Maak 2:13 - Wëël Jwøk

¹³ 'Ba Jecu acäŋ aa wøk bäät Puul Galili. Ni ö lwaaki bäre ni cooŋge rege buute, ni pwöny geni.

Maak 2:13 Iomraidhean Croise

Mathiew 13:1

'Ba dïcäŋögø Jecu adøny wøk ki yi øtø ni ci bäät Puul Galili ni pï piny.

Mathiew 9:9

'Ba kanya ö Jecu na pöödhe ki kaace, nyen mør ma ŋat ajwäk mo cwøl ni Mathiew ajoode no opï piny kar ajwäk. Ni kööe jïgø, «Ö køøra.» Ni ö maal ni läp køøre.

Maak 1:45

'Ba ena aay ni put tägö ki man car gø jaak, ni køpa gø jï jiy bëët. Kiper manøgø nø, Jecu atïmö ni ba maar ö dï pääny ni ree ee nyoodhø, 'ba bëëdö yïth mïëri moa en wøk. Ni ö jiyi baŋe ki yïth mïëri bëët.

Maak 10:1

Køøre Jecu atïŋŋö kaace ni ci yïth mïëc Judia løø Naam Jördan løøga, ni ö lwaae ni cäŋge rege cooŋ buute. Ni cäŋ ge pwönynyö keda man wø bëëde cøøn.

Maak 2:2

Ni ö jiyi mo thööth kaagø, ni tïme ni bäŋ kany rømge yie, këël dhi øtø wøk. Ni eni køpa luum Jwøk jïge.

Maak 4:1

'Ba dïcäŋ aciel Jecu acäŋ tägö ki pwöc bäät Puul Galili. Ni ö lwaaki mo päl ni cooŋge rege buute. Kiper manøgønø, ena eth yi jääy, ni pï piny yie yi naam. Ni ö lwaaki bäre ni en bäät ageela.

Luk 19:48

'Ba bäŋ gïn mo ege joodø mo maarge tïïc, kiper na tïm jiyi bëët ni leŋa luupe.

Luk 21:38

'Ba wø tïme na amöölla, jiy bëët ööa baŋe yi Øt Jwøk Mana Dwøŋ kuna wïnyge mare.