Maak 9:19 - Wëël Jwøk

¹⁹ Ni løgi ya Jecu jïge, ni «?U na beenhnhø mo bäŋ ŋäädhe jïïu en, a këël kany mo nyïëdi nø noo beeda ki uuni? ?Naa këël kany mo nyïëdi noo maa cwïnya ki uuni? Kälu eni baŋa.»

Maak 9:19 Iomraidhean Croise

Kwään Jiy 14:11

Ni kö Wuuö Jwøki jï Modhe, «?A ki kany mo nyïëdi nø noo poot jøøi ii naa poot ege taaø? ?A ki kany mo nyïëdi ni pootge naa ba ŋääthge en, këël na bëëde ni ŋïïce mo døøŋŋø yaa tïïö dïge?

Kwään Jiy 14:22

'Ba jiy moa pääny aani kwöre apaar, ni kärge dwøra wïnynyö, këël na jootge ajiem mara ki ŋïïce 'moa na tïïa Ijep ki dï paap,

Kwään Jiy 14:27

«?A këël kany mo nyïëdi noo ö lwaaki man ni raac en noo ŋure ki nyeŋŋa? Aani, ŋurö mar jø Icriel mana ŋurge ki nyeŋŋa ki gø awïnynya.

Mathiew 17:17

Ni løgi ya Jecu, ni «?U na beenhnhø mo bäŋ ŋäädhe jïïu en ni wïthu teek, a këël kany mo nyïëdi nø noo beeda ki uuni? ?Naa këël kany mo nyïëdi noo maa cwïnya ki uuni? Kälu eni baŋa kany.»

Maak 16:14

'Ba na näk ŋääe cään, Jecu dëëre acäŋ nyuth bääge na näk apaar kurciel ki dëëtge, ni ge ena kar cam, ni cään geni kiper mana teek cwïnyge ni kärge jïëy. Kiper luumma caan jøøa neen gø køør mana ö maal kärge jïëö.

Maak 9:18

Ni kany wø mak eni, wø gøøe piny, ni ö bööyö wøk ki dhee, ni mööta lage, ni tale ni teek. 'Ba bäägï apëënynya nee riemge wøk, 'ba kär maar lønyø jïge.»

Maak 9:20

Ni kälge nyilaal baŋe. 'Ba na ö jwøøgø na joot Jecu, nyilaal aput meeyø, ni päth yïth ŋøøm, ni rweenynye jaak, ni bööyö onikum dhee.

Luk 24:25

Kanyøgø Jecu aköö jïge, «U ni bäŋ wïdhi en, ni cwïnynyu teek ki man jïëyu moa car nyïïkuk Jwøki bëët!

Luk 9:41

Ni løgi ya Jecu, ni «?U na beenhnhø mo bäŋ ŋäädhe jïïu en ni wïthu teek, a këël kany mo nyïëdi nø noo beeda ki uuni, noo maa cwïnya ki uuni? Käl wäädï kany.»

Jøøn 12:27

«Kawaane ennø cwïnya opädhö. ?'Ba agïnaŋø noo caana? ?A doo köö, na ‹Awuuö, wëëk a pöödhö ki yi gïn›? Patha eni, kiper beeye kanya wäŋŋi en na öönynya.

Jøøn 20:27

Kanyøgø ena köö jï Tøma, «Kïth lweetï kany ni neenï ceŋŋa, ni kälï cerï ni kïthï gø tier-buuta. Kärï bëëdö ni bäŋ ŋäädhe cwïnyï, 'ba jïëyï ni ŋäädhï.»

Tiet Ciik 32:20

Køøre ena köö, ni ‹Täärnyïma kana kanø ki geni; nee gïno tägi dëëtge yi nyïme nee jooda. Kiper gena beenhnhø mo raac, ni gena obwöre mo ba ŋääth.