Mana Nyooth 1:11 - Wëël Jwøk

¹¹ ni cäänö, ni «Göör gïn ni neetï en yi wëëlö, ni jääŋŋï gø baŋ acook Jwøk karge bïriedi, ni beeye yi Epeca, ki Camerna, ki Pergamum, ki Thayatira, ki Carda, ki Piladelpia, ki Leeyödicia.»

Mana Nyooth 1:11 Iomraidhean Croise

Aydheea 30:8

'Ba Wuuö Jwøk aköö jïra, ni «Ciï ni göörï luummögø piny nyïm jø Icriel bäät opäm ni nëënö jïge, ni göörï gø piny yi wëëlö thuwø, nee bëëde ni nut yïth nïne moo ööi, nee tïme na lïŋi na bäre bäre.

Jeremaya 30:2

ni «Luup moa caana jïrï bëët göör piny yi wëëlö;

Abakuk 2:2

'Ba aløk Wuuö Jwøki jïra ni kööe, ni «Gïno nyoodha jïrï en göör piny bäät opäm, ni iï tïïö no onieŋ, ni løny ki man kwaani ŋat mo rïïŋö.

Moa Tïïc Nyïïatwieli 16:14

'Ba dhaanhø aciel dïge mana wïny luumwa beeye nyijø mo nyeŋŋe Lidia, ma nyijø pääny Thayatira, mo wø gädhö ka abïïe ma wøpe, ŋat mo wø bëëdö ni wøøra Jwøk. Eni cwïnye ajap Wuue, ni cek ïthe ki luupa caan Pøølli.

Moa Tïïc Nyïïatwieli 18:24

Kanyøgø da ŋat Juuth mør mo nyeŋŋe Apøla mo oöö ki Alekdhandaria, ni ö yi Epeca. Eni, ena ŋat mo ŋäc cäänö, ni luup moa en yïth weet Jwøk ŋääe døøc,

Moa Tïïc Nyïïatwieli 20:17

'Ba na pïïe Milita ena jääk Epeca, ni eni cwöla jaak acooŋ Jwøk baŋe.

1 Körin 15:32

?Ni näk mo aano këëdö ki lääy yi Epeca kaawat man wø tïïc dhaanhø jaak, a bunna ŋø nø noo jooda? Ni näk jøøa no othøw ba tïŋ maal, «Beerra man cämø ni mädhø jaak, kiper diøø ø thøw.»

1 Körin 16:8

'Ba aano bëëdö yi Epeca këël mano tïme na cäŋ Pentikø,

Epeca 1:1

Aana Pøøl na nyïïatwiel mar Krictø Jecu ki køør mana many Jwøki. A määtha u na jø Jwøk ni wø ŋääth ki ri Krictø Jecu.

Tiet Ciik 31:19

«'Ba ennø, ïïni ki Jøcua, gööru duut man piny, ni pwönynyu jø Icriel ki gø nee kwanyge, kiper nee tïme na duut mo nyootha luumma en yïthakicwa ki jø Icriel kanyo jääla geni.

Köløcia 2:1

'Ba aani, a manynya man ŋäyu gø, ki man näk maa lääŋŋa u døc ki cwïnya bäre, ki jøø ni en Leeyödicia yøø, ki jø møga bëët moa näk a poot kärge joodø.

1 Timöthi 1:3

Dööŋï Epeca kaawat mana caana gø jïrï kanya aa Macedönia, kiper nee jø møøk joogï nee ba pööge ki teeŋ pwöc mør,

Mana Nyooth 1:17

'Ba na jooda gøøni, aana päth tiete kede aano thøw. 'Ba cer cwïïe acïp bääta, ni kööe, ni «Kärï lwäyö. Beeye aani na dïkwøŋ, ni näga aŋuudi.

Mana Nyooth 1:19

'Ba kawaane gïïa neenï, ki gïï ni nut ii, këël moo tägi cään, göör piny.

Mana Nyooth 1:2

ŋata køp gïr luum Jwøk ki gïr luum adïëri mana caan Jecu Krictø, këël gïr gïïa neene bëët.

Mana Nyooth 1:20

'Ba luum ceer moa na abïriiø na jootï cer cwïïa, ki lambae moa näk abïriiø na näk warkey, ni beege japa näk tietge okwøŋ kan, tiere beeye en. Ceer moøgø karge bïriet gena nyïïatwiet acook Jwøk karge bïriedi. 'Ba lambae karge bïriet beege acook Jwøk karge bïriedi.»

Mana Nyooth 1:4

Aana Jøøn ni määth acook Jwøk karge bïriedi, ni en yi Eecia. Met ec bëëde bäätu ki bëët-mëër man wø ööi ki baŋ ŋat nut en, na nut cøøn, ni beeye noo ööi, ki baŋ jwïëy karge bïriedi ni wø en nyïm wälle,

Mana Nyooth 1:8

Kwäärö Jwøk aköö, ni «Aana Alpa ni näga Omëëga, ŋat nut en, na nut cøøn, ni beeye eni no ööi, ŋata en teeki jïre.»

Mana Nyooth 10:4

'Ba määc køth moø na abïriiø yøø na määrge, ni marge cäänö, aana tïmö naa manynya göör. 'Ba dwøl mør awïnynya mo ööi ki maal ni kööe, ni «Mwön gïïa køp määc køthi karge bïriet, ni ba göörï ge.»

Mana Nyooth 14:13

Ni wïnynya dwøl mør mo ööi ki maal, ni kööe, ni «Göör gïn, ‹Køør man ennø gwïëth en jï jø wø thøw ni ge ena ri Wuuö.› » Ni kö Jwïëc Jwøki, ni «Gena gwïëth møn, kiper nee dëëtge jwömge ki öölö marge, kiper tïïe moge cäädhi ka geni na aciel.»

Mana Nyooth 19:9

Ni ö nyïïatwiel maal manøgø ni kööe jïra, «Göör gïn: Gwïëth en jï jøøa cwøl baŋ cam nywöm mar Nyidiel.» Ni kööe jïra, ni «Moi beege luup Jwøk na näk adïëri.»

Mana Nyooth 2:1

«'Ba gööt baŋ nyïïatwiel maal mar acooŋ Jwøk mana en Epeca ni kööï, ni «Moi beege luup ŋata näk cer cwïïe da ceer abïriiø, ni wø cäädhi ki dï lambae abïriiø ni wø en bäät tëëde ma warkey karge bïriet.

Mana Nyooth 2:12

«Ni göötï baŋ nyïïatwiel maal mar acooŋ Jwøk mana en Pergamum, ni kööï, ni «Moi beege luup ŋata näk jïre da opëëllö mo beth mo lage ariiø.

Mana Nyooth 2:18

«Ni göötï baŋ nyïïatwiel maal mar acooŋ Jwøk mana en Thayatira, ni kööï, ni «Moi beege luup O Jwøk, ŋata nyeŋŋe caal maac mo liel, ni tiete caala jwëëlli mo othoodhø.

Mana Nyooth 2:24

'Ba maru, u na jø møga ni en yi Thayatira, u na näk kär jïëy ki pwöc moøgø, na kär kwany gïï wø cwøl jø møøki ni jap Ceethan moa teek, a køpa gø jïïu, ni bäŋ gïn mør mo u ööla öölö ki gø.

Mana Nyooth 2:8

«Ni göötï baŋ nyïïatwiel maal mar acooŋ Jwøk mana en Camerna, ni kööï, ni «Moi beege luup ŋata dïkwøŋ ni näk aŋuudi, na thøw ni cäŋ kwøwø.

Mana Nyooth 21:5

Ni ö ŋata en bäät wälu ni kööe, ni «Ennø, a tïïya jammi bëët ni nyärö.» Ni cäŋ köö, ni «Göör gïn. Kiper luup moi ii beege luup mo oŋäädhö ni näkge adïëri.»

Mana Nyooth 22:10

Ni kööe jïra, ni «Kär niï mwöna luupögø ni en yi wëëlli en ni køp gïï mo poot ena nyïm. Kiper kanya wäŋŋi kare acäännö.

Mana Nyooth 22:16

«Aana Jecu na jääŋ nyïïatwiel maal mara baŋu ki gïïögø nee køp jï acook Jwøk. Aana lweet Deebit ni näga kunhnhe, na cëëc øw na tar.»

Mana Nyooth 3:1

«Ni göötï baŋ nyïïatwiel maal mar acooŋ Jwøk mana en Carda, ni kööï, ni «Moi beege luup ŋat en Jwïëc Jwøki karge bïriet jïre, ki ceer karge bïriedi: «Aani, tïïe moï ŋääa. Ni nyeŋŋï wïnyö niï kwøw, 'ba ïïno thøw.

Mana Nyooth 3:14

«Ni göötï baŋ nyïïatwiel maal mar acooŋ Jwøk mana en Leeyödicia, ni kööï, ni «Moi beege luup ŋat wø cwøl ni Enøgønø, na näk lïŋi mana näk adïëri ni wø cäänö ka adïëri, ni beeye na ö Jwøki na cwääc jammi ki ree:

Mana Nyooth 3:4

«'Ba ŋääa ni jïrï poot da jiy mo nøk yi Carda, jiy ma abïïkge kärge raanynyø. 'Ba geno cäädhi ki aani ka abïïe mo tar. Kiper geno rømø.

Mana Nyooth 3:7

«Ni göötï baŋ nyïïatwiel maal mar acooŋ Jwøk mana en yi Piladelpia, ni kööï, ni «Moi beege luup ŋata en kur keere, na näk adïëri, ni en muktään Deebit cere, ŋat wø jäbö, ni bäŋ ŋat mo dëët gø, ni wø cïëö ni bäŋ ŋat mo jap gø: