Maak 16:19 - Wëël Jwøk

¹⁹ 'Ba kanyøgønø, na ö Kwäärö ma Jecu na nø cääne ki bääge, ena kïth maal, ni pï bäät cwïï Jwøk.

Maak 16:19 Iomraidhean Croise

Dut Pwøc 110:1

Maak 16:20

Ni aacge ni køpge luumma nyään na met yïth mïëri bëët, ni Wuuö tïïö ka geni, ni nyootha gø ni luummögø ni wø køpge beeye adïëri ki køør ŋïïce mo wø cäädhi ki gø na aciel. Enøgønø.]

Luk 22:69

'Ba køør man ennø, Wär Dhaanhø opï piny bäät cwïï Jwøk kuna en teek Jwøki yie.»

Luk 9:51

'Ba Jecu, kanya cään kar nïne moe ki man dwøgi maal, cwïnye atïmö ni lääŋŋa ciin yi Jerucalem.

Jøøn 13:1

'Ba kanya cään kar ajwöm-cam Cäŋa Pööth Thøøe Yie, aŋäc Jecu ni kanyo aae pinyi en noo ci baŋ Wuuö kare acäännö. Ni eni mëër ki jiye na en piny, ni bëëdö ni mëër ki geni këël aŋuun kwøw mare.

Jøøn 16:28

A käla baŋ Wuuö møn, ni ööa piny en. 'Ba a cäŋa aay piny ni døøa baŋ Wuuö.»

Jøøn 17:13

'Ba kawaane a ööa baŋï, naa caana gïï ii kany pooda naa ena piny, nee met ec mara thur kare jïge.

Jøøn 20:17

'Ba Jecu aköö jïre, «A kär gäämï, kiper a poot kär ci baŋ Wuuö. 'Ba ci baŋ nyïïmera ni caanï gø jïge, na ‹A cøøa baŋ Wära ni näk Wääu, ni beeye Jwøa ni näk Jwøu.› »

Jøøn 21:15

'Ba na lønyge ki cam, Jecu aköö jï Cayman Piter, ni «?Cayman o Jøøn, ï mëër ki aani ni kaala moi?» Ni kööe jïgø, «Ŋäyï, Kwäärö, naa mëër ki ïïni.» Ni kö Jecu jïre, «Piith nyïï dïëga.»

Jøøn 21:22

Ni kö Jecu jïre, «?Ni näk beeye mana manynya ni eni dööŋe këël mano ööa, jïrï dee ŋø? Ööï, ni cäädhï køøra.»

Jøøn 6:62

?A dee tïmö nidïï nø ni näk mo Wär Dhaanhø neennu neenø ni cøøa maal kuna kwøŋ öö ki yie dïkwøŋ?

Moa Tïïc Nyïïatwieli 1:22

ni tägi ka ri lwøk na nyuudhi mar Jøøn, këël dïcäŋa käl Jecu dïïø ni aa maal. Dhaanhø aciel dï jøøgø doo dwätö ki øøni na aciel nee tïme na lïŋi kiper duun Jecu wøk ki yi thøø na neene.»

Moa Tïïc Nyïïatwieli 2:33

'Ba kawaane kiper na tïŋi maal ni wëëgi ajiem bäät cwïï Jwøk, ni wëëgi Jwïëc Jwøk na en kur keere na buuk Wuue jïre, gïn neennu en ni wïnynyu en awëëk ööny bäätwa.

Moa Tïïc Nyïïatwieli 3:21

ŋato bëëdö maal gøøc mano ö jammi bëët noo døøyi mo nyään keda mana kwøŋi ya Jwøki køp ki dhøk nyïïkuk moe na en kur keerge.

Wëëlö Mana Göör Pøølli Baŋ Jø Röm 8:34

?Aŋa noo jääl dhaanhø? ?Beeye Krictø Jecu? Patha eni, kiper beeye eni na thøw, ni tïŋ maal ki yi thøø, ni en bäät cwïï Jwøk, ni wø kwääö kiperø.

Köløcia 3:1

'Ba ni näk uuno tïŋ maal nø ki Krictø, beerra man manynyu moa en maal, ni beeye kanya en Krictø yie, no opï piny kur cer cwïï Jwøk.

1 Timöthi 3:16

Ajïëø møn, ni gïna näk tiere okwøŋ kan mar lam marø, dwøŋ møn. Kiper øøna jïëy, ni ena nyooth kanya tïme na dhaanhø, ni ŋunni ya Jwïëc Jwøki, ni ena neen nyïïatwiet maalli, ni nyeŋŋe okøbø dï mïëri, ni jïëc nyeŋŋe dï piny, ni kïthi maal ka ajiem.

Ibaru 1:3

ŋata joot ajiem Jwøk dëëre, ni kït Jwøk kiree ena dëëre, ŋata bëën jammi bëët ki dwøre na teek. 'Ba eni, kanya nø wëën ajäl raay, ena pï piny bäät cwïï Kwääya dwøŋ ni en maalø.

Ibaru 12:2

ni ø neeta Jecu, eni na täk ŋäädhe marø ni wø tïïc gø nee thur kare, ni beeye ŋata jïëny thøw bäät jaadha no odëëdö kiper met ec mana en nyïme, na taak laac wïc, ni pï piny buut wäl Jwøk bäät cwïïc.

Ibaru 4:14

'Ba na tïme nø, ni jïïø da Kwääy Lam Mana Dwøŋŋa eni, ŋata pöödhö ki dï pøøl na døø maal, ni beeye Jecu, O Jwøk, beerra man putø mana jïëø ki gøøni maa cwïnynyø.

Ibaru 6:20

kanya ci Jecu yie na kwøŋ pïï kiperø, kiper mana tïme ni ena Kwääy Lam Mana Dwøŋ këël na bäre bäre, ni caala Melkidhedek.

Ibaru 7:26

Kiper teeŋ Kwääy Lam Mo Dwøŋ ma enøgønø, orømø ki can marø, ŋata en kur keere, ni bäŋ ajäla dëëre, ni bäŋ gïn mo jøøŋŋi ree, ni ba en dï jø raay, no orøønyø ni dwøŋŋa eni maalø bäre.

Ibaru 8:1

'Ba tier gïn cäänwa kipere, beeye en. Ni teeŋ Kwääy Lam Mana Dwøŋ manøgø ena jïïø, ŋata pï bäät cwïïc buut wäl Ŋata Dwøŋ ni en maal,

Ibaru 9:24

Kiper Krictø kär døny yi kanya en kur keere mana näk tïïc ka ceŋ, man wø nyooth kanya en kur keere mana näk adïëri. 'Ba ena ci maalø kiree, ni eni cuŋŋö nyïm Jwøk ennø kiperø.

1 Piter 3:22

ŋata aa maal, ni en bäät cwïï Jwøk, ni bëët nyïïatwiet maal, ki kwääri, ki teek bäre ni ge leŋa dwøre.