Mana Nyooth 1:1 - Wëël Jwøk

¹ Wëëlö man caana luup gïna nyooth Jecu Krictø, na wëëk Jwøki eni, nee gïïo laar tägö nee nyoodhe jï laage. Ni nyoodhe ka dhi nyïïatwiel maal mare na jääŋŋe baŋ laŋŋe ma Jøøn,

Mana Nyooth 1:1 Iomraidhean Croise

Daniel 8:16

Ni puta dwør dhaanhø wïnynyö mo cwödö ya ageel naam wø cwøl no Ulay ni kööe, ni «Geebriel, caan tier gïna nyooth jï ŋati en nee ŋääe.»

Daniel 9:21

kanya bëëda naa poot cäänö ki yi lam, Geebriel, ŋata kwøŋa joot yïth lääk dïkwøŋ, amään baŋa døc kar kany wø cïp olämi mar abøøya yie.

Daniel 9:23

Kanya tägï ki lam ennø, da luubö ma aöö, ni beeye mano caana jïrï en, kiper ïïna mëërö ki gø døc. Kiper manøgønø, caar luubö man ni ŋäyï tier gïna nyooth.

Amøc 3:7

Kiper Wuuö Jwøk bäŋ gïn mo tïïe jaak ni gïna näk ee cooŋø ki cwïnye käre caanø jï laaŋe na näk nyïïkuk moe.

Jøøn 12:49

Kiper aani, a ba caan luup mo käla wïïa, a keera. 'Ba Wuuö ki dëëre na jääŋ aani beeye na cïp luubö mano caana ki mano looba.

Jøøn 15:15

U ba cwøla ni uuna laaŋe këët. Kiper laŋŋø gïn wø tïïc kwääye kuue. 'Ba uuna cwøla ni uuna nyïïawääta, kiper jammi bëët moa wïnynya baŋ Wära anyoodha jïïu.

Jøøn 17:8

Kiper luup moa cïpï jïra, acaana jïge, ni jïëcge ge, ni ŋäcge na adïëri naa käla baŋï. Ni jïëcge naa jääŋŋa ïïni.

Jøøn 3:32

Ni eni wø køpa gïna neene na wïnynye, 'ba bäŋ ŋat mo ojïëy ki gïn wø købe.

Jøøn 8:26

Aani jïra da luup mo thööth mo caana caanø kiperu, ki mo thööth mo ŋøla piny. 'Ba eni na jääŋ aani beeye adïëri, ni luup moa wïnynya baŋe beeye ni wø caana jï jø piny.»

Wëëlö Mana Göör Pøølli Baŋ Jø Röm 16:25

Pwøc en jï ŋat wø løny jïre ki man wëëk u tëënnö ki køør luumma nyään na met ni wø køba, ni beeye luum Jecu Krictø, kaawat mana nyooth ri gïna näk tiere okwøŋ kan ki kany mo bäär,

Galeecia 1:12

Kiper luummögø kära wïnynyö dhi dhaanhø, naa kär pwönynyö ki gø, 'ba beeye Jecu Krictø na nyooth gø jïra.

Epeca 3:3

kaawat mana wëëk aani ŋäc gïna näk tiere okwøŋ kan ki køør mana nyuthi aani, keda mana gööra gø ni ciek en.

Tayta 1:1

Aana Pøøl na laŋ Jwøk ni näga nyïïatwiel mar Jecu Krictø, kiper nee ŋäädhe mar jøøa jier Jwøki nee cääth nyïm, ki moa dege ŋääö ra adïëri ni wø kïth jiy jöör Jwøk,

Mana Nyooth 1:19

'Ba kawaane gïïa neenï, ki gïï ni nut ii, këël moo tägi cään, göör piny.

Mana Nyooth 1:9

Aana cöögu ma Jøøn na dwätö ki uuni ki nyeŋ Jecu ki ri jwør gïï mo leth, ki ri bura, ki ri mak cwïny ni teek. Aani, aana kïth ya acuulla cwøl ni Patma kiper mana køba luum Jwøk ki gïr luum adïëri mana caan Jecu.

Mana Nyooth 17:1

Kanyøgø nyïïatwiel maal aciel dëët nyïïatwiet maal moa näk abïriiø na käär kuure abïriiø aöö ni kööe jïra, ni «Ööï, nee ajäla mano pïï dëër kääbi mana dwøŋ na näk opï bäät pïï mo thööth nyoodha jïrï,

Mana Nyooth 19:10

Kanyøgøøni aana päth tiete nee wøøra. 'Ba ena köö jïra, ni «Gïnögø kär tïïyï, kiper aana laŋŋø ki ïïni na aciel ki nyïïmeru, ni beege jø wø en gïr Jecu cwïnyge. Wøør Jwøk.» Kiper gïr Jecu wø køp beeye luup wø køp nyïïkuk Jwøki thuwø.

Mana Nyooth 19:9

Ni ö nyïïatwiel maal manøgø ni kööe jïra, «Göör gïn: Gwïëth en jï jøøa cwøl baŋ cam nywöm mar Nyidiel.» Ni kööe jïra, ni «Moi beege luup Jwøk na näk adïëri.»

Mana Nyooth 21:2

Ni jooda paana en kur keere na näk Jerucalem mana nyään, ni öö ki maal baŋ Jwøk, no ojiiŋŋø keda dhaagø thiinh mo dëëre orunynyö ki coole kiper cwøre.

Mana Nyooth 21:9

Kanyøgø nyïïatwiel aciel røk nyïïatwiet maal moa näk abïriiø, jøøa käär kuuya näk abïriiø na päŋ ki jap räny piny moa näk abïriiø na näk aŋuudi ena öö ni luupe ki aani, ni kööe, ni «Ööï, nee dhaagø thiinh na näk cï Nyidiel nyutha ïïni.»

Mana Nyooth 22:1

Kanyøgøøni naam pï kwøw anyoodhe jïra, mo tøŋ døc keda wïlli, ni kwönni ka ri wäl Jwøk ge ki Nyidiel,

Mana Nyooth 22:16

«Aana Jecu na jääŋ nyïïatwiel maal mara baŋu ki gïïögø nee køp jï acook Jwøk. Aana lweet Deebit ni näga kunhnhe, na cëëc øw na tar.»

Mana Nyooth 22:6

Ni köö nyïïatwiel maal jïra, ni «Luupi ii beege luup mo oŋäädhö ni näkge adïëri. Ni beeye Kwäärö Wuuö Jwøk na näk Jwø jwïëc nyïïkuk Jwøk na jääŋ nyïïatwiel maal mare kun nyuth laage gïïo laar tägö.»

Mana Nyooth 22:8

Aana Jøøn, ŋata wïny gïïögø ni neen geni. 'Ba na wïnynya ge ni neena geni, aana päth tiet nyïïatwiel maal manøgø, ŋata nyooth ge jïra, nee wøøra.

Mana Nyooth 22:9

'Ba ena köö jïra, ni «Gïnögø kär tïïyï, kiper aana laŋŋø ki ïïni na aciel ki nyïïmeru na näk nyïïkuk Jwøk, ki jø wø gwøk luupögø ni en yi wëëlli en. Wøør Jwøk.»

Mana Nyooth 4:1

'Ba køør gïïögø aana nëënnö, ni jooda dhøk mo ŋaam maal. 'Ba dwøl mana kwøŋa wïnynyö na cäänö ki aani ni caala dwør tuuŋ aköö, ni «Ö maal baŋa kany. 'Ba ïïno nyutha gïïo tägi køør moi ii.»

Mana Nyooth 5:7

Ni cøøe ni lwør wëëlö cer cwïï ŋata näk opï bäät wälu.