27 'Ba Jecu cer nyilaal amaae ni tïŋ gø maal, ni cuŋŋe.
Kiper bee aani na Wuuö Jwøk, Jwøk marï, ni wø jøl cer cwïïï, ni wø köö ki ïïni, ni ‹Kärï lwäyö, ï kønya kønyø.›
'Ba kanya nø cöör lwaak wøk, ena ci yi øtø, ni mak cer nyilaal, ni ö nyilaalli maal.
Ni ööe ni mak cer gø, ni tïŋ gø maal, ni puti ya adïrïgi wec. Ni ö nyijøøgø ni tïny geni.
'Ba na päth cwïnye ki gïre, cere arwaak baŋ gø ni mul gø, ni kööe jïgø, «Aana jïëy, dëërï døø kare!»
Ni mak cer nyilaal ni kööe jïgø, ni «Talitha kumi,» na näk tiere beeye, ni «Nya, nyilaal, a cäänna ïïni, ö maal.»
Ni mak cer ŋata näk cwør, ni kïth gø wøk ŋää paac. 'Ba na nø ŋuut nyeŋ gø ki laaw, ni kïth ceŋŋe bäät nyeŋ gø, ena pëënynye, ni «?Da gïn mo nëënö jïrï?»
'Ba na nø rëëde ni meec gøøni ni raac døc, ena ö wøk, ni ö nyilaalli ni tïme kede othøw. Kiper manøgønø, jiy mo thööth aköö, ni «Eno thøw.»
'Ba na nø døny Jecu yi øtø, ena pëëny bääge kur keere, na «?Aŋø na ba lønye jïwa ki man riemwa anäŋŋögø wøk?»
Kanyøgø cere amak kwääya dwøŋŋi ni pee gø kur keere, ni pëëny gø, na «?Agïnaŋø ni manynyï nee caanï jïra?»
Ni mak gø ki cer cwïïe ni tïŋ gø maal. Ni put tiete ki nyeŋ ogweye tëënnö.
Ni ö Piterri ni rwaak cere baŋ gø ni tïŋ gø maal. Køøre jø Jwøk acwøle ki määr thuunhnhi, ni käl gø nyïmge no okwøw.
