Maak 4:26 - Wëël Jwøk

²⁶ Ni kööe, ni «Buc Jwøk keda dhaanhø mo jøra köödhi piny,

Maak 4:26 Iomraidhean Croise

Pwöc Leec Wïc 11:18

Ŋata raac jammi mo wø joode beeye jammi mo kiera wïïe, 'ba ŋat wø piith gïïa beyø wø joota gïna näk kare.

Luup Dïpööy 11:4

Ŋat wø bëëdö ni køya jamø ba pïïdhö, ni ŋat wø bëëdö ni raŋŋa pøøl bäŋ caammi mo kaae.

Luup Dïpööy 11:6

Piith köödhi moï ka amöölla, ni ba øc dëërï piny ki man pïïdhï ka abøøya thuwø, kiper kuyï ki man näk mo pïïdhö marï thura kare ka amöölla wala abøøya, wala kwörögø tïmö ni beyø bëët kiperï.

Aydheea 32:20

'Ba këël gïïögø doo tägö, gwïëth oen bäätu, u ni wø piith caammi mou deŋ pïï, ni wø wec dhäk ka arëëni nee cääthge jaak ni ge cämö ki luum.

Mathiew 13:11

Ni dwøk gø jïge, ni «Beeye uuni na wëëk ŋäc tiet luup moa näk tietge okwøŋ kan kiper buya käl maal. 'Ba jø møga, tier gïnögø kär cïbö jïge nee ŋäcge.

Mathiew 13:24

'Ba Jecu luubö mør mo keda leer acäŋ parrø jïge, ni kööe, ni «Buya käl maal doo päärö ki ŋat mo pwöthe ee jørø ki köödhi ma wøpe.

Mathiew 13:3

Ni caan luup mo thööth jïge na leere, ni kööe, ni «Neennu, da dïpïïdhi mo oaa wøk kuna pïïthe ni mare jør.

Mathiew 13:31

Ni ö Jecu ni cäŋ luubö mør parrø jïge mo keda leer, ni kööe, ni «Buya käl maal caala nyi waŋ kunhnhö mo thiinh døc mo okäl dhaanhe ni piith gø yi pwödhö mare.

Mathiew 13:33

Ni ö Jecu ni cäŋ ge cäännö ki luubö mør mo keda leer ni kööe, ni «Buya käl maal caala thømmø mo olwør dhaage ni kïth gø yi møø ma yïth rumme adäk këël mana wäny møø manøgø bäre.»

Mathiew 3:2

ni köö, ni «Løgu cwïnynyu, kiper buya käl maal kare acäännö.»

Mathiew 4:17

Kar kaagønø, beeye kanya täk Jecu ki køp luum Jwøk, ni cäänö, ni «Løgu cwïnynyu, kiper buya käl maal kare acäännö.»

Maak 4:25

Kiper ŋat wø jïre dagø, møøk ocäŋ cïpö jïre. Ni ŋat wø jïre bäŋgø, këël man wø en jïre, di lwørø.»

Maak 4:27

ni buude jaak ki wärre ki cääŋŋe, ni ö köödhi ni täkge ki tuuö, ni døøŋge, ni tucge kuue.

Luk 13:18

Køøre Jecu aköö, ni «?Buc Jwøk caal ŋø? ?Na agïnaŋø na daa gø päärö ki gø?

Luk 8:11

'Ba tier leer manøgø beeye en. Köödhi beeye luum Jwøk.

Luk 8:5

«Da dïpïïdhi mo oaa wøk kuna jør kööthe. 'Ba na jude, møøk apäth thääŋ jöö, ni nyøri ki tiel, ni ö wenynyi ni camge ge.

Jøøn 12:24

Adïëri møn, acaana gø jïïu, ni näk waŋ bëëlö kär päth yïth ŋøøm ni thøøe, waŋ bëëllögø doo bëëdö keere. 'Ba ni näk mo othøw, beeye wø känne ki nyïëdi mo thööth.

Jeemeth 3:18

'Ba jø wø many bëët-mëër, köödhi mo wø piithge ki mëër wø kännö ki bëënynyö.