Maak 9:25 - Wëël Jwøk

²⁵ 'Ba na ö Jecu na neen lwaak ni ge läänna kanya ciel, jwøa raac ajooe, ni kööe jïgø, «Ï na jwøa näk ba luubö na miiŋ, a köömma ïïni, ö wøk dëëre, ni ba cäŋï ci dëëre këët.»

Maak 9:25 Iomraidhean Croise

Dhekaraya 3:2

Kanyøgø Wuuö Jwøk aköö jï Ceethan, ni «Nyie Ceethan, ïïno jook Wuuö Jwøki! Wuuö Jwøk na jier Jerucalem ïïno jooe! ?Aŋø, ŋati ni kïthï bääte ki luup mo reyø en paa ŋata caal jaath mo liel mo käl wøk ka yi maac?»

Mathiew 12:22

Kanyøgø ŋat ma cwør mo ba cäänö, mo dëëre da anägö, akäl baŋ Jecu. Ni ö Jecu ni køny ŋatøgø, ni tïm ŋatøgø ni ba cäänö enø, ni cäänö ni nëënö.

Mathiew 17:18

Kanyøgø anäŋŋögø akööm Jecu, ni ö anäŋŋögø wøk. Ni put dëër nyilaalli døø kare.

Maak 9:15

'Ba na ö lwaaki na jootge Jecu, yïthge aput thäŋŋö, ni reŋge baŋe ni määthge gø.

Maak 9:24

Ni put wää nyilaalli köö, ni «Aana jïëy ni ŋäädha. 'Ba køny a ki ŋäädhe mara ni poot thiinh en.»

Maak 9:26

'Ba na nø rëëde ni meec gøøni ni raac døc, ena ö wøk, ni ö nyilaalli ni tïme kede othøw. Kiper manøgønø, jiy mo thööth aköö, ni «Eno thøw.»

Luk 11:14

'Ba kanyøgø Jecu rëëmma wøk ka anägö mo dhaanhø ee tïïö ni ba cäänö. 'Ba kanya ö anäŋŋögø wøk, ŋata näk ba cäänö atïmö ni cäänö, ni thäŋ yïth jiyi.

Luk 4:35

'Ba ajook Jecu, ni kööe, ni «Lïŋï, ni ööï wøk ree.» 'Ba na nø gøyi ya jwøa raaci enø ki piny dïge, aö wøk dëëre, ni bäŋ gïn mo leth mo ee tïïö dëër gø.

Luk 4:41

Ni ö anäge thuwø ni öge wøk dëët jiy mo thööth ni ge rëëdö, ni «Ïïni, ïïna O Jwøk.» 'Ba gena jooe ni ba wëëk ge cäänö, kiper ŋäcge ni beeye eni na Krictø.

Luk 8:29

Kiper jwøøgø na raac enø, akööm Jecu, nee ö wøk dëër ŋatøgø. Kiper eni wø maaŋ jwøøgø maaŋŋø ki kwöre mo thööth. Ni eni wø di koorø no otwöö ko oguudi ki thøøli, 'ba gïïögø wø cööte cöötö, ni bwødhi ya anäge paap.

Luk 9:42

'Ba kanya poode ni cäänhnhö, ena gøø anäge piny, ni meec gø. 'Ba Jecu jwøøgø ni raac enø ajooe, ni køny nyilaarøgø, ni mëëk gø wää gø.

Moa Tïïc Nyïïatwieli 16:18

Ni put gïnögø tïïc ki nïne mo thööth. 'Ba Pøøl yie acwat, ni løk ree ni cään jwøa raac na en dëër nyakøønnøgø, na «A köömma ïïni ki nyeŋ Jecu Krictø, ö wøk dëëre.» Ni put ö wøk dëër gø yi caannøca.

Juut 1:9

'Ba këël kwääy nyïïatwiet maal na näk Maykal, kanya pïëmge ka anägö ni ge caana gïr dëër Modhe, eni wïïe käre caarø ki man jääl anägö ki dhøk mo raac, 'ba ena köö, ni «Ïïno jook Wuue.»