Maak 2:20 - Wëël Jwøk

²⁰ 'Ba nïne oööi, kanyo ö cø nyakøøe noo lwøri dïge. 'Ba cäŋöca nø, beeye cäŋo wötge yie.

Maak 2:20 Iomraidhean Croise

Obeec Dudi 3:11

Wui! u na nyïïakuk Jerucalem, ööu wøk, ni neennu nyeya ma Cølöman ni wïïe okïthö ka aduda en, ni beeye adun nywöm mana kïth menni wïïe dïcäŋa nyöömme, ni beeye dïcäŋa näk cäŋ met ec mare.

Aydheea 54:5

Kiper aani ni wø bëëdö kaamar cwørï bee aani na cwääc ïïni, ni nyeŋŋa beeye Wuuö Jwøk, a na wïth jammi bëët. A na Jwø Icriel na en kur keere, bee aani na wïïl ïïni wøk, ni bee a ni wø cwøl ni Jwø Bäät Piny Bäre.

Aydheea 62:5

Kaawat man wø ö dïcwøø wø nywøm nyakøø, ï na Jerucalem thuwø wäätï omëëyi ki ïïni; kaawat man wø ö dïcwøø wø mïn yie kany wø tïŋ cïïe na dhaagø thiinh, Jwøk marï thuwø yie mïnnö ki ïïni.

Dhekaraya 13:7

Wuuö Jwøk, eni na wïth jammi bëët, aköö, «Wui, opëëllö! Ö maal ni 'nägï dïkwääy mar dïëk 'moa; 'näk eni, eni na kare cään ki aani; 'näk dïkwääy nee dïëk keethge; 'ba aani cera ocäŋa løø bäät obwöre moa therø.»

Mathiew 26:31

Kanyøgø Jecu aköö jïge, ni «Dïwääni u bëët a weyu wiiø kiper gïno tägi dëëra. Kiper ogöörö, ni ‹Aani dïkwääy ogøøa, ni ö dïëki ma pïïth ni keethge.›

Mathiew 9:15

'Ba adwøk Jecu jïge, na «?Aŋø, wëët nywöm doo kïmmö ni cø nyakøø poot ena dïge? 'Ba nïne oööi, kanyo ö cø nyakøøe noo lwøri dïge. Kanyøca nø, beeye noo wötge.

Maak 2:19

Ni kö Jecu jïge, na «?Aŋø, wëët nywöm wø wödö ni cø nyakøø poot ena dïge? Ge ba doo maara wödö kany wø poode ni cø nyakøø poot ena dïge.

Maak 2:21

«Bäŋ dhaanhø mo doo rap thääŋ abïï mo nyään dëër abïï mo otøp. Ni näk mo tïïe tïïö, räbi mana nyään ree jëëe wøk dëër abïïna näk otøp, ni tïme na jeeø mana raac døc.

Luk 17:22

Ni kööe jï bääge, ni «Cääŋŋe oööi, kanyo manynyu Wär Dhaanhø nee jootu ki dïcäŋ aciel keere, 'ba eni ba jootu.

Luk 5:35

'Ba nïne oööi, kanyo ö cø nyakøøe noo lwøri dïge; ki yïth nïröke nø, beeye noo wötge.»

Jøøn 12:8

Jøøa can wø ena dïïu cooth, 'ba aani, a ba en dïïu cooth.»

Jøøn 13:33

Nyïïobwöre, a poot en buutu ka kany mo thiinh. Aani, aano cayu, 'ba kanyo cøøa yie, u ba doo maara ö yie, kaawat mana caana gø jï jø Juuth. Ni beeye ni caana jïïu en.

Jøøn 16:28

A käla baŋ Wuuö møn, ni ööa piny en. 'Ba a cäŋa aay piny ni døøa baŋ Wuuö.»

Jøøn 16:7

'Ba kawaane a cäänna uuni ka adïëri, ni doo beerra eni jïïu ki man aa. Kiper ni näk maa ba aay, Dïkunyi ba ö baŋu. 'Ba ni näk maa aay, eni ojääŋŋa baŋu.

Jøøn 17:11

'Ba kawaane a ba en piny këët, 'ba bee geni ni en piny, ni aani, a ööa baŋï. Awuuö, ï na en kur keerï, gwøk geni ki køør nyeŋŋï na teek na näk iï cïbö jïra, nee tïmge na aciel, kaawat marø na nägø aciel.

Jøøn 17:13

'Ba kawaane a ööa baŋï, naa caana gïï ii kany pooda naa ena piny, nee met ec mara thur kare jïge.

Jøøn 3:29

'Ba ŋat wø nyöömmi beeye na wää dhaagø thiinh. 'Ba lwöm wää nywömmi ni wø cuŋŋi ni wïnynya mare, yie wø mïnnö døc kany wø wïny dwør wää nywömmi. Ni beeye na mïn yia døøc kawaane.

Moa Tïïc Nyïïatwieli 1:9

'Ba na nø caan gïnögø, ni ge poot neeta gø, ena put tïŋ maal, ni puti ya pööle gëëŋ.

Moa Tïïc Nyïïatwieli 14:23

'Ba na nø kwänyge ki jaae yïth acook Jwøk bëët ki køør lam ki wödö, gena wiige cer Wuuö, ŋata jïëcge ni ŋääthge.

Moa Tïïc Nyïïatwieli 3:21

ŋato bëëdö maal gøøc mano ö jammi bëët noo døøyi mo nyään keda mana kwøŋi ya Jwøki køp ki dhøk nyïïkuk moe na en kur keerge.

1 Körin 7:5

Käru kweeyø ki dëëtu. 'Ba kanymør ni näk mou jïëy karuriet ki man mänu dëëtu dïciel kiper nou lämu døc, doo beer. 'Ba noo näk køøre, cäŋu dwätö, kiper nee Ceethan cwïnynyu ba wëëk lämmö ki køør mano ba lønye jïïu ki man mänu dëëtu.

2 Körin 11:2

Kiper gïru yaa keeø ki keec man wø näk mar Jwøk. Kiper u yaa miiø jï Krictø, nou cïba jïre keda dhaagø thiinh mo dëëre joota cwøre keere.

2 Körin 11:27

Naa wø ööl ki tïïe mo teek yïth gïï mo leth, ni bäŋ niine ki wärre mo thööth, naa wø bëëdö ki käc ki riew, naa bäŋ wø jïti ki gïn cama ki kwör mo thööth, naa wø bëëdö yi köö ni bäŋ gïn rïëba bääta.

2 Körin 6:5

ki pöödö, ki tööyö, ki dïŋaŋ, ki öölö, ki bäŋ niine, ki bëët käc.

Mana Nyooth 19:7

Yïthø mïnge ni kanynyø ni jiemø eni, kiper nywöm mar Nyidiel apïï, ni dhaagø thiinh mare dëëre ee nø jiiŋŋø.

Mana Nyooth 21:9

Kanyøgø nyïïatwiel aciel røk nyïïatwiet maal moa näk abïriiø, jøøa käär kuuya näk abïriiø na päŋ ki jap räny piny moa näk abïriiø na näk aŋuudi ena öö ni luupe ki aani, ni kööe, ni «Ööï, nee dhaagø thiinh na näk cï Nyidiel nyutha ïïni.»