya käl maal omëëga ïïni. Ni gïn wäro twöyï piny, onø twöc maal, ni gïn wäro jïëyï piny, onø jïëc maal.»

Luk 24:5

Ni putge bwøk, ni kuulge wïthge piny yïth ŋøøm. 'Ba jøøgø aköö jïge, na «?Aŋø ni cayu ŋat mo kwøw dï jøøa no othøw en?

Jøøn 11:25

Ni kö Jecu jïgø, ni «Beeye aani wø tïŋ jiy maal ki yi thøø ni näga kwøw. Ŋat wø jïëy ni ŋääth aani, këël doo thøw, eni doo cäŋa kwøwø.

Jøøn 14:19

Ki kany mo thiinh a ba neen jø pinynyi këët, 'ba aano neennu. 'Ba kiper na kwøa, uuno kwøw thuwø.

Wëëlö Mana Göör Pøølli Baŋ Jø Röm 6:9

Kiper ŋääø ni Krictø na tïŋ maal ki yi thøø ba cäŋ thøwø këët bäre bäre, kiper thøø jïre bäŋ teek bääte këët.

2 Körin 13:4

Kiper ena 'näk bäät jaadha no odëëdö ni jääk, ni cäŋ kwøwø ki køør teek Jwøk. Kaawat manøgø thuwø, waani, wa jägö ki ree, 'ba waano kwøw ki eni ki køør teek Jwøk, nou tïnywa.

Galeecia 2:20

'Ba aana gur bäät jaadha no odëëdö ki Krictø na aciel. Ni patha aani ni kwøw en, 'ba beeye Krictø ni bëëdö ni kwøw dëëra en. Ni bëëtö man bëëda ki gø kawaane ki dëël man en, a bëëdö ka ri ŋäädhe na en ri O Jwøk, ŋata mëër ki aani, ni cïp ree kipera.

Köløcia 3:3

Kiper uuna thøw, ni kwøw maru okanø ki Krictø na aciel baŋ Jwøk.

Ibaru 1:3

ŋata joot ajiem Jwøk dëëre, ni kït Jwøk kiree ena dëëre, ŋata bëën jammi bëët ki dwøre na teek. 'Ba eni, kanya nø wëën ajäl raay, ena pï piny bäät cwïï Kwääya dwøŋ ni en maalø.

Ibaru 12:2

ni ø neeta Jecu, eni na täk ŋäädhe marø ni wø tïïc gø nee thur kare, ni beeye ŋata jïëny thøw bäät jaadha no odëëdö kiper met ec mana en nyïme, na taak laac wïc, ni pï piny buut wäl Jwøk bäät cwïïc.

Ibaru 7:16

ni tïme na kwääy lam ki køør teek kwøwe na ba maar ränynyö, ni paa ki køør man wø caan yïth ciik kiper nyïïkwaac dhaanhø mo ööi ki dëël.

Ibaru 7:25

Kiper manøgønø, løny jïre ki man køny jø wø nyänh buut Jwøk ki køøre na bäre bäre, kiper mana bëëde ni kwøw cooth, ni kwaaya Jwøk kiperge.

Mana Nyooth 10:6

ni kööŋ ŋëët ŋat wø bëëdö ni kwøw këël na bäre bäre, eni na cwääc maal ki piny ki gïïa en yïthge bëët, ki näpa døøŋŋø ki gïïa en yïthge, ni kööe, ni «Doo bäŋ gaalø këët,

Mana Nyooth 15:7

Ni ö acielli dëët gïïa näk aŋween na kwøw ni mooc nyïïatwiet maal moøgø na abïriiø yøø ki kuure abïriiø ma warkey mo päŋ ki wëëc Jwøk, eni ni wø bëëdö ni kwøw këël na bäre bäre.

Mana Nyooth 2:8

«Ni göötï baŋ nyïïatwiel maal mar acooŋ Jwøk mana en Camerna, ni kööï, ni «Moi beege luup ŋata dïkwøŋ ni näk aŋuudi, na thøw ni cäŋ kwøwø.

Mana Nyooth 20:13

Ni ö naama dwøŋ ni cïp jiy moa no othøw yie, ni ö thøøe ki kar bëët jwïëc jøøa näk othøw ni cïpge moa en yïthge, ni ŋøl luupge bëët ki køør tïïe moge.

Mana Nyooth 20:14

Kanyøgø thøø ki kar bëët jwïëc jøøa näk othøw aleeŋ yi naama liel ki maac. Manøgø beeye thøø mano en cään, mar naamo liel ki maac.

Mana Nyooth 3:7

«Ni göötï baŋ nyïïatwiel maal mar acooŋ Jwøk mana en yi Piladelpia, ni kööï, ni «Moi beege luup ŋata en kur keere, na näk adïëri, ni en muktään Deebit cere, ŋat wø jäbö, ni bäŋ ŋat mo dëët gø, ni wø cïëö ni bäŋ ŋat mo jap gø:

Mana Nyooth 4:9

'Ba kany wø ö gïïo ni kwøw yøø wø jiemge eni na näk opï bäät wälu, ni wøørge eni ni dwøkge met ec baŋe, eni ni wø bëëdö ni kwøw këël na bäre bäre,

Mana Nyooth 5:14

Ni kö gïïa kwøw karge ŋweeni, ni «Enøgønø.» Ni ö jaae ni leeŋge rege piny ni wøørge Jwøk ki Nyidiel.

Mana Nyooth 6:8

Ni nëënna, ni jooda okweeny mør mo obwörö, mo bääte da ŋat mo nyeŋŋe Thøø, ni kar bëët jwïëc jøøa näk othøw cäädha køøre. Ni geno wëëk teek bäät ŋweer thääŋö mar piny, nee 'näkge ko opëëllö, ki meel, ki ŋwiili, ni wëëk geni 'näk dhøk cwëënyi mo owär.

Mana Nyooth 9:1

Ni ö bïï nyïïatwiet maalli ni kooth tuuŋ mare, ni jooda cëërö mør mo opänh piny ki maal. Ni muktää mar buura näk bäye bäŋ cuŋŋe omëëk eni.

1 Camiel 2:6

Wuuö Jwøk beeye wø wëëk dhaanhø thøø, ni beeye wø wëëk dhaanhø kwøw; beeye eni ni wø kïth dhaanhø kanya näk kar bëët jwïëc jøøa no othøw, ni beeye wø tïŋ dhaanhø maal.