Maak 16:15 - Wëël Jwøk

¹⁵ Ni kööe jïge, ni «Cou ni caathu dï piny bäre, ni køpu luumma nyään na met jï jiy bëët.

Maak 16:15 Iomraidhean Croise

Aydheea 45:22

«U na jiy moa en teegi mo piny bëët, ööu baŋa nou piem, kiper bee aani na Jwøk, ni bäŋ Jwøk mør këët.

Aydheea 49:6

Ena köö, ni «Bee gïn mo thiinh jaak kipera ki man tïïa ïïni na dhaanhnha, nee wïth tuŋi mo Jeekap tïŋï maal, ni duuï jø Icriel moa no odööŋ ni kwøw. Aani thuwø ï tïïa tïïö ni ïïna tar mar wïth juurre, nee pïëm mara man wø piema jiy ki gø nee pïïe teegi mo piny bäre.»

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Mathiew 28:19

Kiper manøgønø, cou ni tïïyu wïth juurre mo bäät piny bëët na bääŋi 'moa, ni lwøgu geni na nyuudhi ki nyeŋ Wuuö, ki Wäädö, ki Jwïëc Jwøk na en kur keere.

Maak 13:10

'Ba luumma nyään na met okwøŋ køp yïth mïëri bëët.

Jøøn 15:16

Paa uuni na jier aani, 'ba beeye aani na jier uuni, ni kwanya uuni nou cou ni kännu ki nyïëdi, ni tïm nyïëdi mou ni bëëdö. Kiper manøgønø, nee gïn wäro pëënynyu Wuuö ki gø ki nyeŋŋa, nee cïbe jïïu.

Jøøn 20:21

'Ba Jecu acäŋ köö jïge, ni «Bëët-mëër bëëde bäätu. Kaa mana ö Wuue na jääŋ aani, u jääŋŋa jääŋŋö thuwø.»

Moa Tïïc Nyïïatwieli 1:2

gøøc dïcäŋa lwøri na kïthi maal, køør mana kööm nyïïatwieli moe ki ri Jwïëc Jwøk na en kur keere, jøøa näk ee jierø.

Moa Tïïc Nyïïatwieli 1:8

'Ba uuno jïti ki teek kanyo ö Jwïëc Jwøki na en kur keere bäätu, ni tïmu ni uuna lïŋŋe 'moa yi Jerucalem, ki yi Judia bäre, ki Cameria, këël yi piny bäre.»

Wëëlö Mana Göör Pøølli Baŋ Jø Röm 10:18

'Ba a pëëö. ?Aŋø, geni, kärge wïnynyö? Awïnyge møn, keda mana caani ya Wëël Jwøki, ni «Döötge awïnyö bäät piny bäre, ni ö luupge ni këët dï piny bäre.»

Wëëlö Mana Göör Pøølli Baŋ Jø Röm 16:26

na nyooth kawaane ni tïïi ni ŋäc wïth juurre bëët ki køør luup moa näk ogöör nyïïkuk Jwøki, ki køør dwør Jwøk ni wø bëëdö na bäre bäre, kiper nee wïth juurre wëëk jïëy ni ŋääthge.

Epeca 2:17

Ni ööe ni køp luum bëët-mëër jïïu, u na karu bäär, këël jï jøøa karge cään.

Köløcia 1:23

ni näk mou puta bëëtö ri ŋäädhe man nou ba dääŋi, ni putu bëëtö nou teek, ni ba weyu gïna ŋääthu ri luumma nyään na met na wïnynyu. Ni luummögø beeye mana køp jï moa näk ocwääö bëët dï piny bäre, ni put aani tïïc ni aana ŋat tïï gø, a na Pøøl en.

Köløcia 1:6

na ö baŋu, kaawat mana keethe møn yi piny bäre ni känne ki nyïëdi ni nyaae, kaawat mana tïïc dïïu thuwø dïcäŋa wïnynyu gø yie, ni kwanynyu tier met yi Jwøk ka adïëri,

1 Jøøn 4:14

'Ba mana neenwa ni wø køpwa beeye ni Wuuö Wääde ajääŋŋe na Pïëmi mar piny.

Mana Nyooth 14:6

Kanyøgø nyïïatwiel maal mør mo määdö maal ajooda, ni käära luumma nyään na met na näk bäŋ cuŋŋe mo købe købø jï jø wø bëëdö bäät piny, ni beege mïëri bëët, ki wïth tuŋi bëët, ki teeŋ dhøgi bëët, ki wïth juurre bëët.