Mana Nyooth 1:15 - Wëël Jwøk

¹⁵ Ni tiete caala jwëëlli mo othoodhø, ni ŋwaŋŋi kee poot ena yi maac. Ni dwøre caala lwör mar pïï mo thööth.

Mana Nyooth 1:15 Iomraidhean Croise

Aydheea 17:13

Wïth juurre döötge märö kaamar lwör mar pïï mo thööth; 'ba kanyo ö Wuuö Jwøki noo jook geni, ge puta bwøk ni reŋge kany mo bäär. Ni put ge riemmø ni køøl ge kaamar luum mo ena bäät kïte kanyo køøli ya jamø, wala tør kanyo køøli ya apwøyaweerø.

Edhikiel 1:24

'Ba gïïö ni kwøw yøø kanya määtge, dööt bwöm moge awïnynya ni lwör kaamar naam mo pänhnhö, ni caala dwør Wuuö Jwøk, eni na en teeki jïre, ni wïnyi kaamar dööt jø leny. 'Ba kany wø cuŋge, bwöpge dwøkge piny.

Edhikiel 1:7

Ni tietge bëëdö ni thïïŋ, ni cääthe mo tietge otïïö kaamar cääthe mo tiet nyirøøa, ni ge bëëdö ni paŋŋi kaamar nywïënyö ma jwïël mo othoodhø.

Edhikiel 40:3

Køøre eni aana kïth kaagø, ni jïta ki dhaanhø mo dëëre nëëni kaamar nywïënyö ma jwïël. 'Ba ŋatøgø cuŋŋö dhi kal ni cere da thøør røm mo tïïc ka waac lïïna, ka athøra mar røm.

Edhikiel 43:2

ni puta ajiem Jwø Icriel neen ni öö ki jï løø kur tuul-cäŋ. 'Ba dwøl mare lwör kaamar pïï mo thööth, ni wëëk piny rieny ka ajiem mare.

Daniel 10:6

Eni dëëre bëëdö ni paŋŋi, ni täärnyïme nëëni kaamar agaackøth, ni nyeŋŋe caala ameethi mo liel, ni bäädi moe ko otweege, paŋŋi kaamar jwïël mo othoodhø, ni ni luube, dwøre caala dïlweel mar jiy mo thööth.

Mana Nyooth 10:1

Kanyøgø nyïïatwiel maal mør mo teek ajooda ni ööa piny ki maal, no oboony pöölö, ni wïïe da daanø, ni täärnyïme caala cäŋ, ni tiete caala jøøde mo liel ki maac.

Mana Nyooth 14:2

Ni wïnynya dwøl mør mo ööi ki maal mo caala lwöc pïï mo thööth, ni caala dwør køth mo määr døc. 'Ba dwønøgø na wïnynya gø atïmö ni keda dööt thøme mo pwöta jiyi.

Mana Nyooth 19:6

Kanyøgø dwøl mør awïnynya mo keda dwør lwaak mo päl, ni caala lwöc pïï mo thööth, ni caala dwør køth mo märö døc, ni köö, ni «Alëluya! Kiper Kwäärö Wuuö Jwøk, eni na Jwøk marø na en teeki jïre, beeye Nyeya man wø bëënni.

Mana Nyooth 2:18

«Ni göötï baŋ nyïïatwiel maal mar acooŋ Jwøk mana en Thayatira, ni kööï, ni «Moi beege luup O Jwøk, ŋata nyeŋŋe caal maac mo liel, ni tiete caala jwëëlli mo othoodhø.