Maak 8:13 - Wëël Jwøk

¹³ Ni wec geni ni cäŋ døø yi jääy, ni ci løøga.

Maak 8:13 Iomraidhean Croise

Jeremaya 23:33

«'Ba kanyo ö dhaanhe acielli røk jøøi ii, wala nyikuŋ Jwøk, wala dïlämi noo pëëny ïïni, ni ‹?Da dwør Wuuö Jwøk mana caal tëër mo iï wïnynyö?› køøre wär put løk jïge, ni ‹Wuuö Jwøk aköö, ni u ki dëëtu, beeye u na tëër bääta; 'ba aani, u 'leeŋa piny.›

Odheea 4:17

Ipariem dëëre anø cïbe ki man lam kït gïï wø lam; Wiiu eni kare!

Odheea 9:12

'Ba ge këël doo jïtö ko obwöre, ge poot nääa nääö, këël mano tïme ni bäŋgø mo dööŋ. 'Ba otïmö ni leth kiperge kanyo wiia geni!»

Mathiew 15:14

Wiiu geni karge. Geni, ge caala cööye mo ge pieya cööye. Ni näk ŋat ma cwør pieya cwørri mør, ge pätha yi buur karge riet.»

Mathiew 7:6

«Kär gïno en kur keere na mar Jwøk mëëgu guu, kiper ge cäŋa duu baŋu ni camge uuni. Ni ba leeŋu tiigu moa perge leth nyïm othuri, kiper nyørge nyørø ki tietge.

Maak 8:12

Ni ö Jecu ni jwïëe døc ki yie bäre, ni kööe, na «?Aŋø ni ö beenhnhø man ni many ŋïï en? Adïëri møn a caana gø jïïu, bäŋ ŋïï mo nyooth jïge.»

Maak 8:14

'Ba kanyøgøøni bääŋi wïthge awïl ki man käätge ki muunni. 'Ba beeye møø aciel keere na en jïge yi jääy.

Luk 8:37

Kanyøgø Jecu akwac jø Gadarin bëët nee aae buutge, kiper cwïnyge ajïtö ki lwär mo päl døc. Køøre ena ci yi jääy ni døøe.

Jøøn 12:36

Kany poode ni tar ena buutu en, jïëyu ki tayøgø ni ŋääthu gø, kiper nou tïmu ni uuna nyïï tayøgøøni.» 'Ba na løny Jecu ki caan luummögøøni, ena aay ni kan ree ki ge.

Jøøn 8:21

Ni cäŋ Jecu köö jïge, ni «Aano aay, ni cayu aani, 'ba uuno thøw yïth raay mou. Ni kuno cøøa yie, u ba dou maara ö yie.»

Moa Tïïc Nyïïatwieli 18:6

'Ba na kwierge luumme ni janyge eni, abïïge akenye, ni kööe jïge, ni «Remø maru odööŋ wïthu. A tøør yie. Køør man ennø, a cøøa baŋ juurre.»

Moa Tïïc Nyïïatwieli 27:2

Ni ciwa yi jää paana cwøl na Adarmitiem na many man tïŋŋe ni cøøa yïth mïëc Eecia, ni aacwa ki gø, ni ö Aritarka ma nyï Macedönia mo käla Thecalönika, ni lööbe ki waani.