Maak 16:18 - Wëël Jwøk

¹⁸ ni kwaanyge thwöre. 'Ba ni näk da gïr thøø mo maathge, bäŋ gïn mo tïïe dëëtge. Ni kïthge ceŋge bäät jø täwe, ni jöön dëëtge.»

Maak 16:18 Iomraidhean Croise

Wïlöölö 3:15

Yïthakiyu ki dhaagø omooa ki män, ni mooa yïthakic nyïïï ki nyïïe ki män thuwø. eni wïïï onyadhe, ni ö ïïni ni dwøŋï opuny tiere.»

Maak 5:23

Ni kwac gø, ni kööe, «Nyaara mo thiinh ena um thøø. Ööï ni kïthï ceŋŋï bääte, kiper nee dëëre jöönne ni kwøe.»

Luk 10:19

Neennu, uuna wëëga teek ki man nyøru thwöre ka agarapi, ki teek ki man böötu teek mar nyimän bäre na näk anägö, ni bäŋ gïn mo gwaar uuni.

Moa Tïïc Nyïïatwieli 19:12

Ni tïme ni manydhïïle wala thäk abïïe di kälö ki baŋe ni kïthi baŋ jøøa tuu, ni aac täwe dëëtge, ni ö juuga reyø ni öge wøk dëëtge.

Moa Tïïc Nyïïatwieli 3:12

'Ba na ö Piterri na neen gïnögø, jøøgø aluumme, ni kööe, ni «?Jø Icriel, aŋø ni thäŋ yïthu ki gïn en, wala aŋø ni raŋŋu jïwa, kee ŋati wëëga wa wääth ki teek marwa wala karwa cään ki Jwøk?

Moa Tïïc Nyïïatwieli 3:16

'Ba beeye Jecu manøgø ki ŋäädhe na en ri nyeŋŋe na wëëk ŋati tëënnö ni neennu en ni ŋäyu. Ni beeye ŋäädhe mana öö ki ri Jecu na wëëk dëër ŋati døø kare na bäre nyïmmu bëët.

Moa Tïïc Nyïïatwieli 4:10

wär ŋäyu bëët, u ki jø Icriel bëët, ni beeye nyeŋ Jecu Krictø nyï Nadhareth, na 'nägu bäät jaadha no odëëdö na tïŋ Jwøki maal ki yi thøø, na wëëk dëër ŋatøgø ni cuŋŋi nyïmmu enø døø kare.

Moa Tïïc Nyïïatwieli 4:22

Kiper ŋatøgø na køny ki jöö mo rëëma ec enø, cwiiye jïtö ki pïëraŋween ki wïthge.

Moa Tïïc Nyïïatwieli 4:30

kany bëëdï ni cerï iï rwääö baŋ køny en, ni ö ŋïïce ki gïï mo rëëma ec ni tïïi ki køør nyeŋ Dhaanhnhï ma Jecu na en kur keere.»

Moa Tïïc Nyïïatwieli 9:34

Ni kö Piterri jïgø, na «Aneea, ïïna køny Jecu Krictø; ö maal ni jegï pëëmï.» Ni put ö maal.

Wëëlö Mana Göör Pøølli Baŋ Jø Röm 16:20

'Ba Jwøk ni wø cïp bëët-mëër, Ceethan olaar ŋiith tietu. Met ec mar Kwääyø ma Jecu Krictø bëëde bäätu.

1 Körin 12:9

'Ba ŋat mør wø wëëk Jwïëyögø ŋäädhe. Ni ö ŋat mørri ni wëëgi muuy mar riem täwe, ni poot na Jwïëyögø na aciel enø.