Maak 6:20 - Wëël Jwøk

²⁰ Kiper Eerat lwäär ki Jøøn, ni ŋääe ni Jøøn a dhaanhø mo beer, ni ena dhaanh Jwøk mo ena kur keere, ni bëët Eerati ni gwøga gø. 'Ba kanya wara wïny luum Jøøn, wïïe wø wïïrö, 'ba yie wø poot met thuwø ki man wïny gø.

Maak 6:20 Iomraidhean Croise

1 Nyeye 21:20

'Ba Akap aköö jï Ilaaja, «Wui, nyimän mara, aana nø jootï.» Køøre aput Ilaaja dwøgø, ni «Ïïna nø jooda møn, kiper dëërï agathï niï tïïya gïï mo nëëni ni reyø ki jï Wuuö Jwøk.

2 Nyeye 13:14

'Ba kanya tïm Ilaaca ni tuu ki täw mana put thøø ki gø, Jeyöac nyeny Icriel aløøc piny baŋe kuna liim gø, ni jwöŋe bäät gø ni kööe, na «Awuuö, Awuuö, bee ï ni wø piem jø Icriel kaamar jïëth leny mo wø tut okwëënyi, ki jø leny mo wø këëdi ki bäät okwëënyi!»

2 Nyeye 6:21

'Ba kanya ö nyeny Icrielli na joot geni, ena köö jï Ilaaca, «?Awuuö, nääa geni? ?Nääa geni?»

2 Luup Nyeye 24:2

'Ba Jöac abëëdö ni tïïya gïï mo nëëni ni beyø ki jï Wuuö Jwøk ki yïth nïne bëët moa beet Jööda na näk Kwääy Lam Mana Dwøŋ.

2 Luup Nyeye 26:5

Ni put bëëte ni manynya Jwøk ki yïth nïne moa beet Dhekaraya, ŋata pwöny gø ki køør jammi moa nyooth Jwøki. 'Ba kanya bëëde ni eni manynya Wuuö Jwøk, jammi atïïc Jwøki jïre ni beyø.

Bwøth Wøk 11:3

'Ba Wuuö Jwøki yïth jø Ijep atïïe ni met ki jø Icriel. Ni ö Modhe ni nëëne na dhaanhø mo kare dwøŋ yi ŋööm Ijep ki jï jø kööre mo Peerø ki jø Ijep bëët.

Edhikiel 33:32

'Ba ki baŋge, ï caala ŋat mo dwøre met, mo wär ki duut mëër, ni thoom pwöde pwödö ni tøøte tøøtø; kiper luup moï wø wïnyge wïnynyö, 'ba ba kïthge bäät tïïc.

Daniel 4:18

«Manøgø beeye lääk mana jooda, a na nyeya ma Nabukedenecör. 'Ba ennø, ï na Belthacacör en, caan tier lääk jïra; kiper ki man bëëde cøøn en, ki røk jøøa nyeŋge reegø ya akwöm nyec mara, bäŋ ŋat moo løny jïre ki man caan tier lääk manøgø jïra. 'Ba ïïni, løny jïrï, kiper jwïëc juu mo ena kur keerge ena bäätï.»

Daniel 4:27

Kiper manøgønø, ï na nyeya en, beerra man tïm gïno caana en ni yiï met ki gø. Ïïni wec gïïa bayï, ni bëëdï niï tïïya gïn mo beer, ni weyï raay moï, ni bëëdï niï nyootha køny jï jøøa no ocaarø. Kanymør ni kwärö marï løny ki man ruue.»

Daniel 5:17

Kanyøgø aløk Danielli nyïm nyeya ni kööe, ni «Muuce moï kanï kiper dëërï, wala jap met ec moï moøgø tïme ni cïpï jï ŋat mør; 'ba aani gïnögø no ogöörö enø, kwaana kwaanø jïrï, ï na nyeya, ni caana tier gïna cääne kipere.

Mathiew 14:5

'Ba këël na bëëde ni Eerat manynya man 'näk Jøøn, ena lwäyö ki jiy. Kiper ojïëc jiyi ni Jøøn beeye nyikuŋ Jwøk.

Mathiew 21:26

'Ba noo caanø gø, ni ‹Käla baŋ jiy›, ø lwäär ki lwaak, kiper jiy bëët ojïëy ni Jøøn beeye nyikuŋ Jwøk.»

Maak 11:18

'Ba gïnögø awïny kwääc laammi ki dïpööye mo ciik Jwøk ni määnyge ki jöö man 'näkge eni ki gø, kiper na lwäärge ki eni, kiper mana tïm lwaaki bäre ni yïthge orëëm ki pwöc moe.

Maak 4:16

Kaawat manøgø thuwø, bëët jø møøk caala köödhi moa jør yi ŋöömma näk tiere da kïdi, ni beege jø wø laar jïëy ki met ec kany wø wïnyge luum Jwøk.

Jøøn 5:35

Jøøn na bëëde caala lamba mo onyebø ni liel, ni yïthu met ki man bëëdu yi taye dïciel.

Moa Tïïc Nyïïatwieli 2:12

Ni thäŋ yïthge bëët ni yïthge onithay, ni pëënyge røkge, ni «?Tier gïn agïnaŋø?»

Moa Tïïc Nyïïatwieli 5:24

'Ba na ö kwäärö mar dïkuye mo Øt Jwøk Mana Dwøŋ ki kwääc laam na wïnyge luummögø, yïthge athäŋŋö, ni köge, ni «?Cuŋ gïn otïme na ŋø?»