Maak 7:21 - Wëël Jwøk

²¹ Ni beeye yi cwïny dhaanhø ni wø ö acaac raay ki yie, teeŋ ka käp, ki käw, ki 'näk, ki luk,

Maak 7:21 Iomraidhean Croise

Wïlöölö 6:5

Ni ö Wuuö Jwøki ni joot rääö mar dhaanhø no opällö bäät piny, ni gïï wø caar dhaanhe bëët ki cwïnye beege gïï mo reyø keerge.

Wïlöölö 8:21

Ni ö Wuuö Jwøki ni ŋwääc gïna duuŋ ni met, ni kööe ki cwïnye, ni «Aani køør man nø, piny ba cäŋa ciennø këët kiper gïna tïïc dhaanhe. Kiper acaac dhaanhø man wø caare ki cwïnye ki mana täge thïnhö cøøn beeye acaara mo raac cooth. Aani thuwø gïïa näk kwøw bëët ba cäŋa raanynyø këët kaawat mana tïïa en.

Jööp 14:4

?Aŋa ni løny jïre ki man tïïc gïn mo ba waany ni waany? Bäŋ dhaanhø mo løny jïre!

Jööp 25:4

?Aŋø, bëët dhaanhø tïme ni tiir nidïï nyïm Jwøk? ?Dhaanhø man no onywøl dhaage en, bëëtö mare tïme ni waany nidïï?

Dut Pwøc 14:1

Dut Pwøc 53:1

Pwöc Leec Wïc 15:25

Wuuö Jwøk øt ŋat atöör wø nyaae piny, 'ba keew mar pwöth cï thøø wø wëëge bëëtö kare.

Pwöc Leec Wïc 4:23

Ki røk jammi bëët, koor wïïï, kiper beeye jøøro mar kwøw.

Aydheea 59:13

ni beege tïïc gïïa reyø, ki mooŋ Wuuö Jwøk, ki løø nyïm wøk ki Jwøk marø; ka acoona mar caar jiy, ka ageem, ki car luup tööt mo wø cooŋø ki yïth cwïnynyø.

Aydheea 59:7

Tietu ŋwieya køør gïïa reyø, ni u wø lääta baŋ køny rem jøøa beyø piny. Acaare mou beege acaare mo reyø, ni uutjïëthe mo wø caathu bëët, u temma gïï mo leth ka aranya.

Jeremaya 16:12

'Ba uuni thuwø, uuna tïïö ki gïï mo reyø døc mo kaala moa tïïc kwäyu, kiper ŋati man nø dïïu bëëdö ni caatha køør teek wïc mare na öö ki køør rääö mana en cwïnye, ni mara ba wïnynyu.

Jeremaya 17:9

Cwïny dhaanhø yie da cwøk mo kaala jammi bëët, ni rääye okadhø døc; ?Aŋa noo ŋäc acaac gø?

Jeremaya 4:14

Wui, u jø Jerucalem, pïnyu raay wøk cwïnynyu, kiper nou piem. ?A këël kany mo nyïëdi nø noo bëët acaare mou na reyø cwïnynyu?

Edhikiel 38:10

«'Ba man bee luumma caan Kwäärö Wuuö Jwøki, ena köö, ‹'Ba noo tïme na dïcäŋeca, da acaara mo öö wïïï, ni cïpï piny ki gïn mo raac,

Mathiew 15:19

Kiper acaare moa reyø wø ööi ka yi cwïny, teeŋ ka 'näk, ki luk, ki käp, ki käw, ki caan gïn mo patha adïëri, ki waac nyeŋ.

Mathiew 9:4

'Ba kanya ö Jecu na nø ŋäc luumma en cwïnyge, ena köö, na «?Aŋø ni caru gïï mo reyø ki cwïnynyu en?

Maak 7:20

Ni kööe, ni «Gïn wø ö wøk ki cwïny dhaanhø beeye wø raany dhaanhø.

Maak 7:22

ki par jammi, ki rääö, ki cwøk, ki pär cwïny, ki keec, ki waac nyeŋ, ka atöör, ki bøøl.

Luk 16:15

'Ba Jecu aköö jïge, ni «Beeye uuni ni wø pwøc dëëtu keeru nyïm jiy nou beyø, 'ba cwïnynyu ŋäc Jwøki. Kiper gïn wø näk wøp døc ki jï jiy, beeye gïna raaca eni ki jï Jwøk.

Moa Tïïc Nyïïatwieli 5:4

?Aŋø, kanya poot pwödhö ni kärï dwøk pwödhö, ba bëëdö na marï? ?'Ba køøre na nø dwøgï gø pwödhö, paa wïïï ki mana diï tïïö ki gwete? ?Aŋø na tïïyï gïn en ki cwïnyï? Ï ba cään jiy ki tööt, 'ba ï cäänna Jwøk.»

Moa Tïïc Nyïïatwieli 8:22

Kiper manøgønø, løk cwïnyï ki gïnö ni raac ni en cwïnyï enø, ni kwayï Wuuö nee løny ki man wec gïnö ni raac na caarï ki cwïnyï.

Wëëlö Mana Göör Pøølli Baŋ Jø Röm 7:5

Kanya poodø ni ø bëënna moa wara cac dëëlli, gïïa reyø na wara nieŋø køørge, gena jiec ciik Jwøki, ni tïïge thäk dëëtø ni känge ki gïï mo duua thøø.

Wëëlö Mana Göör Pøølli Baŋ Jø Röm 7:8

'Ba raay ajïtö ki jöö ri mana cem Jwøki, ni kïth cwïnya ki teeŋ par gïï mo thööth døc. Kiper kanya bäŋe ya ciik Jwøk, raay bëëdö no othøw.

Köløcia 3:5

Kiper manøgønø, 'nägu jap piny ni en cwïnynyu, teeŋ kaa käp, ki rääö, ki gïïa reyø wø nieŋ cwïnynyu køørge, ki many raay, ki päl cwïny, na näk beeye wøør juu møøk.

Tayta 3:3

Kiper øøni ki dëëtø, øøna kwøŋ bëëtö ni øøna bøøre, na jø adhala, ni wïthø omaaŋŋø, ni øøna laaŋe jï gïïa reyø na en cwïnynyø, ki teeŋ gïïa many dëëtø bëët, ni thöörø ruun 'moø bëët ni cwïnynyø cøl ki jiy ni ø gwönö, ni jiy män ki øøni, ni ø män ki røgø.

Jeemeth 2:4

?aŋø, manøgø u ba tïïya apääk yïthakiyu, ni tïmu ni uuna dïŋut luup mo caara gïï mo reyø?