Maak 4:8 - Wëël Jwøk

⁸ 'Ba köödhi møøk apäth yi ŋöömö mo beer. Ni døøŋge ni meetge rege, ni känge ki nyeŋ. Ni møøk käla nyeŋ ma pïëradäk ni møøk käla pïërabïciel, ni kän møga ki dïpa.»

Maak 4:8 Iomraidhean Croise

Wïlöölö 26:12

'Ba Aydhak apurö yi ŋöömmögø, ni ciek caammi jïre døc cwiinaca. Ni ö Wuuö Jwøki ni gwïëth eni,

Aydheea 58:1

Wuuö Jwøk aköö, ni «Kwöŋŋu døc ni ba wëëgu döötu jook; tïŋu döötu maal kaamar dwør tuuŋ, nou cara bääyö mar jiya ki raay moge, ge na nyïïkwaac Jeekap.

Jeremaya 23:29

?Aŋø, a na Wuuö Jwøk, luumma ba caal maac, ni caal guduum man wø tøk kïdi na thäŋi?

Mathiew 13:23

'Ba mana jør yi ŋöömma beer beeye ŋat wø wïny luum Jwøk ni kwany tier gø, ni jïte ki nyeŋ møn, na aciel käla nyeŋ ma dïpa, ni kän maya ki pïërabïciel, ni maya käla pïëradäk.»

Mathiew 13:8

'Ba köödhi møøk apäth yi ŋöömö mo beer, ni känge ki nyeŋ. Møøk käla nyeŋ ma dïpa, ni møøk käla pïërabïciel, ni kän møga ki pïëradäk.

Maak 4:20

'Ba köödhi moa jør yi ŋöömma beer beege jø wø wïny luum Jwøk, ni jïëcge gø, ni känge ki nyeŋ. Ni møøk käla pïëradäk, ni møøk käla pïërabïciel, ni kän møga ki dïpa.»

Maak 4:7

'Ba köödhi møøk apäth yïth koodhi. Ni ö koodhi ni døøŋge, ni bøøcge ge. Ni kärge jïtö ki nyeŋ.

Maak 4:9

Ni kööe, ni «Ŋat mo jïre da ïdhi mo wïnye ki ge, beerra man cek ïthe.»

Luk 8:15

'Ba moa piith yi ŋöömma beer, beege jø wø wïny luum Jwøk ni putge gø mak na bäre bäre ki cwïny mo leer ma adïëri, ni känge ki nyeŋ ni cwïnyge ege cïp piny.

Luk 8:8

'Ba møøk apäth yi ŋöömö mo beer, ni døøŋge ni känge ki nyeŋ ma dïpe.» 'Ba kanya caan gïnögø, dwøre atïŋ maal døc, ni kööe, ni «Nee da ŋat mo jïre da ïdhi mo wïnye ki ge, beerra man cek ïthe.»

Jøøn 15:5

Beeye aani na jaath, ni uuna bäät jaath. Ŋat wø bëëdö dëëra, ni bëëda ree beeye wø känni ki nyïëdi mo thööth. Kiper bäŋ gïn mo maaru tïïc ni näk maa tøør.

Jøøn 7:17

Nee da dhaanhø mo caya man tïïc mana many Jwøki, eni dee ŋääö ki man näk mo pwöc man en käla baŋ Jwøk, wala caana ka wïïa a keera.

Moa Tïïc Nyïïatwieli 17:11

'Ba jø Juuth moøgø theemma geni ki moa en Thecalönika, kiper gena laar jïëy ki luum Jwøk, ni bëëtge ni ge raŋŋa luup moa en yïth weet Jwøk cooth ki man näk mo luupögø adïëri.

Epeca 2:21

ŋata cuŋ øtø kare bäre ree, ni døøŋŋe ni tïme na øt Jwøk mo dwøŋ ni ena kur keere dëër Wuuö.

Pilipay 1:11

nou bëëdu ni cwïnynyu päŋ ki nyïï bëënynyö mo wø ööi ki køør Jecu Krictø, nee Jwøk jiem ni pwøi ki køøru.

Köløcia 1:6

na ö baŋu, kaawat mana keethe møn yi piny bäre ni känne ki nyïëdi ni nyaae, kaawat mana tïïc dïïu thuwø dïcäŋa wïnynyu gø yie, ni kwanynyu tier met yi Jwøk ka adïëri,