Maak 16:16 - Wëël Jwøk

¹⁶ 'Ba ŋato wäro jïëy ni ŋäädhe ni lwøi na nyuudhi, opiem. 'Ba ŋato wäro ba jïëy ni ŋäädhe, ojääl.

Maak 16:16 Iomraidhean Croise

Mathiew 28:19

Kiper manøgønø, cou ni tïïyu wïth juurre mo bäät piny bëët na bääŋi 'moa, ni lwøgu geni na nyuudhi ki nyeŋ Wuuö, ki Wäädö, ki Jwïëc Jwøk na en kur keere.

Maak 1:15

Ni kööe, ni «Kanya wäŋŋi athur kare, ni buc Jwøk kare acäännö. Løgu cwïnynyu ni jïëyu luumma nyään na met, ni ŋääthu gøøni.»

Luk 8:12

'Ba moa päth thääŋ jöö caala jiy mo wø wïny luum Jwøk; 'ba anägö öö, ni käl luubö wøk cwïnyge, kiper nee ge ba jïëcge ni ŋääthge, nee ge piem.

Jøøn 20:31

'Ba moi göör kaper nou jïëyu ni Jecu beeye na Krictø ni näk O Jwøk, kiper nee u jïëyu ki eni ni ŋääthu gø, nou jïtu ki kwøw ki nyeŋŋe.

Jøøn 3:36

'Ba ŋat wø jïëy ki Wäädö ni ŋääth gø, ree da kwøw mana näk adïëri mo bäŋ cuŋŋe. 'Ba ŋat wø ba leŋ dwør Wäädö, kwøw ba dee joodø, 'ba ajäla mar Jwøk bëëdö bääte.»

Jøøn 3:5

'Ba aløk Jecu jïre, na «Adïëri møn, a caana gø jïrï, ni näk mo dhaanhø kär nywølø ki pïï ki Jwïëc Jwøk, eni ba doo maara døny yi buc Jwøk.

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Jøøn 6:29

Ni løgi ya Jecu jïge, «Ki man jïëyu ki eni na jääŋ Jwøki ni ŋääthu gøøni beeye eni na tïï Jwøk.»

Jøøn 6:35

'Ba Jecu aköö jïge, ni «Beeye aani na møk kwøw. 'Ba ŋat wø ö baŋa doo bäŋ käc ree, ni ŋat wø jïëy ni ŋääth aani doo bäŋ riew ree na bäre bäre.

Jøøn 6:40

'Ba mana many Wära beeye en, ni ŋato wäro ŋec Wäädö ni jïëe ki eni ni ŋääth gø, jïtö ki kwøw mana näk adïëri mo bäŋ cuŋŋe. 'Ba aani, ŋatøgø otïŋa maal yi cäŋo cuŋ pinynyi yie.»

Jøøn 8:24

Anø caana jïïu, ni ‹Uuno thøø yïth raay mou.› Kiper ni näk mou ba jïëy ni beeye aani na eni, u thøøa yïth raay mou.»

Moa Tïïc Nyïïatwieli 10:43

Ni beeye eni na gïre caan nyïïkuk Jwøki bëët, ni jiy bëët moo jïëy ki eni ni ŋääthge gø, raacge owec ki køør nyeŋŋe.»

Moa Tïïc Nyïïatwieli 13:39

Ni beeye ki køøre no ö jøw ojïëy bëët ni ŋääthge noo pädi yïth jammi bëët moa ba doo maar lønyø jï ciik Modhe ki man pät uuni.

Moa Tïïc Nyïïatwieli 13:46

'Ba Pøøl ki Barnaba gena put cäänö døc ni cwïnyge da cer, ni köge, ni «Doo beer ki mana di luum Jwøk caanø jïïu dïkwøŋ. 'Ba kawaane na thanyu gø wøk, ni ŋølu rou wøk nou ba rømi ki kwøw mana näk adïëri mo bäŋ cuŋŋe, wa luga baŋ juurre nø.

Moa Tïïc Nyïïatwieli 2:38

Ni kö Piterri jïge, ni «Løgu cwïnynyu ni lwøk uuni na nyuudhi u bëët, ki nyeŋ Jecu Krictø, kiper nee gïïa bayu nee wec. 'Ba Jwïëc Jwøk na en kur keere ocïp jïïu na muuy.

Moa Tïïc Nyïïatwieli 2:41

'Ba kanyøgø nø jøøa jïëy ki luumme, gena lwøk na nyuudhi. 'Ba dïcäŋöca jøøa dwätö ki bääk Jecu, ge jïtö ki kar kume adäk.

Moa Tïïc Nyïïatwieli 22:16

?'Ba kawaane agïnaŋø ni koorï? Ö maal, niï lwøk na nyuudhi, niï penya raayï wøk, niï cwøla nyeŋŋe.›

Wëëlö Mana Göör Pøølli Baŋ Jø Röm 3:6

'Ba doo løny. ?Onää enøgønø, Jwøk luup piny a dee gø ŋølø nidïï?

Wëëlö Mana Göör Pøølli Baŋ Jø Röm 4:24

'ba göör kaperø thuwø. 'Ba øøno jïëc thuwø ni marø beer, ø na näk ojïëy ni ŋääth ŋata tïŋ Kwääyø ma Jecu maal ki yi thøø,

2 Thecalönika 1:8

ni cool kwöri dëët jøøa kuc Jwøk, ki moa taak luumma nyään na met mar Kwääyø ma Jecu.

2 Thecalönika 2:12

kiper nee jiy bëët moa näk yïthge met ka gïï mo reyø, na näk kär jïëy ki gïna näk adïëri, nee ge jääl.

1 Piter 1:21

'Ba beeye ki køøre na tïmu nou ŋäätha Jwøk, eni na duu Krictø wøk ki yi thøø, ni mooc gø ka ajiem. Kiper manøgønø, jïëy maru ki ŋäädhe maru ena ri Jwøk.

1 Piter 3:21

'Ba lwøk na nyuudhi ni caal gïnögø, piema uuni kawaane, ni paa kiper man wø käl cïlö wøk dëël, 'ba beeye kwac nyïm Jwøk ki cwïny mo leer, ki køør duun Jecu Krictø wøk ki yi thøø,

Mana Nyooth 20:15

'Ba ni näk da ŋat mo nyeŋŋe kär joodø no ogöör yi Wëël Kwøw, eni wø leeŋa yi naama liel ki maac mo jïye keec ni lïëth døc.

Mana Nyooth 21:8

'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»