Maak 6:15 - Wëël Jwøk

¹⁵ 'Ba møøk aköö, ni «Beeye Ilaaja.» Ni kö møøki, ni «Ena nyikuŋ Jwøk mo caala nyïïkuk Jwøk moa cääŋŋe.»

Maak 6:15 Iomraidhean Croise

Milkiya 4:5

«'Ba kanyo poode ni dïcäŋ mara, a na Wuuö Jwøk, poot kär öö, ni beeye dïcäŋo täk gïïa døøŋŋø yie, noo lwäärö ki gø, nyikugö mara ma Ilaaja ojääŋŋa baŋu.

Mathiew 16:14

Ni løkge gø, ni «Møøk wø köö, ni ‹Beeye Jøøn na näk dïlööy na nyuudhi,› ni kö møøki, ni ‹Beeye Ilaaja.› 'Ba møøk wø köö, ni ‹Beeye Jeremaya wala nyikugö aciel dï nyïïkuk Jwøk.› »

Mathiew 21:11

Ni kö lwaaki, ni «Man beeye nyikuŋ Jwøk ma Jecu nyï Nadhareth na en Galili.»

Maak 6:16

'Ba na wïnynyi ya Eerati, ena köö, ni «Jøøn na wïïe ŋula wøk atïŋ maal ki yi thøø.»

Maak 8:28

Ni caange gø jïre, ni «Ge wø köö, ni ïïna Jøøn na näk dïlööy na nyuudhi; ni kö møøki, ni ïïna Ilaaja. 'Ba møøk wø köö, ni ïïna nyikugö aciel dï nyïïkuk Jwøk.»

Luk 1:17

'Ba eno cäädhi nyïm Wuuö Jwøk ki teeŋ bëët Ilaaja ki teek mare, ni løø cwïny wëëe baŋ obwöre moge, ni løø wïth jøøa wïthge teek baŋ acaac jøøa marge beyø, ni tïïc jiy na jiy mo ojiiŋŋø kiper Wuuö Jwøk.»

Luk 7:16

Ni put lwärri öö bäätge bëët, ni jiemge Jwøk, ni köge, ni «Nyikuŋ Jwøk mo dwøŋ athïïŋ dïïø, ni Jwøk lïïma jiye.»

Luk 7:39

'Ba kanya ö ŋat Paricith manøgø, ni beeye ŋata cwøl gø baŋ cam, na neen gïnögø, ena köö ki cwïnye, «Onää ŋati nyikuŋ Jwøk møn, dhaaŋŋøgø dee ŋääö, na a teeŋ dhaagø mo nyïëdi ni muur gø enø, kiper nyaanøgø ŋat raay.»

Luk 9:19

Ni løkge gø, ni «Ge wø köö ni ïïna Jøøn na näk dïlööy na nyuudhi, ni kö møøki, ni ïïna Ilaaja. 'Ba møøk wø köö, ni beeye nyikugö aciel dëët nyïïkuk Jwøk moa cääŋŋe no oduu wøk enø.»

Luk 9:8

ni kö jø møøki ni ööa Ilaaja, ni kö møga, ni beeye dhaanhø aciel røk nyïïkuk Jwøk moa cääŋŋe no oduu wøk enø ki yi thøø.

Jøøn 1:21

Ni ö geni ni pëënyge gø, ni «?Ïïna ŋa? ?Ïïna Ilaaja?» Ni kööe, na «A patha eni.» Ni köge, ni «?Ïïna nyikuŋ Jwøk mana wäŋŋi?» Ni løk gø, ni «Jïra bäär.»

Jøøn 1:25

Ni pëënyge gøøni, ni «?Ni näk enøgønø, niï patha Krictø, wala Ilaaja, wala nyikuŋ Jwøk mana wäŋŋi, aŋø ni lööï na nyuudhi en?»

Jøøn 6:14

'Ba na ö jøøgø na neenge ŋïï mana tïïe, gena köö, ni «Ŋati beeye nyikuŋ Jwøk møn, na wäŋŋi ni doo thïïŋö bäät piny.»

Jøøn 7:40

'Ba na wïnyge luupögøøni, jø møøk aköö, ni «Ŋati beeye nyikuŋ Jwøk møn mana wäŋŋi.»

Jøøn 9:17

Køøre gena cäŋ köö jï ŋata näk ocøør, ni «?Ïïni, agïnaŋø noo caanï kiper ŋatøgø kaa mana jap nyeŋŋï enøgø?» Ni kööe, ni «Ena nyikuŋ Jwøk.»