Maak 6:14 - Wëël Jwøk

¹⁴ 'Ba gïnögø awïny nyeya ma Eerat, kiper nyeŋ Jecu atïmö ni ŋäc. 'Ba jø møøk aköö, ni «Jøøn na näk dïlööy na nyuudhi atïŋ maal ki yi thøø. Ni beeye tiere gø ni tïme ni da teek bääte ki man tïïe ki gïï mo rëëma ec enø.»

Maak 6:14 Iomraidhean Croise

2 Luup Nyeye 26:15

'Ba ena tïïö yi Jerucalem thuwø ki jap leny mo nyärö ki køør acaare mo jiy moa nyeŋge reegø, nee jap leny moøgø bëëtge kwör koor moa näk ogeerø ni ena maal ki yïth gøøde mo kiir, kiper thöör athëëre ki thöör ki nyeŋ kïte moa døøŋŋø. 'Ba Udhaya nyeŋŋe aput wïnyö døc kwör mo bäyö, ni tïme ni teek døc ki køør gïïa rëëm ec na tïïc Jwøki kipere.

2 Luup Nyeye 26:8

'Ba jø Amön gena cïpö jï Udhaya ka ajwäk. Ni ö Udhaya ni wïny nyeŋŋe këël mana këët keew ki Ijep, kiper ena tïmö ni teek døc.

Mathiew 9:31

'Ba na aacge, gïr Jecu acaange dï paanøgø bäre.

Maak 1:28

Ni put gïre wïnyö dï mïëc Galili bëët.

Maak 1:45

'Ba ena aay ni put tägö ki man car gø jaak, ni køpa gø jï jiy bëët. Kiper manøgø nø, Jecu atïmö ni ba maar ö dï pääny ni ree ee nyoodhø, 'ba bëëdö yïth mïëri moa en wøk. Ni ö jiyi baŋe ki yïth mïëri bëët.

Maak 8:28

Ni caange gø jïre, ni «Ge wø köö, ni ïïna Jøøn na näk dïlööy na nyuudhi; ni kö møøki, ni ïïna Ilaaja. 'Ba møøk wø köö, ni ïïna nyikugö aciel dï nyïïkuk Jwøk.»

Luk 13:31

'Ba ki nyi kanyøgø kiree, jak møøk ma jø Paricith aöö baŋ Jecu, ni köge jïgø, ni «Laar riï daak kany, kiper Eerat manynya man 'näk ïïni.»

Luk 3:1

'Ba kanya tïm cwiic Taybiria Cidhar na apaar kurbïïc yi kwär, na bëët Pøntia Paylat na kwäärö Judia, ni Galili bëënna Eerat, ni ö mïëya cwøl na Ituria ki Tarakønita na bëën owänni ma Pilip, ni ö paana cwøl na Abilin na bëën Lithania,

Luk 7:17

Ni ö gïre manøgø ni wïnye dï Judia bäre, ki yïth mïëya en ŋää paac bëët.

Luk 9:19

Ni løkge gø, ni «Ge wø köö ni ïïna Jøøn na näk dïlööy na nyuudhi, ni kö møøki, ni ïïna Ilaaja. 'Ba møøk wø köö, ni beeye nyikugö aciel dëët nyïïkuk Jwøk moa cääŋŋe no oduu wøk enø.»

1 Thecalönika 1:8

Kiper patha jø Macedönia ki jø Akeea keerge na wïny luum Wuuö baŋu, 'ba luum ŋäädhe maru na ŋääthu Jwøk, apööth kany mo bäär, ni bäŋ gïn mo caanwa kipere këët.

Ibaru 2:4

Ni Jwøk thuwø ojïëy ki mare ki køør nyuuthe ki tïïe mo døøŋŋø døc, ki gïï mo rëëma ec ma teeŋi, ki muuce moa ö ki ri Jwïëc Jwøk na en kur keere, na pääŋŋe kaawat mana manynye keere.