Maak 3:10 - Wëël Jwøk

¹⁰ Kiper jiy mo thööth ee nø køny, ni tïm jøøa dëëtge da ŋwiili ni rïïya bääte, nee gutge.

Maak 3:10 Iomraidhean Croise

Wïlöölö 12:17

'Ba Wuuö Jwøk täwe mo leth døc akïth bäät Peerø ki jø paan dwøŋ mare ki køør Caray cï Abram.

Kwään Jiy 11:33

'Ba kanya poode ni rïŋ poot tiet lakge, ni poot kärge thöörö, wëëc Wuuö Jwøk aö bäät jiy; ni ö Wuuö Jwøki ni käl täw mo leth døc bäät jiy.

Mathiew 12:15

'Ba kanya ö Jecu na ŋäc gïnögø, ree adaae kaace. Ni ö jiyi mo thööth ni läpge køøre. Ni køny jiy moa tuu bëët.

Mathiew 14:14

'Ba kanya ö Jecu na eth wøk, lwaak mo päl ajoode, ni päth cwïnye ki gïrge, ni køny jøøa tuu dïge.

Mathiew 14:36

Ni kwaacge eni këël ki man gutge deŋ abïïne keere jaak. 'Ba jøøa gut gø bëët, dëëtge adøø karge.

Mathiew 4:23

Ni ö Jecu ni caath dï Galili bäre, ni pöö yïth uut acook lam moge, ni køp luumma nyään na met mar buc Jwøk, ni kunyö ki teeŋ täwe bëët ki ŋwiili bëët moa en dëët jiy.

Maak 5:34

Kanyøgø Jecu aköö jïgø, «Nyaara, ŋäädhe marï dëërï awëëk jöönnö. Ciï nø ki met ec. Ŋwellï ba duu dëërï këët.»

Maak 6:56

'Ba kany wø ci Jecu yie, nee ena yïth mïëri moa therø ki yïth päänye, wala dï paac, jiy moa tuu wø pïëlge kwör ŋïëw, ni kwaacge eni këël ki man gutge deŋ abïïne keere jaak. 'Ba jøøa gut gø bëët, dëëtge adøø karge.

Maak 8:22

Ni öge yi Betheeda. 'Ba jø møøk akän bäŋ Jecu ki dhaanhø ma cwør, ni kwacge gø nee mule.

Luk 5:3

Ni eth yi jääy aciel røkge, mana näk mar Cayman, ni pëëny gø nee jääy nyiik yi naam mëëth. Ni pï piny ni pwöny jiy ki yi jääy.

Luk 6:19

Ni ö lwaaøgø bäre ni tïmge ni ge manynya man gutge gø, kiper da teek mo wø öö ki baŋe ni køny ge bëët.

Luk 7:2

'Ba kanyøgø da kwääy dïkuye ma dïpa mo jïre da laŋŋø mo pere leth døc jïre. 'Ba laŋŋøgø tuu ni kare cään ki thøø.

Luk 7:21

'Ba yi caannøca Jecu jø täwe mo thööth akønye, ki jøøa dëëtge da ŋwiili, ki jøøa dëëtge da juuga reyø, ni dwøk nyeŋ cööye mo thööth karge.

Moa Tïïc Nyïïatwieli 5:15

Ni tïm jiyi ni ge kïtha wøk ki jø täwe uutjïëthe, ni pïëlge geni bäät pëëmme ki pëëne, kiper nee kany wäro ö Piterri ki buutge, nee tïmme pööth bäät møøk dïge.

Ibaru 12:6

Kiper Wuuö Jwøk wø pwönynya jø wø mëëre ki geni, ni pwöt wääte bëët mo wø jïëe ki ge.»