Maak 9:47 - Wëël Jwøk

⁴⁷ 'Ba nee waŋï beeye wø wëëk ïïni bääyö, göön wøk. Kiper beerra eni jïrï ki man ciï yi buc Jwøk ki waŋ aciel, ki mana di ï leeŋ yi maac kar ajäla ki nyeŋŋï riet,

Maak 9:47 Iomraidhean Croise

Wïlöölö 3:6

'Ba kanya ö dhaage na neen jaath na gïn mo orømø ki cam, ni nëëni na gïn mo mïërö ki nyeŋŋe, na jaath mo beer mo døøya waŋ dhaanhø mo riek, ena lwötö ri nyi gø ni cam gø, ni mëëk mør cwøre thuwø; ni ö cwøre ni cam gø.

Jööp 31:1

«Aani nyeŋŋa amäna ki man neena nyakøø ni cwïnya pärö ki gø.

Mathiew 18:9

'Ba ni näk waŋï beeye wø wëëk ïïni bääyö, göön wøk ni wetï gø. Kiper beerra eni jïrï ki man ciï yi kwøw ki waŋ aciel ki mana di ï leeŋ yi maac kar ajäla ki nyeŋŋï riet.

Mathiew 5:22

'Ba aani, a caana gø jïïu, ni ŋat wø gooti ki coki, eni di pëënynyö kar løøk; ni ŋat wäro jaany coki, eni pëëny kwääc løøe pëënynyö; ni ŋat wäro köö, ni ‹Ïïna bøøl,› eni cøøa yi maac kar ajäla.

Maak 9:43

'Ba ni näk cerï beeye wø wëëk ïïni bääyö, ŋul wøk. Kiper beerra eni jïrï ki man ciï yi kwøw na dïbat ciel, ki mana di ï leeŋ yi maac kar ajäla na näk maaa näk bäŋ cuŋŋe ki ceŋŋï riet.

Luk 14:26

ni «Ni näk da ŋat mo ööa baŋa ni ba män ki wänni, ki menni, ki cïïe, ki nyïïe, ki nyïïmenni, këël jwïëye kiree, ŋatøgø ba maar tïmö na bääŋa.

Jøøn 3:3

'Ba aløk Jecu jïgø, ni kööe, na «Adïëri møn a caana gø jïrï, ni näk mo dhaanhø kär cäŋ nywøllø ni nyään, eni buc Jwøk ba dee maara joot.»

Jøøn 3:5

'Ba aløk Jecu jïre, na «Adïëri møn, a caana gø jïrï, ni näk mo dhaanhø kär nywølø ki pïï ki Jwïëc Jwøk, eni ba doo maara døny yi buc Jwøk.

Galeecia 4:15

?Agïnaŋø na tägö ri met ec mana kwøŋu joot? Kiper maru ajooda na adïëri, ni onää løny jïïu kar kaaca, nyeŋŋu dou gööna wøk, ni dou ge mëëk aani.