Maak 3:2 - Wëël Jwøk

² Ni ö jiyi ni neetge gø, nee jootge ki man näk mo eni ŋatøgø kønye kønyø ki cäŋ jwömö, nee jïtge ki luubö mo kïthge bääte.

Maak 3:2 Iomraidhean Croise

Jeremaya 20:10

Aani, jiy mo thööth awïnynya ni ge mööŋö ki nyeŋŋa, ni «Kee ena köö, ni ‹Lwär mo dwøŋ, piny opääŋe bäre.› Jäällu eni! Beerra man jäälø eni kiree!» Këël nyïïawääta bëët moa näk yaa ŋäädhö kiree, ge manynya ränynyö mara, ni köge, ni «Kanymør wïïe di maaŋŋø, nee ø jïtö ki jöö man böötø eni ki gø, ni marø cool kwör dëëre.»

Daniel 6:4

'Ba kwääri moøgø ki dïbwöthe gena tägö ki man määnyge ki luubö mo kïthge bäät Daniel kiper bëëtö mare yi kwär mar akwöm nyec; 'ba geni bäŋ luubö mo ege joodø mo kïthge bäät gø, wala gïn mo obøth, kiper eni mare adïëri ni bäŋ tïïc mo ee taaø wala gïn mo obøth mo ojoodø baŋe.

Mathiew 12:10

'Ba kanyøce da ŋat mo cere obäp. 'Ba geni Jecu apëënyge, ni «?Beeye gïn mo beer ki man køny dhaanhø mo tuu ki cäŋ jwömö?» Luummögø acaange kiper nee jïtge ki luubö mo kïthge bääte.

Maak 3:3

Ni ö Jecu ni kööe jï ŋata näk cere obäp, ni «Ö nyïm kany.»

Luk 14:1

'Ba dïcäŋ jwömö aciel na ci Jecu baŋ cam yi øt nyen mør mo kare dwøŋ dï jø Paricith, gena tïmö ni ge neeta eni døc.

Luk 20:20

Kanyøgø nø, ena neetge døc, ni jääkge ki jiy ni cøøkge rege ni keda gena jiy mo marge adïëri, nee jïtge ki luubö mo makge gø ki gø ri gïïo care, nee kïthge nyïm kwääc paac, ŋat wø ŋøl luup, na en teeki cere.

Luk 6:7

Ni ö dïpööye mo ciik Jwøk ki jø Paricith ni neetge gø døc, nee jootge ki man näk mo eni kunyö ki cäŋ jwömö, kiper nee jïtge ki luubö mo kïthge bääte.

Jøøn 8:6

Manøgø acaange ni ge päänynya gø nee ge jïtge ki jöö mo kïthge bääte ki luubö. 'Ba Jecu agääŋ ni gööde piny ki lweete.

Jøøn 9:16

'Ba jø Paricith møøk aköö, ni «Ŋatøgø ba käl baŋ Jwøk, kiper eni luum cäŋ jwömö bäŋ wø gwøe.» 'Ba møøk aköö, no «?Onää ŋatøgø ŋat raay, ŋïïce ma yøøgønø a dee gø tïïö nidïï?» Yi kar kanyøgøøni yïthakicge ajïtö ki pïëm.