Maak 5:35 - Wëël Jwøk

³⁵ 'Ba kanya poode ni Jecu poot cäänö, jiy møøk aöö ki po kwääy øt acooŋ lam, ni köge, ni «Nyaarï anø thøw. ?Aŋø ni poot öölï dïpööy en?»

Maak 5:35 Iomraidhean Croise

Mathiew 26:10

'Ba Jecu na ŋäc gïnögø aköö jïge, na «?Aŋø ni ööllu dhaagø en? Kiper ena tïïö ki gïn mo beer døc jïra.

Mathiew 26:18

Ni kööe, ni «Cou pääny baŋ dhaanhø mør kaace, ni caannu gø jïre ni dïpööy aköö, ni ‹Kanya no owäŋŋö kipera kare acäännö. Cäŋa Pööth Thøøe Yie wøøra wøørø ki bääŋi 'moa paarï.› »

Mathiew 9:18

'Ba kanya poode ni Jecu cäänna bääk Jøøn na enønø, kwäärö mør mar øt acooŋ lam adunynyö ni këël cøŋŋe piny nyïm Jecu, ni kööe, ni «Nyaara athøw kawaane en. Ööï ni kïthï cerï bääte, nee kwøe.»

Maak 10:17

'Ba kanya ö Jecu na tïŋ wääth mare, dhaanhø mør areŋ baŋe, ni këël cøŋŋe piny nyïm gø, ni pëëny gø, ni «Dïpööy mana beer, ?agïnaŋø noo tïïa, kiper nee kwøw mana näk adïëri mo bäŋ cuŋŋe jooda?»

Maak 5:22

'Ba kanyøgø dhaanhø aciel dï kwääc øt acooŋ lam mo nyeŋŋe cwøl ni Jaayra aöö. 'Ba na joot Jecu, dëëre aleeŋ piny tiet gø.

Luk 8:49

'Ba kanya poode ni poot cäänö, nyen mør aöö ki po kwääy øt acooŋ lam, ni kööe, ni «Nyaarï anø thøw. Kär dïpööy öölï këët.»

Jøøn 11:21

Ni kö Martha jï Jecu, «Kwäärö, onää ï ena kany, coka ba doo thøw.

Jøøn 11:25

Ni kö Jecu jïgø, ni «Beeye aani wø tïŋ jiy maal ki yi thøø ni näga kwøw. Ŋat wø jïëy ni ŋääth aani, këël doo thøw, eni doo cäŋa kwøwø.

Jøøn 11:28

Køøre Martha, na nø caan luummögø, ena cøø ni cwøl coki ma Meeri ni caan gø jï gø mëëth, ni «Dïpööy ena kany, ni pëënynya ïïni.»

Jøøn 11:32

Kanyøgø na pïïc Meeri kanya en Jecu yie ni joot gø, ena päth tiet gø, ni kööe jïgø, «Wui Kwäärö, onää ï ena kany, coka ba doo thøw.»

Jøøn 11:39

Ni kö Jecu, «Daagu kïdi.» 'Ba Martha na näk cöök ŋata näk othøwi aköö jïre, «Kwäärö, kawaane ennø, dëëre onø kwääö, kiper nïr thøwe oløny na aŋweenø.»

Jøøn 5:25

«Adïëri møn, a cäänna uuni, da kany mo öö, ni beeye ennø, kanyo ö jøøa no othøwi noo wïnyge dwør O Jwøk. 'Ba jøw owïny gø, okwøw.