Maak 9:50 - Wëël Jwøk

⁵⁰ Acäbö met. ?'Ba ni näk ma acäbö lawe obänhnhö, lawe ocäŋu gø dwøk kare nidïï? Bëëdu ni dëëtu da acäbö, ni mëërru ki røgu ni bëëdu ki bëët-mëër.»

Maak 9:50 Iomraidhean Croise

Jööp 6:6

?Aŋø, cam mo bäth jaak di camø ni bäŋ acäbö ree? ?Wala løø tøŋ-gwienø mana tar wø jwør dhøki jwørø ni met?

Dut Pwøc 133:1

Edhikiel 43:24

Lääy moøgø cïbï nyïm Wuuö Jwøk, ni ö dïlämme ni kerge acäbö bäätge, ni cïpge ge jï Wuuö Jwøk no olämme mo wø waaŋ bäre.

Mathiew 5:13

«Uuna acäbö mar piny. ?'Ba ni näk ma acäbö lawe obänhnhö, lawe ocäŋ døø kare nidïï? Bäŋ gïn mo røme ki gø këët, 'ba tiirra man weti ni nyøri ya jiyi ki tietge.

Maak 9:34

'Ba gena lïŋö. Kiper kanya cääthge waŋjöö, gena pïëmö ge keerge, na aŋa ni kare dwøŋŋa eni.

Maak 9:49

Kiper jiy bëët otïmö ni law ki maac.

Wëëlö Mana Göör Pøølli Baŋ Jø Röm 12:18

'Ba ni näk mo løny jïïu ki kun ni da kuru en, u doo bëëdö ki bëët-mëër ki jiy bëët.

2 Körin 13:11

'Ba ennø, nyïïmera, turu paar nø. Bëëdu ki bëëtö mana beer. Leŋŋu kwac mara. Mëërru ki røgu. 'Ba Jwø wø cïp mëër ki bëët-mëër oen buutu.

Galeecia 5:22

'Ba nyïëdi mo wø ööi ki ri Jwïëc Jwøk, beege mëër, ki met ec, ki bëët-mëër, ki bäŋ jøømø, ki bäth ec, ki køny, ki ŋääth dhaanhø,

Epeca 4:29

Kär dee luubö mo raac mo wïnyi dhøgu, 'ba näk gïn mo beer keere mo dhaanhø tëënnö ki gø kaawat man wø manynyi, nee tïme ni beer jï jø wø wïny gø.

Pilipay 1:27

'Ba man caana jïïu keere nø, bëëdu ni bëëtö maru orømø ki luumma nyään na met mar Krictø. Kiper ni näk maa duua baŋu ni neena uuni, wala a ba ö baŋu, nee wïnynya ki man näk mou cuŋŋö nou teek ki cwïny aciel, ni döötu aciel, nou tïïö døc ni dëëtu you maa karubëët, kiper ŋäädhe mar luumma nyään na met.

Köløcia 3:12

Kiper manøgønø, kaawat mana ö Jwøki na jier uuni, nou ena kur keeru na mo Jwøk ni uuno omëëye, bëëdu ni cwïnynyu jööt, ni yïthu bäth, nou mwöl, ni bäŋ atöör, ni cwïnynyu you cïp piny.

Köløcia 4:6

'Ba döötu bëëtge ni met cooth, keda kadø ma acämme met, kiper nee luubö maaru ŋäc ki man løgu gø jï ŋati man nø.

1 Thecalönika 5:13

Wøørru geni døøc nou mëër ki geni, kiper tïïc marge. Ni bëëdu ki bëët-mëër ki dëëtu keeru.

2 Timöthi 2:22

Kiper manøgønø, tïïc karï ni bäär ki jap thïnhö, ni këëllï wïïï ri gïïa beyø, ki ŋäädhe, ki mëër, ki bëët-mëër, ni ïïno dwätö ki jø wø cøør nyeŋ Wuuö ki cwïny mo tar.

Ibaru 12:14

Manynyu ki man bëëdu ki bëët-mëër ki jiy bëët, ni manynyu man tïmu nou ena kur keeru na mo Jwøk, kiper bäŋ ŋat mo Wuuö dee neenø ni näk ba en kur keere.

Jeemeth 1:20

Kiper wëëc dhaanhø bäŋ wø wëëk beeny Jwøk thur kare.

1 Piter 3:8

'Ba luubö mana dööŋ keere nø, uuni bëët, beerra man dwallu cwïnynyu na aciel, ni bëëdu ni cwïnynyu jööt, ni mëërru ki nyïïmëëe, ni cwïnynyu lïëth ki køny, nou bëëdö nou mwöl.